صباح الخير كيفكن ان شاء الله تكونوا بخير
ووين المشجعين والمحبين للمنتخب بعرف انو الظروف صعبة كتير علينا بس هاد منتخبنا خلينا نشجعه بكل محبة بركي ان شاء الله بيفرحنا بشي شغلة

فاز منتخب سوريا لكرة القدم على منتخب طاجيكستان بهدفين مقابل هدف واحد اليوم السبت في ذهاب الدور الثاني بالتصفيات الاسيوية لنهائيات كأس العالم 2014 في البرازيل.

افتتحت سوريا التسجيل عبر جورج مراد الذي احرز الهدف الأول في الدقيقة الأولى من الوقت بدل الضائع للشوط الاول لكن طاجيكستان أدركت التعادل في مستهل الشوط الثاني عبر كامل سيدوف.

وأحرز رجا رافع هدف فوز سوريا في الدقيقة 77 من المباراة التي أقيمت في عمان

الف مبروك لمنتخبنا وعقبال التأهل يا رب الى الدور الثالث يا رب

أثناء تواجد البعثة التلفزيونية السورية لنقل مباراة المنتخب السوري ومنتخب طاجيكستان أمس بالعاصمة الاردنية عمان والتي انتهت بفوز المنتخب السوري بهدفين لهدف ضمن التصفيات الأسيوية المؤهلة لنهائيات كأس العالم 2014 ،طلب التلفزيون الطاجيكي مبلغ 5 آلاف دولار نظير الموافقة والسماح للجانب السوري بنقل مباراة الإياب من دوشانبيه مباشرة ظهر الخميس القادم الأمر الذي لقي موافقة سريعة من إدارة التلفزيون السوري حرصاً على توفير الفرصة للجمهور السوري لمتابعة منتخبه وكانت الفضائية السورية قد نقلت مباراة الأمس بتوجيهات مباشرة من وزير الإعلام.

المباراة ستقام في العاصمة الجاكستانية يوم الخميس القادم في تمام الساعة الثانية ظهرا بتوقيت دمشق بتمنى من كل محب للمنتخب والوطن الغالي يشجع ويدعي يا رب نفوز ونتأهل
بالتوفيق للمنتخب يا رب بفوز رائع وتاهل يا رب 

لك والله مو حلوة من طلاب جامعة دمشق ما حدا يشارك ولو بكلمة قليلة لدعم منتخبنا الغالي يلي رفع راسنا اليوم بالفوز الكبير على طاجكستان والحمد لله في امل من هيك منتخب رائع ان شاء الله

حقق المنتخب السوري فوزاً كبيراً على مستضيفه طاجيكستان بأربعة أهداف نظيفة، ضمن تصفيات كأس العالم 2014 والتي ستقام في البرازيل .

افتتح التسجيل للسوريين رجا رافع في الدقيقة السادسة ، ثم عاد نفس اللاعب ليحرز الهدف الثاني في الدقيقة الخامسة والثلاثين ، وجاء الهدف الثالث في الشوط الثاني عن طريق اللاعب نديم الصباغ في الدقيقة الثالثة والخمسين، واختتم مسلسل الرباعية السورية اللاعب جورج مراد قبل نهاية المباراة عند الدقيقة الثامنة والثمانين .

يُذكر أن مباراة لقاء الذهاب بين الفريقين الذي أقيمت على استاد الملك عبدالله الثاني في الأردن انتهى بفوز المنتخب السوري بهدفين مقابل هدف وحيد .

وبالتالي يتأهل المنتخب السوري إلى الدور الثالث من التصفيات (دوري المجموعات)، والذي ستقام قرعته يوم السبت القادم في تمام الساعة 19:00 بتوقيت GMT . منقول من كورة

الف الف الف مبروك لمنتخبنا الغالي التاهل وان شاء الله تكون مجحوعتنا القادمة سهلة يا رب وبتمنى مشاكة وتهنئة ولو بكلمة قليلة من قلوب محبة للوطن الغالي وشكرا كتير الكن احبائي
تقبلي حبي واحترامي لكم
الفتى الدمشقي

مبرووك للمنتخب التأهل لدور المجموعات وبتمنى نباركله لما بيتأهل لدور مجموعات كأس العالم

مع اني ما شفت المباراة " مو ناقصني " بس المهم النتيجة كانت لصالح منخبنا.

والله يا اصدقائي الاعزاء من شوي سحبت قرعة تصفيات كأس العالم بالبرازيل واجى منتخبنا بهل المجموعة

اليابان - سوريا - أوزبكستان - كوريا الشمالية

ستبدأ التصفيات بتاريخ 2 من شهر سبتمبر التاسع ان شاء الله

والله اكلناها يا شباب اجت الحزينة لتفرح ما لقت مطرح هيك صار فينا يعني وقت صار عنا فريق منيح من زمن بعيد وكان في امل نتاهل على الدور الرابع بس ما شكها رح تزبط اذا قارنا مجموعتنا بالمجموعات التانية بس يا الله اذا فعلا فريقا قوي بيقدر يتاهل ان شاء  الله

بالتوفيق للمنتخب السوري الغالي حبيب قلبنا ومتل العادة بتمنى تشجيع منكن يا اعضاء منتدانا الرائع 

يالله  اذا فاز المنتخب بكأس العالم 2014شو حلو وقت ينذكر اسم المنتخب السوري والشعب السوري على لسان كل انسان بالعالم

مبروك  سوريا  كأس  العالم 2014

انا مع منتخبنا بكل قلبي   بس يلعن هيك قرعة يلي خدمة الامارات والاردن وقطر وعمان وجابتنا مع اليابان   قولوا يا رب سورية عالدور الرابع وتحياتي للفتى الدمشقي 

إن شاء الله الفوز و التأهل للمنتخب السوري

و لح نبدء بحملة دعم المنتخب السوري للوصول إلى كأس العالم 2014

والله من الآن

فريقنا out