ماشي اخي الكريم بارق لح اجي معك وخلينا نسمي الامور بمسمياتها ولتذكر ما الذي جرى عن تجربتك او تجربة اصدقائك كما ذكرت حتى ما نقول قيل عن قال ولكن نرجوا ذكر اسم الادرارات والوزارات والمؤسسات العامة اللي قلولك عن تمييزها رفقاتك المتخرجين من الحقوق تعليم مفتوح التي فرقت وميزت بين خريجي الحقوق في التعليم المفتوح وخريجي الحقوق في التعليم العام حتى يكون حكيك مو قيل عن قال ومن اجل مراجعة الجهات المسؤولة و ابدا مالازم تسكت عن هذه المخالفات وتسكت  بدنا نعرف وين الخلل  ونطالب  واما نسكت لانوا الساكت عن الحق 

لك ياأخي العزيز أنا ماني ضد التعليم المفتوح أبدا .. وانا طالب عم طالب بحقوقي متل اي طالب ومن هالنقطة بوضحلك إني ماعم هاجم هرمية التعليم المفتوح .. بس عن جد في قرارات مانها إيجابية للتعليم المفتوح نهائيا وقبل ماقلك شو الدليل الثابت بعدم المساواة بالتعليم النظامي مع وضوح هالشي رح قلك عدة فروق بتبين انو الفرق كبير..1- عدم توحيد المناهج بين النظامي والمفتوح هاد اكبر سبب بعدم الاعتراف بشهادتنا طب اذا متل ماعم يقولو حضرتون متلنا متل النظامي ليش مابكون المنهاج عندنا  متلنا متلون ونفس الحضور ونفس كل شي والله وقت شفت كتاب عند النظامي والكتاب اللي عندنا حسيت الفرق كبير مابيطلع أد ربعو ..

2- عدم تطبيق قرارات النظامي على المفتوح يعني وين قرار المساعدة بدرجتين ووين شمولنا بالترفيع الاداري يعني مانضرينا متل أي طالب... يعني متل هالقرار اللي كان ممكن يطبقوا علينا بكل سهولة وممكن يفيدنا كتير بسبب الأوضاع الأمنية  ورغم إنو كان من حقنا  ماطبقوه..يعني كيف رح يساوا المفتوح بالنظامي..

3- ليش مابيعملونا دراسات عليا متل النظامي .. لاتقلي صار!!! لأن ماصار غير 5% يعني للأوائل وبس وبجوز يلغوها لأن متل مانك شايف سنة عن سنة عم يلغوا فرع بالمفتوح .. ومن هون شوف الفرق بين النظامي والمفتوح..

3- لاحظ متل ماحكت الأخت يوجد فروق بكل شي بيننا وبين النظامي سواء بالحضور أم الإمتحانات أم المناهج أم اسم الشهادة أم الاعتراف بالشهادة أم الدراسات العليا.. واللي عم يدرس دراسات قانونية أو محاسبة مافيه يعتبر نفسو دارس حقوق أو اقتصاد مثلاً هي النظرة..

4- ويوجد فارق مهم بظن مانك ملاحظ عليه لو انو التعليم المفتوح كان مساوي للنظامي ماكان من المفروض يطبقوا المفتوح على جميع أفرع الجامعة دون استثناء؟؟؟.. ومن هالنقطة بوضحلك انو المفتوح عبارة عن ثقافة وليس شهادة أكادمية وعملية بدليل تطبيقو على أفرع ممكن الواحد ينهل ثقافة منها مو أكتر لأن متل ماحكت الأخت هاد هدفو الأساسي للتعليم المفتوح. لاتزعل بس هي الحقيقة .. شوف الموازي مطبق على كل الأفرع وبيحضرو متلون متل النظامي وحتى الشهادة اللي بيعطوهون ياها نفسها الإجازة اللي بيعطوها للنظامي بدون مايكتبو عليها تعليم موازي .. لك يااخي شو مافي فرق!! والفرق واضح وضوح الشمس..

يعني بصراحة كل اللي ذكرتو دلائل بحد ذاتها .. أما عن الدليل الثابت فيك تراجع برنامج جيلنا عرضوا حلقة بخصوص المفتوح من فترة يوجد خريجي تعليم مفتوح اتصلوا وقالوا إنو أغلبية المؤسسات العامة ماعترفو بشهادتهن .. ويوجد خريجي نظامي معدلهون أقل من معدلون رغم هيك أخدوا النظامي وشلفوهن .. ولما راحو اشتكوا لوزارة التعليم العالي قالولهن انو نحنا مهمتنا منحكن الشهادة فقط.. وانا هالرد اللي رديتو وزارة التعليم العالي أكتر شي جنني.. يعني لايقولوا مساوي أمام وسائل الاعلام ومن ورا ضهرنا يورطونا بالدخول على المفتوح ويقولولنا بالخفى مهمتنا فقط منح هالشهادة.. يعني ساونا مسخرة بحكيهون وكذبهن.. وكل شي واضح .

ياعمي يقولولنا من أول شي ماننا مساوين للنظامي لأني بصراحة بهالفروق الواضحة مابنكر هاد الشي والإجحاف كذبهن علينا وعدم شمولنا بقرارات النظامي الإيجابية مو الإجحاف عدم المساواة لأن بصراحة كتير منفرق عنهن ومابنكر هاد الشي وهاد مانو إجحاف ولو كنا مامنختلف عنهن بشي وعم يعملو هيك كنت ساعتها قلت إجحاف  .

المهم متل ماقلتم الصحة والسلامة وتبقى سورية بخير ومابدنا منهن شي..