اي ,إختي بنت الشام؟؟؟؟

أنا الحمد لله تممت أجزائي و بدي إبدى معكن ؟؟؟؟؟؟؟


وبدي إسألك إذا خلصت هديك الختمة ولا لسا لنبلش بالدعاء ؟؟؟؟؟؟

يالله عم استناكي لتردي؟؟؟

اوكي   

شو يا جماعة طمنونا مشي الحال.
صرلي ساعتين عم حدث الموضوع لحتى شوف الصلحة خبرونا.

                                                                                                                                             
وصلنا للجزء التاسع ؟؟؟

مين حابب يقرأه   
بس بفهم
منشان الأخ فهد ما يضحك علينا

أنا بقرأ الجزء التاسع اذا بدكن او اي جزء بس الولي اليوم خلصوا يعني ..................

اذا بدكن اليوم بقرأ اي جزء................وبالتوفيق للجميع...........ردولي خبر

يا جماعة انا خلصت 5  الاجزاء يلي علي

ايمتا بدي اقرأ الدعاء تبع الختم 

خبروني عم انتظر

السلام عليكم ورحمة الله وبركاته

قال تعالى [ وننزل من القرآن ما هو شفاء ورحمة للمؤمنين ولا
يزيد الظالمين إلا خسارا ] 

إن القرآن الكريم الذي أنزله الله تعالى على رسوله محمد صلى الله عليه وسلم ليس فقط
كتاب دين أو كتاب فقه، إنه كتاب جامع معجز جمع بين دفتيه كل صنوف العلم، وكل أشكال
الحكمة، وكل دروب الأخلاق والمثـل العليا، وكذلك كل تصانيف الأدب، وكما قال تعالى
في [ ما فرطنا في الكتاب من شئ]  ومن بين ما جمع القرآن الكريم
من علوم جمع أيضا علم الطب والشفاء، فكان حقا هدى وشفاء ورحمة كما وصفه قائله جل
وعلا [ يا أيها الناس قد جاءتكم موعظة من ربكم وشفاء لما في الصدور وهدى ورحمة
للمؤمنين ]


فالقرآن شفاء ورحمة لمن غمر الإيمان قلوبهم وأرواحهم، فأشرقت وتفتحت وأقبلت في بشر
وتفاؤل لتلقى ما في القرآن من صفاء وطمأنينة وأمان، وذاقت من النعيـم ما لم تعرفه
قلوب وأرواح أغنى ملوك الأرض.

وهلأ اسمحولي احكي بالعامية

اول شي والله مارجعت دخلت ع المنتدى الا كرمال كم عضو بالمنتدى اللي عنجد حسيتهن انو مهتمين لرجوعي
لان انهانت كرامتي وانا عندي ياها بالدنيا
ئديش بحب المنتدى وئديش بحب الاعضاء اللي فيه؟؟بس بحب كرامتي اكتر
والله والله ماكنت رح ارجع عليه الا كرمال الاعضاء اللي حاكتني
صح اني مبارح بكيت وانأهرت وزعلت مو بشي
بس اللي عم ينصح بتدبر الايات لازم اكيد يكون مارة معو هالاية ( ولو كنت فظا غليظ القلب لأنفضو من حولك )
اذا الله الأعظم وجه هالكلام لنبيو الكريم اللي معصوم عن الخطأ
فما بالكم نحنا

وصدق مين قال المناطق سعادة
اخ فهد:
انت كان فيك تتطرح فكرتك بغير هالاسلوب اللي مابعرف شو بدي سميه...
اللي بيقرأ الك اول رد ,,,واللي بيقرأ تاني رد ...رح يلاقي فرق كبير وواضح بين الردود




طلب مني الأخ محمود نقل الموضوع لمكانه المناسب..إلا أني أجد أن هذا هو المكان لهكذا طروح..فعذرا إخوتي

منذ متى أصبح القرآن عبارة عن كتاب يقرأ وختم تختم!!

يعني بدك تقنعني انو لما ستك الله يتغمدها برحمتو اتوفت ما قرأتولها ختم جماعية ع روحها؟؟
بعددين عطيني حديث او اية واحد بتدل انو قراءة وختم القران مارح قول حرام او رح قول متل ما انت وصفتها بانها مضحك مبكي

وشغلة تانية لو هي مضحك مبكي ماكان عمرو خالد ولا كان العريفي ولا كان ائمة الشيوخ عملو ختمات جماعية كل سنة ان كان عالفيس بوك او عالمنتديات او عالتلفزيون,,,,كانو هنن اول الاشخاص وصفوها بالمضحك المبكي

وين المضحك المبكي بالموضوع؟؟؟
صار تعاونو على البر والتقوى مضحك مبكي؟؟؟

ليس لهذا أنزله الله ولم ينزله لنحصي عدد تلاواته على الفيس دون الأخد بما يوجهنا له..

كل واحد ع دينو الله يعينو وكل انسان حر التصرف بكيفية اداء الفريضة الدينية

وكم من مخالفة شرعية تقع ونحن بكل سرور وابتهاج ماضين في حملاتنا التجميعية عددا..

ماحدا معصوم عن الخطأ ولكن خير الخطائين التوابوان
ان الله ليباهي ملائكته بالشاب التائب والشابة التائبة
فيقول للملائكة انظروا لعبدي هذا فانه ترك شهوة الدنيا لاجلي

وكم من مخالفة شرعية تقع ونحن بكل سرور وابتهاج ماضين في حملاتنا التجميعية عددا..
سواء حملات الختم او الصلاة على النبي _عليه الصلاة والسلام

سيد فهد ما بتحس انو هو في اساءة  الي
ليش حملة الصلاة ع النبي مين اللي عملها مو انا؟؟؟
اذا بتحس انو هالحملات مخالفة شريعة فبكل بساطة ماتشارك ...يعني نحنا ماعم نغصب حدا ع المشاركة؟؟؟
وانا مابرضالك ياها تشارك مشان ما تخالف الشرع....!!!!

انت طلبت منا انو نفهم ونعقل شو نقرأ ((وكانو نحنا ما... ))

المهم وانا بطلب منك تفهم وتعقل شو تكتب ((طبعا هي مجرد رأي))متل ما حضرتك طرحت رأيك من دون ما تهتم لمشاعر حدا !!!

والله شيئ يدمي القلب _ها نحن المسلمين نقارب المليار ونصف_ماذا فعلنا..هل أذكركم بنكباتنا.?
اي والله بالفعل شيء يدمي القلب......!!!!!!!
ان عندك طريقة حتى نصلح نكبات المليار مسلم وكان بامكاننا المساعدة فمو مشكلة
والله منساعد بكل ما اوتينا من قوة حتى نغير ولو جزء بسيط من العالم
والله يجزيك عنا كل خير

أصبحت هذه الأفعال خالية من معناها الروحي حتى فقدت قدسيتها
والله يا اخ فهد اذا انت حاسس هالشي فبفضل يكون احساسك الك وبس
وكل انسان حر بينو وبين ربو
مو انت اللي بتحكم عنا انو هالافعال خالية من معناها الروحي او قداستها
في النا رب عالم بالنوايا
لا أنكر وجود النوايا الطيبة عند البعض من هكذا طروح أو التفاعل معها

لكن هذا لا يكفي
نحنا ماعم نطلب منك تحدد مين نوايا طيبة ومين نوايا خبيثة
قل لا تهدي من احببت ان الله يهدي من يشاء
إقرأ أية صغيرة من القرآن واعمل بها خير لك من ختمه مليارات المرات
وانا بأيدك بهالجملة مليون بالمية
بس كمان هادا ما بيمنع انو نقرأ بالنهار ولو جزء واحد ونحس انو في حدا عم يعمل متلنا ويشجعنا
الفكرة كانت من كل الئصة التشجيع على قراءة القران لانو معظمنا كاجر للقران وانا ع راس القائمة
وكانت هالدعوة..دعوة اصلاح للجميع...علنا نصير نطبق ايات الله متل ما حضرتك حكيت
بس انو لا من هون ولا من هون مو حلوة مو؟؟


بس ملاحظة شوف شو قلت بردك الاول :
قد يستغرب البعض من ردي..لكني لم أحتمل حالنا هذه التي سادت وطغت..وكثير منا لا يعرف ما يدور حوله..
وشو قلت بالرد التاني

لا أدري لماذا تحول ما أردته من ردي عن مساره..وكأني أتوجه به لشخص بعينه..

حتى كثرت الردود وزادت التفسيرات..

كانو حضرتك بالرد الاول قلت انو نحنا رح نستغرب وبالرد التاني مالك عرفان ليش هالاستغراب

ع كلن اللي بيقرأ ردك الاول واالرد التاني رح يلا حظ الفرق الكبير والواضح بن الردين

وكما ذكر ياسر بالوجهين المحببين ..فقد ذكرهما متلازمين فالتدبر بطبيعة
الحال سيكون في قراءة . .وليس غالبا ما تكون القراءة في تدبر..وهذا ما أردت
أن أنوه له بردي..

فمن كان مطبقا للأولى ثبت.. ومن كان للثانية أقرب أستنصح..

لسا من شوي كنت عم تقلنا انظرو لحال المليار مسلم وانو مضحك مبكي فشو اللي غير الحكي !!!!


وتبقى النوايا طيبة..

ومن شوي كمان قلت انو

أصبحت هذه الأفعال خالية من معناها الروحي حتى فقدت قدسيتها

لا أنكر وجود النوايا الطيبة عند البعض
ورجعت قلت


أصبحت هذه الأفعال خالية من معناها الروحي حتى فقدت قدسيتها

لا أنكر وجود النوايا الطيبة عند البعض



وشغلة تانية قلت انو


فمن كان مطبقا للأولى ثبت.. ومن كان للثانية أقرب أستنصح..

وبردك الاول كنت قايل انو
منذ متى أصبح القرآن عبارة عن كتاب يقرأ وختم تختم!!

ليس لهذا أنزله الله ولم ينزله لنحصي عدد تلاواته على الفيس دون الأخد بما يوجهنا له.



يعني كلنا منعرف نجرح وكلنا منعرف نكتب وكلنا منعرف نشتم بس الفرق انو يكون الشخص محترم ذاتو
وانا لما انسحبت من المنتدى ما انسحبت غير لاني محترمة ذاتي ومارجعت غير لانو الاعضاء كانو محترمينها


ع كلن الله يجزيك الخير ع نصايحك ومتل ما قلت انت انو حضرتك ما الزمتنا بالعمل بها
كمان نحنا ما االزمناك بالاشتراك معنا

الله يعلم انو ماكنت بدي رد وحتى من مبارح طلبو مني ارجع بس كنت كتير مدايئة وان شاء الله كلامي ما يكون تقيل ع البك متل ما كان كلامك تقيل ع البي

وشكرا لغيرتك ع دينك
ومتل ما قلتلك كنت ولازلت بحترمك وبحترم تواجدك بيناتنا...

وانا اتعلمت منك شغلة كتير مهمة انت كنت حاططها بتوقيعك وهلأ انا عم ادعيها
اللهم اغفر لا ما لا يعلمون ولا تؤاخذني فيما يقولون واجعلني خيرا مما يظنون
وشكر خاص
لمحمد1933
لجمال الروح
لمايسترو
لياسمين الشام
لدانا
لكيوت
لياسر
لخادم رسول الله
وكل اللي ردو ع الموضوع وتفاعلو معو
والشكر الاكبر الك اخ فهد خليتنا نراجع حالنا
وبعرف انو كمان نيتك صافية بس عذرا الطريقة كانت غلط
...
والسلام عليكم ورحمة الله وبركاته

بتمنى من الاخ فهد ما يرد ع كلامي

لان كان مجرد رد ع كلامو

وانت حكيت ولا زم تسمع جوابي

من مبدا اللي بدق الباب بيسمع الجواب

والئصة باذن الله انتهت

ونحنا اكبر من انو نتناقش بسوء فهم

دمت بخير

وهلأ خلينا نكفي الموضوع

اخت يا سمين الله يجزيك عنا كل خير

واي اقراي دعاء الختمة االاولى

وما تنسينا من صالح دعائك

وبس تخلصي خبرينا حتى نقلك وين صرنا بالختم

اخي الضمير الحي اي اليوم لازم يخلص باذن الله

لان كل يوم بدنا نخلص ختمة

حطيتلك الجزء التاسع

وصلنا عند الجزء العاشر
مين بحب يقرأه؟؟؟

وصلنا عند الجزء الثاني عشر والحمد لله



اللهم اجعلها خالصة لوجهك الكريم



والحمد لله رب العالمين................