السلام عليكم ورحمة الله و بركاته
عندي كم سؤال بخصوص الملازمة
         
أولا :كيف ووين و شو لازم نعمل مشان توقيع الدفتر ؟؟؟؟؟؟
           
ثانيا :لازم نكتب و نعبي الدفتر قبل توقيعه أو ما في مشكلة بعد أو قبل ؟؟؟؟؟؟؟؟؟؟؟؟؟
         
ثالثا :الصيدلي بوقع مرة أو ثلاث مرات (مرة عن كل فترة ملازمة )؟؟؟؟؟؟؟
           
رابعا :عندي رفيقتي من محافظة تانية كيف بدها توقع الدفتر تبعها؟؟؟؟
       
خامسا :شكرا سلفا على المساعدة
          ;i(16; 

وعليكي السلام صديقتي رورو:

بخصوص دفتر الملازمة مو مهم اذا كنتي معبيتيه بالمعلومات او لأ يعني هاد مو شرط لتوقيع الصيدلي أو النقابة....هي شغلة

هلأ بخصوصتوقيع الصيدلاني فإذا انتي كنتي متفقة معو وهو كان حباب فهو بوقعلك الدفتر وبعبيلك الفترات التلاتة على حسب مزاجو يعني هنن لجنة الملازمة ما كتير بدققو عالفترات وهيك... هي شغلة تانية

شغلة تالتة بعد ما توقعي الدفتر من الصيدلاني .. بتروحي عالنقابة المركزية وبتوقعيها هنيك ويمكن بتدفعي رسوم بس ما بعرف اديش بالضبط.... وبعد ما توقعيه من النقابة المركزية بتروحي بتوقعيه من نقابة المدينة الي انتي لازمتي فيها سواء دمشق او الريف او اي مدينة تانية... نقابة دمشق موجودة بنفس الشارع الموجودة فيها النقابة المركزية بس عالطرف التاني... اما نقابة الريف مقرها بشارع بغداد...

وهي هية كل القصة بس بالنسبة لرفيقتك الي من محافظة تانية فوالله ما عندي فكرة انا بعتذر
وانشالله كون جاوبتك على اسئلتك البقيانة بوضوح واذا عندك اي استفسار تاني نحنا جاهزين
سلاااااااااام

السلام عليكم

1) مو ضروري يكون الدفتر معبى...

2) بوقع الصيدلاني 3 مرات (توقيع تحت كل فترة) وبيختم ختم واحد فقط عن الفترات التلاتة..

3) بعدين بتروحي المركزية عند ساحة النجمة مقابل دار السلام وبتوقعيه (وبتدفعي 750 ل.س) بعدين إذا الصيدلاني مسجل بنقابة دمشق بتروحي عليها مقابل المركزية (وبتدفعي 500 ل.س)...

4) مشان رفيقتك عالأغلب بدها تروح عالمركزية لأنو هي لصيادلة سوريا.. بعدين بدها توقع الدفتر من عند نقابة الصيدلاني يلي ملازمة عندو سواء من القامشلي أو درعا أو طرطوس أو ... أو... بس برأيي ليش وجعة هالراس... تلاقيلها شي صيدلاني بالشام وتوقع الدفتر منو وخلص...