[type=Ms Sans Serif]السلام عليكم :
أنا بعد ما كتبت التعليق الاول لفت نظري شو كاتبة  ياقوت

اول شغلة انا انتبهت على هالشي ..... والحمد لله نجحت بالمادة ...79    والله ما كنت احلم فيها حلم .... بهالمادة  
تاني شغلة ... تقبريني ياقوت نحنا رابعة وصرنا خامسة ... مو هيك ؟؟؟؟

السلام عليكم

أسئلة بالأدوية لو سمحتوا:

مركبات الخردل الآزوتي شو هي؟
أنا بس بعرف إنو هي من العوامل المؤلكلة بس شو هي المركبات الي تصنف ضمن مركبات الخردل الىزوتي؟

انا كاتبة ملاحظة من الدكتورة إنو الميتوتريكسات  إلو سمية عصبية بس بالبورد مافي هيك شي!!
حدا متأكد من المعلومة؟

بمحاضرة د.شذى مكتوب إنو ال MAOI من آثارها الجانبية هبوط ضغط وجفاف فم.....!!!
المفروض تكون التأثيرات الجانبية ودية  ( ارتفاع ضغط) كونها تثبط استقلاب النور أدرينالين.....
وكمان شلون هالمركبات تعزز التأثيرات المثبطة للمورفين؟!!
المفروض ما يكون إلها تأثير مثبط....

الشي المتأكد منو هو الشق التاني من السؤال....

انو مثبطات المونو أمينو أوكسيداز كونها مضادات اكتئاب تمنع استقلاب الأمينات الأحادية متل الدوبامين والتيرامين والسيروتونين والنور أدرينالين بتثبيط الأنزيم المؤكسد لها....فهي رح تزيد تأثير المواد ومتل ما منعرف انو النور أدرينالين (النور أبينفرين) مقلّد ودي
فهي بترفع الضغط بالبداية بشكل مفاجئ..خاصة بتناول الأطعمة الحاوية على التيرامين متل  الموز – المشروبات الكحولية – الجبن ( وخاصة القشقوان ) - الشوكولا
لكن اللي بيصير....انو ازدياد النور ادرينالين يؤدي بآلية الترقيم الراجع السلبي إلى تثبيط أنزيم التيروزين هيدروكسيلاز....مما يؤدي إلى اتباع طريق تحوّل التيروزين إلى تيرامين بدلاً من تحوّله إلى نور أدرينالين....ومع زيادتو حيتحوّل إلى الأوكتاباميل عبر الأنزيم بيتا أوكسيداز .
والأوكتاباميل عبارة عن مقلد ودي شديد الارتباط بمستقبلات النور أدرينالين, وبالتالي حيعيق ارتباط النور أدرينالين بمستقبلاته, وبالنتيجة حيصير معنا انخفاض ضغط بما يسمى هبوط ضغط انتصابي

وبالتالي حيكون الها تأثير مركّن يزداد بالتآزر مع المورفين

السلام عليكم

بتذكر أنو الكارموستين واللومستين هي من مركبات الخردل الآزوتي
بإمكانك مراجعة كتاب الكيمياء الصيدلية 2 ففيه تصنيف هذه المركبات على أساس كيميائي


بالنسبة للميتوتركسات فكل شي سمية بساويها (مشان ما تعزبي حالك)


وما شاء الله
(dr.bashari) شرح الفكرة بشكل رائع
هي من الشغلات يلي ما فهمتها أثناء الدراسة

وبالنسبة للمورفين وعلاقتو بالـMAOIs فما عندي فكرة

حاولي حفظي المادة تمشاية حال
فهم الآليات بنخليه لبعدين

بالتوفيق

الله يجزيكم الخير

ومشان الفائدة مركبات الخردل الآزوتي هي:

الكلورامبوسيل و الميكلورتامين و السيكلوفوسفاميد و الإيفوسفاميد و الميلفلان

أما الكارموستين و اللاموستين فهي من مركبات النتروزويوريا

الحمد لله طلعت المادة وكان ختامها مسك و تخرجت

السلام عليكم
                                               
شكراً على معلومة
                                                   
ونشالله ألف مبروك التخرج

مبرووووووووووك نور الهداية .. والحمدلله علامتك اليوم كتيير حلوة وأعلى علامة على فكرة :)

بالتوفيق

الله يبارك فيكم يارب


الحمد لله أعلى علامة بفضل رب العالمين مع إنو راسي كان رح ينفجر و أنا عم حل أسئلة د. شذى..... كانت أسئلتها ولا احلى من هيك...


يلا عقبال قبولنا جميعاً بالدراسات

السلام عليكم

الحمد لله تخرجنا وخلصنا

ونشالله تتيسر شغلة الماجستير

                                                   
بالتوفيق جميعاً

قولتكن لسه في أمل بالماستر ...؟؟

لأنو آل المقدمين عالماستر من دفعتنا كتير كتار ..

وإذا ما عملو فحص للماستر واكتفو بالمعدل بكون شي مو منيح ..

بعدين بحلفكن إذا حدا بيعرف على أي أساس اتقسمت محاور الاختصاصات وانو الواحد ما بيقدر يسجل على اختصاصين من محورين مختلفين!!!

وكمان إذا في أخبار جديدة عن الماستر والتقديم عليه ..