مين فينا ما بيتمنى ترجع ايام الطفولة اخ ما احلى هديك الايام

الا ليت الطفولة تعود يوماً ........... لأخبرها ما فعل بي الشباب

السلام عليكم ....

موضوع كتير حلو .... بس كأنو بنّاتي شوي 

تذكرت لما كنا نروح على جنينة السبكي وناخد البسكليتات والطابة ونلعب بالمرجيح  ونطعمي البطات بالبحرة ونقضي النهار كلو هنيك ....

بس يمكن لكل عمر والو حلاوتو الخاصة ....

........................

من كتر ما اندمجت بالموضوع عم شوف هلأ برنامج بريد الاطفال عل القناة الأرضية    ....

والله تاري هالبرنامج حلو .....

شوي تانية لح ابعتلن رسالة او احكي معن  .....

لأ واحلى شي انو اطفال هالأيام عم يتواصلو مع البرنامج بالإيميلات والانترنت ..


شكرا كتير عل الموضوع ...

على هامش الموضوع ..

اقتباس

عم شوف هلأ برنامج بريد الاطفال عل القناة الأرضية

ليش لساتو عم يطلع ؟؟
و لساتها فاتنة محمد ؟؟؟

     

السلام عليكم...

موضوعك غير شكل...والله من كتر ما بتمنى ارجع بنت صغيرة عيوني دمعو وقت قريت الموضوع..

ودائما رفقاتي بيستغربو انو كيف بحكي هالحكي...لانوهنن ما صدقو ايمتى كبرو..

حتى من قرابة الشهر كتير اجى عبالي شوف افلام كرتون تبع زمان..

فتحت عاليوتيوب وصرت اتفرج على زينة ونحول وماروكو واسمع الاغاني تبعون ...

يا الله ما احلاهون

اقتباس

عم شوف هلأ برنامج بريد الاطفال عل القناة الأرضية

وقت كنا صغار بعتنا انا واختي رسالة بس ما طلعت بالبرنامج ... حتى طلبنا انو نشوف شوي من ((طمطوم ))...

اقتباس

لأ واحلى شي انو اطفال هالأيام عم يتواصلو مع البرنامج بالإيميلات والانترنت

بس والله ايامنا احلى ...حتى اني بشفق على اخي الصغير لانو ما عاش يلي نحن

عشنا..

اسفة لاني طولت ...بس الموضوع كتير حبيتو..      

بلاك توليب
فعلا أيام الابتدائي والمدرسة بتحسي كان فيها براءة بالتعامل وبصراحةأنا هلأ كتير بتمنى شوف أو اسمع أي خبر عن شي وحدة من رفقات الابتدائي والاعدادي حتى الثانوي مافي غير وحدة بقيت لهلأ لأنها معي بالصيدلة بس حتى هي مابشوفها كتير فئتها غير فئتي ودوامها غير
شكراكتير لمشاركتك بلاك توليب
   

meme*
فعلا أحسن شي الواحد يتوكل على الله
أهلين فيكي شكرا لمرورك  

سلام
خلص اذا بالعزيمة بيمشي الحال على عيني وراسي ;
i(16; 

gren cat
((الا ليت الطفولة تعود يوماً ........... لأخبرها ما فعل بي الشباب))
والله هي حلوة       
بس طولي بالك يا مخلوقة هيك شو خليتي للأيام الهرم والشيخوخة ههههه
شكرا لمشاركتك نورتي      

Brilliant*
هلأ هو الموضوع عن الطفولة بشكل عام بس الحق معك تحسو بناتي لأنو يلي كاتبتو بنت     
بس شوبدك بالحكي عن جد مشوار جنينة السبكي لحالو فيلم والله كل الأحداث يلي كتبتا حضرتك كنا نساويها  وخصوصا البطات  والطابة وكل شي

عن جد شكرا زكرتني بهديك الأيام يالله شو كانت حلوة

بس الله يخليك كل شي إلا بريد الأطفال بكره الطفولة سفر سنة وقت اتذكرو بيحسسني بالطفولة المعذبة وكمان كان برنامج هواة أطفال هادا لرفع الضغط وحدة بوحدة هههههه
قلتلي التواصل مع الأطفال ببريد الأطفال ايميلات وانترنت شو هالجيل هاد
    جيل آخر زمن هههههه
شكرا لمشاركتك الحلوةنورت     

هلا*
عن جد الطفولة شي رائع وفعلا أطفال هالأيام ماعاشو متلنا هلأ بتلاقي ولد طولو شبرين عم يلعب عاللاب توب  وعندو موبايل سبحان الله تغيرت الأيام

شكرا لمرورك ومشاركتك      

أنا رح احكي رأيي الشخصي ... طبعا ما قرأت ولا رد ...لأني مالي خلق اقرأ كل هالردود ...
المهم .... رح قلك شغلة ....وقت قلتيلي عنوان الموضوع عالتلفون ...مجري ليش كنت رد جاوبك ..الطفولة ؟؟؟ بس ما بعرف ليش سكتت ...
يمكن خطر على بالي الكلمة نفسها يلي الموضوع عم يدور حولها ... يمكن لأنو أنا عنجد من جوا من جوا متمنية ترجع الايام لورا ... عنجد أنا هالأيام دايق خلقي ومكتئبة و حاسة حالي فاشلة بكل معنى الكلمة .... يمكن لو كنت طفلة ما كان رح يراودني هالأحساس
على كل حال أنا بعرف اني مهما حكيت ما رح اقدر واسيك ... لأني لا اجيد تنميق الكلام ... بس بضل بقلك .... كل مرحلة فيها الشغلات الحلوة والمرة ... وبدنا نتحملها .... أكيد في شي حلو بحياتنا هلأ ,,,
  من جهتي انت من الشغلات الحلوة يلي بحياتي ,,,  
ونحنا دائما منحاول نرجع للماضي منشان ما نتحمل مسؤولية ومنحط الحق عالزمن والحياة و...و... ومنخلق لحالنا الأ عذار

بس بالنهاية حكيك كتير حلو .... وما بلومك بأي كلمة قلتيها ... لأنو عنجد أيام الطفولة .... رائعة ...ومعك حق
      حبيبة قلبي مروش       

السلام عليكم ...

BlackTulip 

اقتباس

لساتو عم يطلع ؟؟ و لساتها فاتنة محمد ؟؟؟

اي طبعا شوفي الساعة 2.30 او 3 عل الارضية الاولى ....

والله انا كنت اكرهو لما كنت صغير كنت حسو سخيف وبايخ 

اما اليوم والله لقيتو كتير ظريف ....

وبالنسبة للمذيعة كنت شوفا من زمان وما بعرف اسما  ...

بس قالولي اهلي انو نفسا فاتنة محمد ....

خمسون عاما نزداد شبابا 

************************

هلا 

اقتباس

حتى اني بشفق على اخي الصغير لانو ما عاش يلي نحن عشنا..

والله حرام ابعتيلن رسالة باسمو من ايميلك بيفرح فيها   


***********************

بلسم 

لسا في جنينة الجاحظ .....

انا مو تارك جنينة بالشام الا ورايحلا   

اقتباس

هلأ هو الموضوع عن الطفولة بشكل عام بس الحق معك تحسو بناتي لأنو يلي كاتبتو بنت

اي هيك شي .... حسيت الموضوع وحتى كل التعليقات بصيغة المؤنث 

اقتباس

والله حرام ابعتيلن رسالة باسمو من ايميلك بيفرح فيها

شو عم تحكي !!؟!؟!  ..اخي مو شغل هالسخافات..

ما شاءالله ..الله يحميك يا اخي..على صغرو (8سنين) كتير بحب يشوف البرامج

العلمية يلي بتطلع بقنوات الاطفال ...وبيعقد بناقش وبيسأل لحتى يفهم كل شي..

الله يحميك ويخليك ويحفظك يا عبودة  من كل شر وسوء..  

منورة هنا  
اهلين بمنورة  

((لأني لا اجيد تنميق الكلام ))

هي آخر نكتة نازلة عالسوق قال منار لا تجيد تنميق الكلام و وين رحتي بكل هالقصايد والأشعار     

(((من جهتي انت من الشغلات الحلوة يلي بحياتي ,)))

ولك تسلميلي يامنورة والله خجلتيني     والله وانتي أحلى ياريت بعرفك من قبل      
(((ونحنا دائما منحاول نرجع للماضي منشان ما نتحمل مسؤولية ومنحط الحق عالزمن والحياة و...و... ومنخلق لحالنا الأ عذار بس بالنهاية حكيك كتير حلو))))

اي والله صح حكيك يامنورة بس شوبدك بالحكي يلي بيشوفنا انا وانتي ومروة وكيف منفكر أو وقت نجن بيقول الله يثبت علينا العقل والدين لأنو منطلع أضرب من الولاد الصغار هههههه
شكرا لمشاركتك منار والله انبسطت فيها        

Brilliant*
(((بلسم لسا في جنينة الجاحظ ..... انا مو تارك جنينة بالشام الا ورايحلا)))
كفو والله

والله شهتيني قوم روح على شي جنينة بس مو حلوة إلعب بالمراجيح هلأ صرنا عجايز ختيرنا العمر إلو حقو هههههه  

هلا*

.((وبيعقد بناقش وبيسأل لحتى يفهم كل شي.. الله يحميك ويخليك ويحفظك يا عبودة من كل شر وسوء.)))

حرام خليه يعيش حياتو لا حق عالعلم ومآسيه هههه عم امزح الله يحمي يارب ويسلمو