http://law.jamaa.net/post662318.html#post662318
الرابط رابط الموضوع
ارجوا الرد بموضوعية وبحق
ياطلاب التعليم المفتوح وخصوصا الحقوق تعليم مفتوح ادخلوا وجابوا على من يشكك في شهادة التعليم المفتوح

انا برأيي شهادة المفتوح الها وزنها وخصوصي انو راحت هالنظرة البايخة يللي العالم كانت تنظرا لطلاب المفتوح وبالتالي كترو طلاب المفتوح بمختلف فروعه
بس انا وبصراحة بحس طلاب الترجمة هنن الأكثر تميزا عن باقي اختصاصات المفتوح(ماحدا يضربني ) ليش؟ لأنو هوة الفرع الوحيد يللي مافي منو بالكلية النظامي يعني باقي طلاب الاختصاصات كلهون الهون طلاب خريجين تعليم نظامي أو موازي رح يعتبرو شهادتهون أعلى(وطبعا هالحكي غلط بس هيك النظرة)
بينما طلاب الترجمة بحالون دراستهون مالا علاقة بدراسة طلاب الأدب الانكليزي
أخيرا ماتردو على حدا بيشكك بجدية دراستكون وأهميتها
شهادة المفتوح    
مودتي للجميع

شكرا سالي وبالفعل شهادة التعليم المفتوح وبكل الاختصاصات     
وبالفعل اختصاص الترجمة اختصاص متميز الف تحية لكي


بس كنت منتمني يكون الرد على الرابط فقط لوضع حد للردود الغير صحيحة والمجحفة بحق خريجي التعليم المفتوح

العلم لا يمكن ان يتجزأفمن يريد العلم يطلبه ولو بالصين المهم ان يتخرج الطالب مستفيدا مما تعلمه بغض النظر عن نظام التعليم اما من ناحية قيمة الشهادة فطلاب التعليم المفتوح متخرجين من نفس الجامعات الحكومية وتم تدريسهم عل يد نفس الاساتذة  فاين الفرق الا في عقول من يظن ان طالب التعليم المفتوح لم يحصل على علامات تؤهله لدخول التعليم المجاني وهذه نقطة جدلية فلا يمكن ان نعتبر عام واحد هو المقيم الاساسي لقدرات الفرد     في النهاية نرجو التوفيق للجميع 

شكرا شام لمشاركتك
ولكن ايضا هذا الفارق الذي تحدثت عنه  اي الفارق بمعدلات القبول  انتهى من عام 2005 عندما اصبح التسجيل بالتعليم المفتوح عبر مفاضلة  ومعدلات القبول  في مفاضلات التعليم المفتوح في  جميع السنوات من عام 2005  ولحد الان كانت اعلى من معدلات التعليم الموازي وخصوصا في جامعة دمشق وفي بعض السنوات تقارب التعليم المغلق العام واعلى منه وخصوصا بالنسبة للفرع العلمي لمن يحمل شهادة قديمة  حيث اصبح التعليم المفتوح في جامعة دمشق حلم
حيث تقدم هذا العام مثلا لمفاضلة التعليم المفتوح قرابة 35 الف متقدم قبل منهم خمسة الاف في كل تخصصات التعليم المفتوح

آى بس شو مشان إنو مو معتمدة كشهادة حتى بسوريا !!! 

هاد أكتر شي وقفني وما سجلت عالمفتوح هالسنة !!! 

booshar
اهلين فيكي  بس ارجوا منك الا ترمي كلاما جزافا دون اي معرفة فالشهادة تماثل شهادة التعليم العام ولاتحتاج الى اي تعديل ومعترف عليها في سورية والخارج
وشهادتها مقبولة اولا في النقابات والوظائف وفي الدراسات العليا  واي كلام غير ذلك هو للتضليل فمثلا خريجي الحقوق في التعليم المفتوح قبلوا في كل مايقبل فيه خريجي الحقوق تعليم عام مغلق
حيث قبلنا في 1-نقابة المحامين
2-المعهد القضائي
3-ماجستيرات الاكاديمية والتي تؤهل للدكتوراه في كلية الحقوق وبنسبة عشرة بالمئة
4-جميع مسابقات الدولة التي تطلب اجازة في الحقوق فمثلا االان مسابقة المصرف المركزي  ومسابقة وزارة المالية وكان اغلب المقبولين من خريجي التعليم المفتوح  ومسابقة التعليم المفتوح ومسابقة وكالة سانا الخ.......
وفي ماجستيرات المعهد الوطني للادارة العامة
وفي ماجستيرات المعهد العالي للتنمية الادارية وهذا كله موثق

بس إذا بدكن الصراحة يعني الإخت اللي حكت معها حق بكل كلمة ولو كان كلام بهز البدن بس مافينا ننكر إنو صحيح ومقنع وماجابت شي من عندها.. لاتزعلوا مني لأن هديك المرة سمعت طلاب مفتوح وخريحين حديثاً عم يقولو إنو نصف المؤسسات ماعم تعترف بشهادتهن كأعتراف ولما راحوا اشتكوا لوزارة التعليم العالي قالولهن إنو نحنا مهمتنا منحكن الشهادة فقط ..يعني معناها مو مسؤوليين إذا اعترفو فينا وماعترفوا..يعني كمان لازم يكون إلنا حق متل كل الطلاب ولو كنا مو مساويين للنظامي لأني بصراحة شخصياً مابنكر هاد الشي لأن بتعرفوا ماشالله وزارة التعليم العالي كتير هاضمة حقوقنا ..    

يعني الإجحاف بحقنا مابعرف لوين!!! والتعليم المفتوح بسوريا كمان لوين؟؟؟؟ حاج يكذبوا علينا بقى ويقولوا نفس الشي وحاج كمان نكذب على حالنا ونصدقهن لأنو عن جد منختلف كل الإختلاف عن النظامي سواء بالدراسة أم الشهادة أم القرارات اللي عم يطالعوها لطفلهن المدلل مابتنطبق علينا  .. ليكون أخوتنا بالتعليك النظامي هنن الأرسطالية والأفلاطونية .. ونحنا عبيد.. لما جماعة اللي بيدرسوا برا ووقت بينتقلوا لهون بيحطوهن سنة تالتة ورابعة كمان..

لاتزعلوا مني لأني ماعم اجرح حدا ..بس هي الحقيقة وسبب انفعالي الزايد ليش ماعملولنا ترفيع إداري متل كل الطلاب طيب مانضرينا متل كل الناس بسبب هالظروف..أنا توقف ترفعي على مادة بسبب الظروف الأمنية وماقدرت قدم مادتين.. لما كمان أحلى شي وزير التعليم العالي بتبريرو عن عدم شمولنا بالترفيع الإداري قال: إنو نحنا منخضع لنظام مختلف ولقانون خاص فينا ..لك نظام شو وقانون شو والله شي بجنن

- سالي.. مين قلك إنو الترجمة مو موجودة بالنظامي قولي مافي فرع معترف فيه متل النظامي أو بنفس اسمو..لأن الترجمة على أساس إنو أدب إنكليزي .. والدراسات القانونية على أساس عم ندرس حقوق ..والمحاسبة على أساس إقتصاد.. وتقانة المعلومات على أساس هندسة معلوماتية.. والله شر البلية مايضحك.. يعني والله مابيعرفو كيف بدن ينهبو الناس..

بصراحة ماعم يعاملونا كطلاب بكامل حقوقون  يعني الخلاصة لاحدا يزعل مني لأني ماحكيت غير رأيي بدون مبالغة والله شي بهز البدن.. ورجاء ماحدا يزعل لأني ماعم احكي غير الحكي الواقعي والصراحة لأن الساكت عن الحق شيطان أخرس وإذا ماحكيت أنا  رح تحكوا إنتوا  بقلبكن وماحدا من الناس مابيعرف عن هالإجحاف بحقنا..

المهم الصحة والسلامة وان شالله مايكون حدا نزعج من كلامي
والسلام ختام

والله يا اخي حكيك كمان قيل عن قال  زي حكي  الاخت اللي حكت انا عم بحكي كمان عن تجربة 

وكل الادارات العامة والوزارات تعترف بخريجي التعليم المفتوح ولاتفرق بين خريجي المغلق والمفتوح في المسابقات اما النسبة للقطاع الخاص مابعرف  ارجوا عدم القاء الكلام جزافا  وارجوا ل من يرد بشي مثبت بالوثائق والابراهين لانو من يظلم خريجي التعليم المفتوح هو الاشاعات فارجوا منكم الصدق ثم الصدق

ياأخي بترجع وبتقول عن قيل وقال؟ بصراحة ماحدا حكا مننا غير اللي عم يصير عن جد .. كلشي واضح عن عدم المساواة بيننا وبين إخوتنا بالنظامي المدللين وبتقللي بدك دليل ثابت؟.. كل هالفروق الواضحة ولسه بدك ياهن يأفصحوا عن كذبهن لحتى تصدقهن .. الله بالعين مانشاف بس بالعقل انعرف .. وكل الكلام اللي حكيتو أنا من دليل ثابت.. والمؤسسات سواء العامة أم الخاصة مانها بسيطة لهالدرجة لحتى تعادل بالنظامي شهادة مناهجها مشفرة للنصف .. انشالله يتحسن الوضع عندنا ونصير متل النظامي.. وبتمنى ماحدا يكون زعل مني لأني ماحكيت غير الصراحة