السلام عليكم:
اليوم كنت عم اتفحص جريدة الوسيلة لقيت هالإعلانين قلت لربما حدا بيسفيد منهم، عذراً الصور مو واضحين لأنو الموبايل طالع من الغسيل وكتّر خيرو لساتو عايش

الإعلان التاني كاتبين

مينيموم 65 ولا 85 ...؟؟؟

أيرون بيك
هي
Minimum BS
يعني الحد الأدنى خريج، مو 85 ولا رقم
                                               
                                                                                           
                           

عبقول لحالي هالتمانة بتشبه حرف B

 

يالله بسيطة ويسلمو ع الدعايات

وأمانة أي حدا بيشوف هيك دعايات يحط معليش

السلام عليكم:
شركة ابن هاليثم للصناعات الدوائية تطلب مندوبين علميين .
رقم الفاكس مو شغال بس هادا هو : 4422827

لذلك هي رقم التلفون اتصلوا وخدوا العنوان ووصلوا الـ CV باليد على الرقم التالي:
4422826 او 4461710

اللي باللون الأحمر هو الأساسي.
بالتوفيق للجميع.

ومشان ترتاحوا:
المكتب بساحة عرنوس، برج عرنوس "اسألوا ما بيضيع حدا" جنب نبيل نفيسة   الطابق الأخير 16 الباب اللي عليه كميرا  
بدكم تفصيل أكتر من هيك.

السلام عليكم:
بس في فكرة حبيت قلكم ياها:
لما الواحد منكم بيلاقي فرصة شغل أول شي رح يخطر على باله ما يخبر حدا مشان ياخدها هو، وأنا رح قلكم نصيحة لما بتعرفوا شي فرصة خبروا كل رفقاتكم اللي بحاجة شغل عنها، ولو الله كاتبلكم ياها صدقوني ما في قوة بالدنيا بتاخدها منكم، وبالعكس الله بيوفقكم أكتر بكتير مما تتصوروا، وفي تجارب صارت قدامي كتير والله وفقهم رغم كل الظروف الصعبة.
وبالعكس في ناس الله ما كان يوفقهم ولا ييسرلهم شغل من كتر ما كانوا يكتموا فرص العمل ظناً منهم انو هنن الربحانين.

المهم الثقة التامة بانو لو الله كاتبلنا فرصة هالعمل فهي إلنا لو شو ما صار.

إي والله معك حق

الواحد لازم يتمنى الخير لإخواتو متل ما بيتمنى الخير لنفسو

كنت آكل بهدلة من الأهل إذا حكيت لرفقاتي عن شي فرصة عمل أو شي منحة دراسة
                                                                   
                                                               

السلام عليكم

هذه المشاركة من scorpion05

مطلوب شهادة صيدلة , خدمة دائمة , تابعة لنقابة الريف, من أجل صيدلية قيد التأسيس , بسعر جيد جيداً....

الرجاء الإتصال على الرقم التالي :  0933505949 

آسفة عالكلام اللي بدي أحكيه



بس انتو شايفين إنو مناسب نحط إعلانات لتأجير شهاداتنا؟!!!

ومع كلمات تجارية بحتة ( سعر جيد جداً)!!!

شو أنا عم أعرض شي عقار و لا شو!!!

هيك صار العلم رخيص لهالدرجة!!!!

لا حول و لا قوة إلا بالله

إذا نحنا مالنا وعيانين لهالموضوع فمافي عتب عالعوام....

السلام عليكم:

طولي بالك اخت نور وشوفي هالردود.
http://pha.jamaa.net/post633165.html#post633165