اقتباس
اليوم المجلس الأوروبي في نية لأبطال القرار واصبح مشروع قرار .. للحرب الأقتصادية عالبلد .
لساتا الدول الأوربية عم تعتمد سياسة
"الكر والفر" بقرارت الحصار...ليش مهتمين بالنظام يلي عنا كل هالقد ما بعرف ...
يعني ما في موقف حازم وواضح متل ما صار أيام مبارك لما قال أوباما
"على مبارك الرحيل الآن.. الآن يعني الآن وليس غداً" .
مع العلم أن مبارك هو الحليف الأقوى لأمريكا بالمنطقة !!!! بس يمكن كنا غلطانين لما كنا مفكرين هيك!!
اقتباس
انا من وجهة نظري السطحية .. يمكن لسوريا الأستغناء عن السوق الأوروبي
ما في مشكلة باختلاف وجهات النظر ... بس أنا وضحتلك وجهة نظري بردي السابق .. وكانت مدعومة بالكلام الواقعي بعيداً عن المكابرة !!
اقتباس
الرابح الأكبر بالنسبة للنفط السوري هية الشركات الاوروبية وقليل للأناس محددين بهالبلد .
هذا كلام صحيح 100%... فالرابح الوحيد هم الدول الاوروبية والحيتان الذين في هذا البلد..
بس الشي الغريب فعلاً أنو ليش الدول الاوروبية "الامبريالية" هي الرابحة من نفطنا (وليس الدول الشرقية مثل روسيا والصين) وكيف كانو شركاء جنباً إلى جنب مع حيتان هذا البلد في ربح النفط السوري؟؟؟ مع العلم أنهم دول "أعداء" ..
أنا عندي تفسير،، بس ما رح أحكي مشان يضل الموضوع في مساره الاقتصادي...
اقتباس
مبارح كنت عم اسئل والدي فخبرني انه معظم السوق السوري من مواد البناء المانية المصدر.. بس في قطع سورية بس مو هالجودة العالية ...
أنت قلتها ,, مو بنفس الجودة ... للأسف الشديد!!
اقتباس
بس نحنا قادرين على انتاج بجودة ممتازة ..
هلق من ناحية القدرة أكيد قادرين ... وبلدنا فيها مقومات كتير ..... بس المشكلة أنو ما في إرادة ...
اقتباس
(( كوجهة نظر )) : نوقف تصدير النفط الخام واعادة تكريره في سوريا وأيجاد مصافي جديدة لتلبي السوق المحلي بهاللشي بصير المواد المكرره كالمازوت والبانزين ارخص وبكمية اكبر بالسوق المحلية
أكيد وجهة نظر سديدة .. ولكن للأسف الشديد ستبقى حبيسة الورق ... مو يأس أو إحباط لا سمح الله ,, بس نحنا منعرف بلدنا منيح ... متل ما قلتلك من شوي في قدرة بس ما في إرادة!!!
بعدين كلمة مصفاية نفط مو كلمة بالتم (وأكيد أنت بتعرف هالشي) ,, وبناء وحدة جديدة أو تجديد يلي عنا بحيث تصبح قادرة على الإنتاج إلى السوق مباشرة يشبه المعجزة في ظل هذا الخناق الاقتصادي ...
أو يمكن إذا الحيتان يلي عنا خففو سرقة شوي بيطلع بإيدهن حتى بهي الظروف ,,, بس مو لحتى يخففو سرقة ونهب هالبلد شوي!!!
اقتباس
وخاصة انه المنطقة الشرقية كان ممنوع الزراعة فيها شو السبب مابعرف !! وحفر الآبار كان ممنوع شو السبب كمان مابعرف !! والسياحة ليش معدومة بالمنطقة الشرقية كدير الزور ومجرى نهر الفرات ومع العلم منطقة الجزيرة من اجمل مناطق سوريا مابعرف !! وكآثار ادلب والمنطقة الشمالية من اقدم الآثار ودائما التركيز;عآثار تدمر كمان ليش مابعرف !!
ليش في حدا بيعرف ... بس لا تتفاجئ كتير أنت في بلاد العجائب!!!
بس عنجد شغلة غريبة .. يعني فهمنا ممنوع حفر آبار بدرعا هي فهمناها بس الآبار بالمنطقة الشرقية شو دخلها ...
اقتباس
كوضع اقتصادي بالبلد نحنا دولة انتكالية دائما بنعتمد عالدول الأوروبية مع العلم وجود جميع المقومات لأنتاج اي منتج بالبلد .. القطن السوري يصدر وبتيجيينا ماركات اجنبية غالية السعر عالبلد ... والألبسة السورية الممتازة تصدر وبالسوق المحلي بتكون رديئة !!
رح عيد الجملة لتالت مرة .... في قدرة ومقومات بس ما في إرادة...
شي
واحد بس ؟!!!!
الله يسامحك هلق بدي أزعل منك ... مشان تكون عبارتك أدق لازم تقول
(مافي شي زابط) 
هيك بتطلع العبارة بتحاكي الواقع المر بشكل أكبر..
اقتباس
عكل حال لساتنا في ضوء النقاش .. وهلي بيعرف يجيب على اسئلتي بأجابات واضحة وصريحة فياريت..
أهلا وسهلا ... أنا كمان معك بهالنقاش ,, وإذا بدك تناقش كمان ما في مانع...
*_^قــــهــــــوة للـــشــباب و بـــــــــــس ^_*
