فعلاً النوطة عندي لمادة التشريح و جداً رائعة ما بيمنع حضور المحاضرة لأنه شوي صعب لكن شرح الدكتور بالنوطة جداً واضح .. يعني الي مركز مع الدكتور بالمحاضرة فالنوطة رح تبقى مجرد قراءة للطالب ..
وفكم الله ..

هلأ منشان المواد بالسنة الأولى هلأ أنا طالبة سوري غير مقيم و في محاضرات ما حضرتها لأنه شؤون الطلاب لما سألتهم قالوا ما فينكـ تبدأي دوام حتى تنزل القوائم من الوزارة و طبعا راح عليّ شوي محاضرات من كل مادة و بدأت أدرس بالمحاضرات الي أخدوها بس عم أحس ما في فائدة !! طمنوني يعني هلأ لو درستهم ممكن نمشيها هالسنة خايفة كتير

السلام عليكم

أختي دمعة سوريا...

اطمني إن شاء الله رح يمشي حالك وترفعي المواد.... حتى لو راح عليكي الحضور... ممكن تركزي المحاضرات يلي راحت عليكي وبيمشي الحال... الدراسة بالجامعة ما بتطلب تمسكي المحاضرة وتحفظيها بصم مثل لما كنا بالمدرسة... بالجامعة بتدرسي المحاضرة بتركيز كبير مع استخلاص أهم الأفكار يلي وردت فيها.... ونحنا بأسئلتنا في خيارات متعددة... يعني ممكن لما الواحد يقرا الخيار يتذكر شو دارس وبيعرف يجاوب إن شاء الله... أهم شي ما تراكمي عليكي محاضرات وتفهمي كل شي أول بأول ... وكل ما صحلك رجعي عيدي المادة قراءة من أولها لحتى ضل كل المعلومات حاضرة بذهنك... وإن شاء الله بترفعي موادك بمعدل عالي....

وأهلا وسهلا فيكي بيناتنا....

شكراً كلكـ زووء .. و الله عم أحاول أطن حالي
بس عندي خوف ما بعرف ليش رغم أنه عم أدرس و بحاول ألحق الي راح عليّ ..  و رغم أنه بحب الكيميا بس لما حضرت للدكتور صار عندي خوف منها و فقدت الأمل منها .. آآآخ .. بس على كل حال شكراً كلكـ زوء عم أحاول أطمن نفسي من تشجيعات متل هيكـ .. بس ادعوا لنا :)  ..
يا هلا فيكـ و شكرا و أتشرف أن أكون بينكم

السلام عليكم

ولا يهمك الخوف طبيعي كثير.. كلنا كنا هيك ببداية العام... بس بعد أول امتحان عرفنا نقاط ضعفنا واشتغلنا عليها... وأسئلة الدكتور حبش مالها صعبة اطمنوا... مثل ما بيعطي بجيب تمام... المهم التركيز بالدراسة... وإن شاء الله من الناجحين...

و عليكم السلام
إن شاء الله .. الله يسمع منكـ يا رب ..

مرحباااا
انا بس حابة استفسر عن بيولوجيا الحلية نظري معقول  نحفظ 230 صفحة؟؟ يعني كيف فينا ندرسا طبعا انا عم بحكي عن النظري لدكتوة معروف

السلام عليكم

إي عادي 230 صفحة

لسا بيجيكم مواد بتحفظو 500 ولحد 800 صفحة
                                                 
بس لا تخافو
                                                     
مادة بيولوجيا الخلية بتذكر أنو سهلة وبينجاب فيها علامات عالية
                                                                         
طلاب السنة الثانية بساعدوكم بشكل أفضل مني

بالنسة للبيولوجيا عنجد معلش بس تفيدونا بيلي بتعرفووووه لانو جد ما بعرف شو بدي قللكن هالمادة معلقة معي

السلام عليكم ...

هلا بالبيولوجيا ادرسوا محاضرات الدكتور عطايا منيح ...
وان شاء الله بتضمنو علامتن ..

وتبع الدكتور معروف ادرسوا اول 50 صفحة مع الدورات منيح ...

وما في مانع تقرأو باقي الصفحات ...

بس اهم شي العملي تبع المادة ركزوا منيح ..

لانو بيعطوا علامات منيحة بالعملي ...