الســــــــــــــــــــــــــــــــــــلام عليكم ورحمة الله وبركاته..
مرحبا فيكن زوار برنامجنا ((راديو المنتدى  ))
حلقتنا الثانية ...بنوه انو كمان بس خمسين رد للحلقة ..
عنوان الحلقة..
(( _ شو رأيك بالانسان المساير _)) وبيفرق عن مسيح الجوخ؟؟ 
شو نظرتك لهيك شخص؟؟
أم هو انسان متكيف ؟؟؟؟؟؟
نبدأ الحلقة ..
المايك معكن..

السلام عليكم
انا بشوف انو الإنسان المساير يعني المتفهم ...يعني الي نظرتو عقلانية وواعية وبيتعامل مع الأمور بروية بس متل ما قلت هو بيختلف عن مسيح الجوخ كتير ..... وطبعا بيكون متكيف وكسبان محبة الناس بس ختى المسايرة الها حدود ومو دايما بيكون الطرف الآخر بيستحق ........يتبع بعد ما نشوف الآراء

المساير :ومسيح الجوخ:
فرق شاسع لا مجال للمقارنة
المساير قد تنصهر ذاته بروح الاخر حبا له او احترام له وطبعا عن قناعة او رضى

واما مسيح الجوخ:
متذبذب فكريا ,أمعة بالعامية معن معن عليهم عليهم


هذا باختصار شديد

بنت البلد...
نورتي أختي للبرنامج..
هلأ كلام كلو معك حق فيه..طيب مننتظر الردود..بس بصراحة ،،
((مو دائماً الطرف الآخر بيستحق المسايرة))
وان أكرمت اللئيم تمردا !! صح..
منضيف هاد القول على النقاش..
@ شكراً @

عاشقة الادب
صح هاد الكلام..
امعة بالهمز طبعاً...يعني مردد لكل شيء ليس له شخصية؟؟
هل هذا رأيك ؟؟
طيب شو نظرتك للشخص يلي بيساير حتى يصل لأهداف معينة؟؟!!
هل هو أيضاً منصهر بنفس الآخر؟

اخي عازف النهاوند:
اعتذر أمعة بالهمز


المسايرة نهر واسع له عدة روافد
اسبابه كثيرة ذكرت الأصل هو انصهار ذاته بروح الآخر حبا له تقديرا (الشخصية السوية نفسيا)

وهناك روافد واسباب ودوافع للمسايرة خاضعة لنفسية الشخص والغايات التي يرمي بها
اذا كانت سامية ام دوافع دنيئة..................


هكذا على ما اعتقد

وهناك روافد واسباب ودوافع للمسايرة خاضعة لنفسية الشخص وغاياته التي يرمي اليها

اذا كانت سامية ام دوافع دنيئة..................
تماماً اختي العزيزة....
اذاً المساير شخص جيد ،،لأنه يعمب على ارضاء من يحب ويحترم !! أليس كذلك
وال(مسيح الجوخ ) شخص ينتهز الفرص ليقدم ربما الخدمات أو يكون مع الشخص في أي عمل أو رأي !! ليحصل على أهداف معينة...
شكراً لك..
اذا عندك شي تفضلي المايك معك ^_^

مرحبااااا كيفكون؟ أنا مالحقت شارك بالحلقة الأولى    ........ رحشارك بالتانية 
برأيي : طبعاً المساير بيختلف عن مسيح الجوخ
مسيح الجوخ بيمدح بعض الأشخاص مشان يكسب ودهم لغاية في نفسه
أنا بحب الشخص المساير بس المسايرة لحد معين ........ لما بتتجاوز هاد الحد وبصير الشي بمس الكرامة الشخصية أو المشاعر أوأفكار مافي مجال للمناقشة فيها (طبعاكالدين مثلا) مابعود القصة فيها مسايرة
وهي الكلمة مابتعني أنو ساير شخص حتى أوصل لهدف معين
أو أنو انصهر بنفس الآخر
الهدف الأساسي منها هو أنو الواحد يريح راسو لأنو مو كل شي بيجي بالعناد يعني يصطفل 

برأيي موغلط تكون المسايرة لمصلحة طالما هالمصلحة ضمن إطار المسموح من الناحية الشرعية والأخلاقية .....

مسا الخير ....

اسمحولي احشر حالي بالنقاش

المساير من وجهة نظري المتواضعة ممكن  يوافق على اي فكرة بيطرحا الطرف التاني (بعد نقاش طويل او قصير )بمجرد يريّح راسو من الاخد والعطا ....(وشو ما كانت هالفكرة مع او ضد مبادئو  للمساير ) والفرق بينو وبين مسّيح الجوخ انو التاني ما عندو مبدأ ابدا  بس هو بيساير حتى يوصل  لمصلحتو