السلام عليكم
رح فوت بالموضوع ضغري
انا كنت دائما من الاوائل على مدرستي ولما صرت بالحادي عشر ما بعرف ليش قررت اني فوت ادبي مع اني كنت شاطرة بكل المواد بس كنت رافضة العلمي وحاطة براسي من زمان اني بدي ادب انكليزي وفعلا دخلت ادبي وطلعت الاولى عمدرستي بالحادي عشر والبكالوريا و وحدة من الاوائل على المحافظة بالبكالوريا ودخلتع ادب انكليزي بس بامتحانات الفصل الاول صرت حس اني مو حابة الانكليزي بس مو كارهتو وشوي شوي اكتشف اني مو طايقة فرعي مع اني من الاوائل فيه ودخلت في اعماق نفسي ولقيت اني بحب الصيدلة واني ارتكبت غلط لما فتت اددبي مع انو كل اساتذتي بالمدرسة كانوا يتفاجؤوا لما يعرفوا اني فتت ادبي ويلوموني بس كنت كتير مقتنعة وكنت فكر حالي اني كتير حابة الانكليزي بس اكتشفت حاليا اني مو حاببتو وانو مو هاد مكاني . وهلق قدامي المستقبل بس معقول اشتغل وادرس فرع مو طايقتو ؟!!!! يعني شو ساوي انا متحيرة هل كمل دراسات عليا بعد التخرج وبعدين صير دكتورة جامعة ؟ بس المشكلة هون انو لما ادرس الماجستير مو مباشرة بتطلب الدولة طلبوا لارسالهم بعثة عبريطانيا او امريكا بل احيانا بضلوا اكتر من 6 سنوات وما بيطلبوا طلاب لارسالهم بعثات . هاد الخيار الاول . الخيار التاني : اني بس اتخرج مباشرة عيد بكالوريا علمي وسجل وقتها صيدلة . الخيار التالت : اني كمل دبلوم تاهيل تربوي وبعدين ماجستير تاهيل تربوي وبعدين بصير دكتورة بقسم التربية بس هيك بكون ما استفدت شي من دراستي للانكليزي . ارجوكم بدي حل انا ما عم اقدر نام الليل بسبب وجع راسي . واحيانا بنام عم ابكي . ارجوكم بدي حل   

هلق كل شخص رح يكون اله وجهة نظر بهل الموضوع ,, انتي اخترتي الادبي واخترتي الفرع يلي بتحبيه وهاد كان قرارك وعلى فكرة انتي عملتي الصح لانو اذا كنت بدك تفوتي رغبتك على متل مابدهن اهلك فهل الشي رح يار على دراستك لانك بجوز ماتحبي الفرع ,, بكل الاحوال انتي زبطي معدلك وفوتي معيدة وبتصيري دكتورة بالجامعة ,, انا رح احكيلك قصة عندي خال كان شاطر كتير وجدي بدو ياه يفوت طب وهوي جاب طب بس هوي بحب هندسة الزراعة واتزاعل هوي وجدي وكمل وصار  دكتور وحاليا برفسور ومستلم منصب مهم بالدولة وهوي بهيئة الطاقة الذرية مرة سالتو قلي لو اني فتت طب بجوز ماحدا عرفني لهيك ضلك على قرارك وتفوقي بالفرع يلي اخترتيه 

السلام عليكم
كونك من المتفوقين ما شاء الله
بنصحك تكملي بالجامعة وتتفوقي وتكوني من الاوائل لانو الاول ع الجامعة دغري بعينو معيد وبيبعتو بعثة
وبنصحك تبعدي عن الخيار الثاني لان بتكوني ضيعتي
4 انكليزي +سنة باكالوريا (غير معروفة النتيجة)+5صيدلة
المجموع عشر سنوات ولسا ما ابتديتي حياتك

ارضي بما كتبه الله لك ولا تكترثي لكلام من حولك

تقبلي مروري ..........بالتوفيق ان شاء الله

بسم الله وما شاء الله على تفوقك

استخيري الله عز وجل

الله يوفقك

الصراحة صح كلامكون بس انا ما عم اقدر اتحمل فكرة اني اتخرج واشتغل بفرع انا ما عدت راضية عنو . وكمان مو بهلسهولة بصير تعيين الشخص معيد .يعنيلو  ضمنانة ما كنت تحيرت بس الشغلة كتير صعبة

مرحبا صديقتي:

أنا برأيي إنك تكملي بفرعك الأدب الانكليزي لأنو مو معقول تتركي من نص الطريق

ولما تتخرجي انتي شوفي شو فرص العمل الي ممكن تصحلك وقتها وبجوز تلاقي عمل تحبيه وتغيري رأيك بكل شي تاني

واذا ما صار هالشي فيكي وقتها إنك تعيدي البكالوريا وتدرسي صيدلة..

بس بصراحة أنا حاسستك عم تعملي كل هاللفة والدورة مشان تحصلي على لقب دكتور أو كمكانة اجتماعية.. واذا كان هالشي صح فأنا بقلك أنو المكانة الاجتماعية ما بتجي من فرع معين انما بتجي من الشخص نفسو يعني انتي فيكي تبدعي وتثبتي حالك بشو ماكان الفرع الي انتي فيه وأكبر مثال القصة الي حكاها الأخ أبو زياد

وبالنهاية الله يخترلك الخير ويوفقك للي بتحبيه وبنصحك تستخيري ربك ..

ملاحظة صديقتي ... شوفي المفارقة أنا هالسنة اتخرجت صيدلة ومع اني كتير بحبها وحابة اني أبدع فيها. بس حاليا عم فكر اني سجل ترجمة بالتعليم المفتوح يعني كنوع من التغيير ولأني كمان كتير بحب الانكليزي... فسبحان الله عالمفارقات

دمتي بود

عندي اقتراح جديد

طبعا بعد أن تستخيري الله

وقفي تسجيلك بالجامعة وعيدي
بلكوريا علمي (دراسة حرة)
كثفي جهودك مع دورات أومدرسة خاصة

وشوفي إذا طلعلك صيدلة
شطبي قيدك بالأدب الأنكليزي
وإذاما طلعلك
عوضك بالله كفي أنكليزي
والسنة بعوضها ربك

لا الحقيقة انا ما عم ابحث عن لقب دكتور بس ببساطة انا ما بقبل بالقليل اطلاقا وبالنسبة للصيدلة فانا بحبها والاهم انو عنا صيدلية يعني الشغل مؤمن وعندي بالعيلة كذا صيدلي يعني انا مو لحالي .

وبالنسبة لاني صير دكتورة جامعة فانا حابة صير هيك لانو معدلي عالي وبيسمحلي كمل دراسات عليا والحمد لله . الشي المؤكد اني ما رح وقف حاليا ابدا يعني مخططاتي هي كلها بعد التخرج

اخ عبد الله خطر ببالي هالاحتمال بس انا كنت عم قول طالما اني بديت بشغلة خليني كمل فيها للاخر وبعدين بشوف هلمخططات هي كلها و كمان انا ما بدي اخسر شهادة الادب الانكليزي . يعني ببساطة انا متحيرة كتير بمستقبلي مو بحاضري لانو حاضري جزمت اني رح كمل فيه للاخر ان شا الله

و هاد أحلى حل من الك

كملي دراستك الفرع الانكليزي وان شاء الله بتصيري يلي بدك ياه
وفكرت أنو تعيدي البكالوريا العلمي فأنا ما بنصحك والله من باب الاخوة

شوي شوي حبي المادة و الفرع الانكليزي لانو أحسن فرع لغة

والحل هوا
هلأ انا متل ما عرفت أنو عندكون صيدلية بعد التخرج أشتغلي فيها دوام تاني مع شغلك بالادب الانكليزي بالخبرة يعني أنا شايف كتير عالم بيشتغلو صيدلانية بالخبرة

اذا بتحبي هالفرع و الشغل

و نصيحة مني كملي ادب الانكليزي و لا تضيعي على حالك سنوات من عمرك

مع العلم انك بنت وبكرة رح يكون عندك بيت والتزامات كتيرة

وان شاء الله تصيري دكتورة بالادب الانكليزي

وهي من الك النصيحة

والنصيحة كانت بجمل من زمان