جيد إذا :

 أما مسالة بقاء الدكتور بشار أم لا حتى نهاية ولايته بالنسبة لي غير مهم

ولكن يهمني أن يدير هو بالتعاون مع التنسيقيات الفترة الانتقالية

وهذا ماتضمنه ردي عن -الحل الأول-  بشكل غير مباشر
أما -الحل الثاني- فقد تضمنه بشكل صريح
عندما ذكرت إدارة الرئيس الأسد البلاد لفترة إنتقالية مؤقتة فقــط
وهذا مما تفرضه الضرورة ومصلحة الوطن والمحافظة على ماتم إنجازه حتى اليوم

أما بقاءه في الحكم حتى نهاية ولايته الحالية في 2014
فهذا معناه -أن شرعية نظامه- هي التي تفرضه !

وهذا ما تعارضه -قوى المعارضة- لأنها ترى أن شرعيته ساقطة منذ زمن


عموماً
أفضل في -مرحلة الحلول- هنا أن نرتب أفكار الحل وندمج المتوافق عليه مع بعضها في رؤية واحدة


بمعنى ليضع كل طرف النقاط التي يتوافق عليها مع الطرف الآخر
وليكمل النقص برؤيته الخاصة
في رد واحد

عندما ذكرت إدارة الرئيس الأسد البلاد لفترة إنتقالية مؤقتة فقــط
وهذا مما تفرضه الضرورة ومصلحة الوطن والمحافظة على ماتم إنجازه حتى اليوم

ما لم يعلن ذلك من قبل التنسيقيات

بشكل رسمي وواضح

و أن تعلن ماهية الخطوات

للانتقال لسوريا الديمقراطية

وكيفية البدء فيها  

ربما سبيقى الحال على وضعه

سأخرج الان  و لنا تكمله

 بانتظار بقية الزملاء

وبقية الحلول .............. 

أظن أن -الطرف الأقوى اليوم- وهو النظام الحالي

هو الذي يجب أن يخرج ليعلن إستعداده للبدأ في تلك الحلول مؤيداً بضمانات جادة ومقنعة
ولو بمجرد إشارات -كما كنت آمل وكررتها مراراً-
وأن يهيأ الأجواء والبيئة لــ لمّ شمل الجميـع

وليس المعارضة البعيدة عن ميدان الحكم وأدواته والمشتتة مابين الداخل والخارج !!

وأما -برنامج عمل المعارضة السورية وسبب إنقسامها وغيابها وغياب رموزها عن الساحة السورية المباشرة-
فهذا سيقودنا إلى حديث تكرر سابقاً عدة مرات ونجده في الردود إلى الخلف


وأنا أجزم -إن لم أقل أنا متاكد-
أنه أول مايخرج النظام ليعلن ذلك أو يسأل تلك الأسئلة
سيأتيه جواب المعارضة خلال ساعات فقط
وبتأييد صريــح لكل خطوة تمهد لذلك وإجابة واضحــة لكل ماهو غامض

ولكن النظام حتى اليوم
هو الذي يتلكأ ويعبر بشكل أو بآخر -سياسياً و أمنياً- عن تعنته الرافض حتى لمجرد الإعتراف بوجود المعارضة !



في إنتظار البقيـة

السلام عليكم...

بعتذر كتير ع التاخير بس ما في شبكة ع الثري جي...

انا قريت معظم الردود من الصفحة 40 لل43 وفي شي مبشر انشالله وفي شغلات كتير لازم نحكي فيها....

انا رح احفظ الصفحات عندي واكتب الرد وبعد ال12 انشالله بفوت وبحط الرد....لانو بصراحة ما بقدر اشغل الارضي والردود متشعبة وبحاجة لوقت...

بكرر اعتذاري وبشوفكن بخير انشالله...

والسلااام...

في إنتظارك أخي (أمير حمص)


مداخلة هامشية:

بعد إستخدام برنامج -كسر الحجب UltraSurf- !
إستطعت الوصول إلى تصريح (هيثم المالح) حول حكومة الظل التي أعلن عنها في لقاء صحفي

هذا رابط المقابلة:

http://www.aawsat.com/details.asp?section=4&article=630840&issueno=11915

وهذا مايهمنا حول -حكومة الظل- لمن تعذر لديه فتح الرابط

سؤال من الصحفي ..... وإجابة منه

--------------------------------------------------------------

* حكومة منفى؟

- سنشكل حكومة ظل، لأننا نريد أن نتعامل مع الأحداث بعقل صحيح وببرنامج عملي. لا بد من أن يكون هناك عمل منظم، فإذا سقط النظام كما نتوقع تكون لدينا رؤية لما بعده.

* ستسعون إلى اعتراف عالمي في هذه الحكومة؟

- هذا ليس مطروحا بسرعة، المهم أن نحدد نحن ماذا نريد.

* ماذا سيكون دور هذه الحكومة في المرحلة المقبلة؟

- متابعة الأحداث من وجهة نظر المعارضة، وسيكون هناك وزراء للاقتصاد والمالية والدفاع والخارجية وغيرها. سيكون هناك عمل علمي غير غوغائي.

* وتكون جاهزة للحكم عندما يسقط النظام؟

- نعم، يكون هناك شيء موجود على الأرض.

--------------------------------------------------------------



ولا يخفى على أحد من هو -هيثم المالح- و دوره بين قوى (المعارضة الوطنية) البارزين

اول شي وكون نحنا اتفقنا انو نطلع من مرحلة النقاش بالمشاكل لمرحلة الحل....فانا حابب اول شي علق ع بعض النقاط قبل ما نفوت بموضوع الحل...

مقارنة سورية بليبيا او بالعراق او باي دولة هوي شي غلط لانو كل دولة الا ظروفا حتى لو كنا كلنا عرب بس في اختلافات عميقة ببنية الانظمة وبتقسيمات الشعوب...

تاني شي بتمنى من الاخوة المعارضين توضيح وجهة نظرن بالنسبة للمعارضة الخارجية...متل عبد الحليم خدام مثلا او يلي متلو هدول شو بالنسبة الكن؟؟؟

تالت شي في نقطة مهمة وهيي بصراحة كلمة "دبابة"....كل ما شفت الجزيرة او العربية عم يصورو دخول دبابات بلاقي انو يلي بالصورة مو دبابة....
يلي موجود ع الارض ويلي عم يتصور فهوي اما...بي ار دي ام...او بي ام بي....او بي تي ار....وبغالب الاحيان بي ار دي ام وهي المهمة تبعيتا هيي ناقلة جند بس الها جنزير متل الدبابة وفوهة رشاش اصغر بكتير من فوهة دبابة....يعني مو كل مجنزرة هيي دبابة....والسبب لوجودن هوي حماية الجنود بشكل رئيسي وخصوصا ببعض حالاات المداهمة ببعض المناطق...

رح رد بشكل مفصل ع مجموعة من النقاط وما رح يكون رد واحد..يمكن 6 او 7...لذلك بتمنى من الاخوة يلي بدن يردو عليي يطولو بالن لحتى يشوفو كل الردود...

السلام عليكم...

اولا:
بالنسبة للشي يلي انذكر بخصوص تدخل الناتو...
اكيد ما في سوري بيقبل بتدخل اي طرف خارجي....ولكن...هادا التدخل بصير ازا لا سمح الله صار فتنة طائفية...وخصوصا ازا صار اغتيالات لشخصيات بارزة ومشايخ من طوائف معينة واستغلال الحقن يلي صار الشهر الماضي بشكل خاص...طبعا بالنسبة لعدد كبير من السوريين مستحيل يحمل سلاح بوجه اخوه لكن يكفي لكي يدخل الناتو او تركيا حصول بعض الاشتباكات ببعض المناطق يلي ممكن يصير فيا اغتيالات لا سمح الله وهادا شي فعلا لازم الكل ينتبه منو  لانو هون صارت القصة قصة سورية باكملا...
والشي يلي بيقهر انو اكتر من مرة سمعت من ناس ادعو انن من صفوف المعارضة ...سمعتن عم يقولو "اميركا دولة صديقة ونحن نريد التعاون معها ....الخ"...وما بعتقد انو هدول بمثلوكن ما هيك؟؟؟

ثانيا:
في موضوع الحلول يلي طرحو الاخ سيف الاسلام وبعد توضيح الاختلاف يلي صار ضل شغلة وحدة ما علقتو عليا...
الاخ سيف الاسلام يفرق بين كلمة النظام...وبين السيد الرئيس
اما الاخ الرسم بالكلمات فيعتبر ان السيد الرئيس هو النظام فيقول"وزير خارجية النظام...!!!"
بكل الاحوال...السيد الرئيس شي والنظام شيء او ربما عدة اشياء...نظام امني او سياسي او اقتصادي....الخ

|||||||مع دخول -شهر حزيران 2011-
وبعد تكشف الحقائق حول ماجرى في درعا وبانياس وحمص و و
وبعد سقوط -فرضية المندسين و روايات الإعلام السوري- عند معظم الشعب
وبعد تناقض خطابات الرئيس برفض إطلاق النار مع واقع معاكس تماماً ومليئ بالدماء !!
وبعد أن أصبحت الثورة في أحياء كل السوريين وخلف أبواب منازلهم
ليرى الحقيقة كل منا بأم عينيه وليكون بنفسه -الشاهد والحكم-


هنا إنحرف مسار الثورة فكانت نقطة التحول
حيث أصبح -شباب الثورة وقوى المعارضة السورية-
يرون حتى إمكانية بقاء الرئيس الأسد لنهاية ولايته الحالية هو (أمر مرفوض) لدى كل معارض||||||

بالنسبة لتكشف الحقائق فللاسف تكشفت حقائق مختلفة عند كل طرف....بالنسبة للمعارضة رفضو فكرة المندسين وايدو فكرة انو الامن هوي السبب لانو صار اخطاء امنية كانو شاهدين على بعضها...اما بالنسبة للمؤيدين فتقبلو فكرة المندسين والمسلحين لانو كمان شافوون ببعض الحالات وبحالات تانية شافوون وتعرضولن متل ما صار مع عدد كبير من الضباط واولادن...بالاضافة انو كل طرف عندو تصور مبدئي عززيتو الشغلات يلي شافا....
اما انو تقول ( معظم الشعب ) فهادا شي مبالغ فيه لدرجة كبيرة بس بضل هادا احساس بحسب البيئة يلي موجود فيها انت اما بالنسبة الي فانا بدرس بالشام وعايش بحمص واخي بيدرس بحلب وبيشتغل بالشام  وغير هيك في عندك المسيرات ( متل رفع العلم ومسيرة ساحة  الامويين كنت موجود فين وشفنا عدد الناس الموجود )...يعني شايفين الشعب شو عم يفكر...وفرضية انو بسبب الخوف العالم عم تنزل او ما عم تنزل فهي فرضية مرفوضة تماما لانو الشعب السوري عندو كرامة وشرف وهادا بكفي....

ثالثا:
لنتحدث الان بالحلول....

الشق الاول...

1)بالنسبة للحل الامني هوي موضوع متشعب والو عدة اشكال....مثلا بالمناطق يلي صار فيا مواجهات او احتقان طائفي لازم يضل موجود الجيش لانو وجودو ضمانة لعدم حدوث فتنة وضمانة لعدم الهجوم على منازل اناس من طوائف معينة وهادا الشي صار كتير...اما بالنسبة للمناطق يلي فيا مظاهرات بدون وجود مسلحين او حالات خطف او اعتداء فاكيد ما في داعي لوجود الامن الا بالصورة الطبيعية كأي يوم من ايام السنة....

2)بالنسبة لمعتقلي الرأي فانا مع هي الخطوة مع تعليق صغير ويلي هوي....انو اول شي ممكن لبعض المعتقلين ان يكون لهم ارتباط خارجي معين وهو ما لايعلمه الا الله واجهزة الدولة التي اعتقلتهم...(حتى لو المخابرات زاعجتكن بس بضل في الا شغلا)...وربما انتم ترفضون هذه الفكرة فما الحل في هذه الحالة؟؟...برأيي انو تصير محاكمات علنية للاشخاص المشكوك بأمرن....

3)بالنسبة للجنة تقصي الحقائق فهي شغلة كتير كتير مهمة وما بظن في حدا بمانع هادا الشي لانو فيه خدمة للطرفين....

4)بالنسبة للحوار فهوي شي ضروري ولكن....النقل المباشر افضل من تدخل اي جهة عربية او دولية...يعني انا مع الفكرة بس بدون الاشراف العربي او الدولي وانما باشراف جميع ابناء الشعب عن طريق النقل المباشر....

5)تعديل الستور...هادا شي مفروغ منو...والكل موافق عليه واولن السيد الرئيس...