تسلمو جمالو ورهف ..
الله يعافي قلوبكن ..
بس والله كنت مجنون فطلعت مبارح مشوار طويل تحت المطر فوجعني راسي ..
‏..
بس يا رهف مشان الاضراب
والله عندي مشروع لو ماسلمتو الأحد راح علي
شو بعمل ؟

ياااي مشوار تحت المطر هو جنان الصراحة بس حلو

مشروعك سلمو عالسريع ورجع لا تعد مع رفقاتك كانو مافي شي
منسمحلك
هو يفضل بعد الساعة 2 بس ماشي الحال

صدقت حالي زيادة كانو

وهاد الي رح اعملو ..
مع أنو عندي عملي وداخل بالمذاكرة الأسبوع الجاي ..
بس رح أضرب متل كل مرة ..
عنا بحلب هي مو أول مرة ..

والله غريب حلب كيف وضعها ما بيشبه جامعتها بنوب
الله يقويكن
انا عنا ما بتوقع كتير يستجيبوا او بالكتير بياضربوا عن النظري وبيحضروا العملي
بحسن عنا بالكلية غريبين بيموتوا ولا بيغيبوا
يالطيف شو فاقسينها فبل هلق
بس بركي ان شاء الله هلق حدا بيتحرك رح حاول اتفاءل

والله الطلاب بحلب السنة غير .. كل يوم مظاهرات ..
ما عم يسكتو ..
بس لما عملنا اضراب فقسوها طلاب حلبية ..
بس مو مشكلة المهم مبدأ الواحد ..

رهوفة كيفك شو أخبارك؟ شبك معصبة على يلي مابدو يأضرب إذا بدك من هلأ منعمل اضراب تكرمي..

أحمد كيفك إن شاء الله تحسنت..

أنا على أساس من ساعتين رحت مشان نام لأن عندي فيقة بكير بس فقست ماقدرت قلت بفوت وبتسلى..

خليها لله يا بسومة
انا هاليومين ما عم اتحاكى وخلقي براس مناخري مع اني بالعادة رايقة
بس ما في شي يخليني روق هلق
كل خبر احلى من التاني وهالعالم ما في غير بيكشوا وبيختفوا

وانا من ساعة قلت بكتب رد ردين وبنام
بس يبدو ماضربة عن النوم
وبكرا باضرب عن الفيقة بقى

رهوفة حبيبتي طولي بالك والله هيك حسيت من كم يوم وانت مو على بعضك والله الأخبار ماعم تسر حدا ومالازم نقول غير ياالله مالنا غيرك ياالله..

حلو الواحد يأضرب عن النوم بس المشكلة الفيقة بقا بدو يفيق اجباري عنو يعني لا اضراب ولاشي..

خلص انا هلق قررت روق عملا بنصيحة الاخ the lord
صح انت هون ضيف جديد عالقهوة
اهلا وسهلا فيك

هلا بسمة كيفك اليوم ..؟
شكرا لسؤالك ..
اليوم الحمد لله منيح ..
‏..
رهف ..
كأنو لازم نتأقلم ع هالوضع .. الله وكيلك كلنا ملخبطين وفايتين بالحيط ..
ما حدا بيقدر يتوقع شو رح يصر هادا ما عدا الي عم يصير ..
مالنا غير رب العالمين ..