اقتباس

من نفس المكان يلي انتوا عم تستسقوا أخباركم منه

طب اوكي شو رأيك بكرى تنزلي على ركن الدين في تشييع هونيك وتستقي شوية أخبار من التشييع ...
أنا بكرى (غالبا انشالله مو أكيد) رايح استسقي كم خبر من هونيك ...
كوني هونيك وشوفي بعينك ...

اقتباس

مو كنا عايشين وعين الله علينا

طبعا كنا عايشن وطبعا عالدوام عين الله علينا ...
بس اذا قصدك مجازي انو مبسوطين فأنا بقلك لاء ...
أبسط حقوقنا كنا محرومين منا ...

أنا كتير بحب اتفرج على الأخبار من سنين ، خلال السنتين الأخيرتين ارتفعت سوريا لمرتبة بتجنن ولك صارت دول أكبر منا تبعت وفود مشان يعملوا معنا علاقات ، وانته قارن سوريا تبع القبل عشر سنين مع تبع البعد عشر سنين " يعني وقت ما استلم الرئيس الرئاسة" ورح تشوف الفرق ، كان السوري يلف الدنيا كلها وهو رافع راسه وكل الناس تقول بيطلعله بس هلأ ........ما بعرف

اقتباس

هلأ نحنا متفقين إنه نظامنا " الأمني" بدو تغيير من جذوره ،
بس يعني فكر فيها هاد النظام هيك من أكتر من تلاتين سنة وانتوا بدكم
تغيروا بليلة وضحاها ، يعني كمان الواحد إذا طلب شغلة لازم يستنا عليها شوي
، " وعلى فكرة هي أكتر نقطة خلتني ما وقف مع الطرف التاني "

معناتو ما صار اسمك مؤيدة ,, وإنما تميلين إلى جانب المعارضة الداخلية "المدجنة"

لأنو ما بصير تعترفي بطرف أنو عم يقتل بعدين تقولي "انا مالي واقفة مع الطرف التاني"

هلأ طبعاً بدنا نكون محرومين من " بعض " مو " أبسط " لإنه منضل غير باقي دول العالم ، يعني لو بدنا ناخد كل حقوقنا لازم نتنازل عن شوي من كرامتنا ، وطبعاً انته بتعرف السوريين عندهم الكرامة أغلى من أي شي

اقتباس

" معارض للعضم " اسمي نورمان مو ناريمااااااااااااان

العتب عالنظر ما تواخزينا ... بس مبارحة آكل كم ضربة على عيني من الشبيحة يلي عالحاجز وكمان انكسرت نضارتي وما رحت جبت بدالا لهلئ ...
يعني بدك تعزرينا 

اقتباس

ببساطة لا تحكي شي عني..

:O ... وين حكيت عنك بالضبط ؟!
على كل رايح راجع تعليقاتي بلكي انا طارو عقلاتي بعد هالقتلة يلي اكلتا وكتب شي تعليق عنك بالغلط 

لأ بلى صار اسمي " مأيدة تريد إصلاح النظام الأمني " ، كيفك فيا

اقتباس

لأ بلى صار اسمي " مأيدة تريد إصلاح النظام الأمني " ، كيفك فيا

منيح فيا .. والله عجبني هالاسم.. ولازم نطلقو على جماعة هيئة التنسيق (المعارضة الداخلية)

بس لقلك كلمة ... بالله أنتي برأيك مين بدو يصلح .. هلق بدك تقولي "الرئيس" مو هيك ؟؟؟

"ببساطة لا تحكي شي عني" ، أنا ما كتبت هيك شي لا تراجع وتضيع وقت ما بعرف من وين جبتها ، يمكن من القتلة يلي أكلتها امبارح  

رح قلك الرئيس وكل الشعب ، عدا الزنغيل طبعاً ، بس المشكلة إنه كل مين بدو يصلح على كيفه ، المأيدين تاركين الإصلاح للدولة أما المعارضين بفهنن بدهم يصلحوا بإيدهم " وهون المشكلة "

والله عجبني هالاسم.. ولازم نطلقو على جماعة هيئة التنسيق (المعارضة الداخلية)

لو سمحت حقوق النشر والطبع محفوظة