السلام عليكم:

اقتباس

مزبوط بالاتنين تمديد حسب الوسط الخارجي يعني يا طور مائي يا طور زيتي فبيفرط الكريم

بس شغلة كمان الطور و/ز يمدد بمذيب عضوي ما نو فعال ضد الجرائيم



(( عذرا حذفت الرد حتى ما يصير صعب فتح الصفحة)) 

في مرة كنت بدي اشتري بسكوتة على شوكلاطة من الآلة يلي بتبيع بكليتنا , قام حطيت 15 ليرة وكبست الرمز
والمفاجأة أنو نزل نص البسكوتات , وأنا فرحاااااااااااان متل يلي ربح شي جائزة !هههههههه
بس الحمد لله فوراً ناديت للمسؤول عن هالآلة "لأنو كان واقف بعيد" , وعطيتوا ياهم ومن وقتها صرنا أصدقاء .

ومرة كان بدي كاسة كابوتشينوا بالكراميل قام حطيت 25 ليرة بالآلة , ومتل مابتعرفوا أنو بتعبي نصها فقط , قام ما لقيتلكم إلا هالكابتشينوا عم يسكب ويكب لبرا , يمكن نزل شي 3 كاسات بدال وحدة , المهم خبرناه للزلمة قام قال صحة وهنا لأنو ما فينا نرجعهم....وقتها انتخمت كابتشينوا!

وأخيراً : مرة في بداية السنة الفصل الثاني السنة الثانية, كنت واقف قدّام نفس الآلة تبع الكابتشينو , قام أجت طالبة عالموضة للصبح, وقايسة حالها بالخيط وبدها تشتري, قام قالتلي : معك صرافة 50 ؟
قلتلها لشوف , وفعلاً كان يومها معي فراطة كتير , قمت عطيتها فراطة وعطتني 50 ليرة عتيقة , آم أنا وقفت عم اتطلع عالخمسين ليرة لحالي على جنب , وأبداً ما توقعت أنو تكون ردة فعلها هيك......حزروا شو ساوت؟!
راحت قالتلي بكل أدم واحترام وحسن تربية منزلية : سمّي على عقلك , وأخدت الخمسين من إيدي وشلفت الفراطة بالأرض وضاع نصهم ....
كان موقف جميل جداً , وخاصةً أنو صار من على بكرة الصبح .
بس يا ترى كيف بتكون أخلاق أهلها؟!!!    

ما لقيت مكان غير هون لنق وفش خلقي فيه

   

حاسة راسي رح ينفجر ومالي مصدقة إيمتى أعرف أنا وين

اليوم دخت السبع دوخات وكل موظف يشلفني للموظف التاني و التاني يشفلني للتالت

حسبي الله و نعم الوكيل

واللي قاهرني اكتر إنو مالي قدرانة أدرس ولا كلمة

فحص اللغة قرب ولهلأ ما درست شي

كنت أسمع عن دوامة ما بعد التخرج بس ما صدقت لهلأ

عن جد شو بدي أتذكر منك يا سفرجل كل عضة بغصة

             

سامحونا عالنق

السلام عليكم

عادية كتير هالشلفة من موظف للتاني

مرة بمبنى المحافظة علقت بين مكتبين
                                                     
الأول يبعتني للتاني والتاني للأول
                                                         
آخر شي وقفت بالنص وناديت للتنين وقلتله يتفقو ويخلصوني
                                                                     
آخر شي طلعت المعاملة مو عند هاد ولا هداك
                                                                           
:)

ياريتك ما حطيت هالرد

فكروني أهلي جنيت من كتر ما ضحكت فجأة و ما عاد طلع معي ولا كلمة........

مع إنو الواحد مالو نفس يضحك و غيرو عم يبكي.........

بس عن جد أنا ما كنت عرفانة إنو الوضع سيئ لهالدرجة