صفّي النيه ونام بالبريّة
شرِب البحر وعند الساقية غص
بدو يبني حيط من خيط
مين عرف رسماله باع واشترى
اللي فيو طبيعة ما بيبيعا
اذا طعميت شبّع واذا ضربت وجّع
الكسل ما بيطعمي عسل
متل شرب الدخان :لا اوله بسم الله ولا اخرو الحمد لله
يا افتاح بابك واشهرو يا سكرو واسترو
اللي بيشور عليك بالطلاق ما بيساعدك بالنفقة متل حفار القبور, سعادتو بشقا غيرو
شوفتو بالدرب ولا حسرة بالقلب
قالوا لجحا: عد مواج البحر. قلون :الجايات اكتر من الرايحات
اللي بيطلّع علي بعين بطلّع عليه بعينتين ا
لارض الواطية بتشرب ميتا وميت غيرا
سألو الجوعان :تنين وتنين شقد؟ قلن اربع ترغفة
ام دروس قامت تحوس بعجت التنكة وخرقت القادوس
من غاب عنك اصلو بيدلك عليه فعلو
الجمل شقد ما بار بيحمل قنطار
إذا صارت ورقة التين قد إجر البطة نام ولا تتغطى
الجيجة ما بتعدي عن كارا ولو قطعوا منقارا
كل ديك على مزبلتوا صياح
لو بدي اخرج من كيسي ما ساويتك عريسي
الي بيدخل بين الحرير والشال ما بنوبه غير تعب البال
العين مغرفة الكلام
القرش ما بغطي الشرش
مالك صديق نصحك مالك عدو عيَّرك
قاضي الولاد شنق حالو
طعمي التم بتستحي العين
هاللي بدك منو شبر بدنا منو دراع
اذا ردت تستريح شو ما شفت قول منيح
اغلى من الولد مافي
:شافوا القلب قبل ما تشوفوا العين
بوس الأيادي ضحك عاللحى
ما أكتر صحابي يوم كرمي دبّس.. وما أقل صحابي يوم كرمي يبّس
الساعة اللي بتسّبق بوسا واللي بتقصَر دوسا
فرجي عذرك ولا تفرجي بخلك
العين بتشوف ألوف والقلب بيعشق واحد
بيحسدوا الاعمى على كبر عيونو
ما عدمتك يا لساني شلون ما درتك بتندار
الله يرزقنا الطحين ونسمعكن طق العجين
أنـا وأخي على ابن عمي وأنا وابن عمي على الغريب
مكتوب على ورق الخيار اللي بسهر بالليل بينام بالنهار
خلي العسل بجراروا لتغلا اسعارو
لا تقول فول ليصير بالمكيول
المال بيشغل البال متل الورد بيغيب سنة وبيحضر شهر
لما الجردون بيسكر بلعب بشوارب القط
يا بنبكي لنِعمى, يا بنضحك لنِغمى
إجا ونام عنا ليلة ساوا حالو من العيلة
فلان مطبل بالدنيا مزمر بالاخرة
القرصـة بغضة ولو كـانت من أصابع فضة , والعضـة محبـة ولو كـانت من أسنان كلبـة
ديك واقف عالبركه
بضحك عالناس وهو ضحكـه السعد
لما بيجي بنمدله شرشو واللي بروح بنستريح من وشو
انشالله يعجبوكن
منرحب باي اضافة
امثال سورية
