من الضروري الحفاظ على تركيز الصادات الحيوية لأن لو تصورنا أنو أنا عطيته الجرعة هلأ ومفروض أعطيه ياها بعد 6 ساعات ...

لما أعطيه الجرعة هلأ بينقتل 90% من الجراثيم  (فرضاً)

لما أعطيها ياها بعد 6 ساعات بينقتل 90% من الـ 10% البقيانين ..وهكذا حلقات لوغاريتمية..

المهم أنو الصادات بتشتغل على مبدأ اللوغاريتم أو هيك شي فما بينقضى عليهم فوراً بل بنسب ...(هاد إذا افترضنا أنو الصاد مبيد)

لذلك لما تنحذف جرعة رح ترجع تتكاثر الجراثيم وإذا ما التزمت بالجرعة وصرت آخذ حبة كل يوم مثلاً بتسوء الحالة لأن بكون عبعمل تمرينات للجراثيم (مقاومة)  وبخليها أقوى بدل ما أخلص منها ..


أما بالنسبة للصاد المثبط فضروري كتير الالتزام بالجرعة لأن شغلته يبقيها مثبطة النمو لحتى يقوم الجهاز المناعي بالقضاء عليهم .....

السلام عليكم
                                                               
في مبدا تاني للمعالجة بالصادات الحيوية
                                                           
البنسيلينات والسيفالوسبورينات بتعتمد على الزمن من أجل قتل الجراثيم، لذلك يجب المحافظة على تركيز ثابت لها
                                                           
أم الأمينوغليكوزيدات فبتعتمد على الجرعة بالقتل، فالمعالجة سريعة، لأنها ذات سمية سمعية كلوية عصبية.

شكرا للكل عالرد السريع..

بس بخصوص نفس الموضوع أخدنا بالصيدلة الحيوية إنو منعتمد عالارتباط ببروتينات البلازما وعالتصفية الدوائية لتحديد الجرعة وبنفس الوقت الارتباط بالبروتينات بيعتمد على التركيز الكلي للدواء وكمان بتتدخل الجرعة والألفة وعوامل تانية.. المعنى: إذا تغيرت الجرعة بيتغير الارتباط وبالتالي بيتغير تركيز الدواء بالدم ومدة فعاليته.. يعني مضاد التهاب بجرعة 500 بتختلف الفواصل بين جرعاته عن المضاد بجرعة 1000 مع إنو إلن نفس عمر النصف..

(فهمانة الموضوع غلط شي؟)

وصحيح إنو الكلافولانيك أسيد بيزيد من نصف العمر الحيوي لمضاد الالتهاب؟

وفي معلومة تانية.. سمعت إنو من جديد اكتشفوا إنو الأوغمنتين ما بيصير ينعطى قبل الأكل لأنو الكلافولانيك أسيد بيتخرب بوجوده بمعدة فارغة.. لذلك يعطى إجباري بعد الأكل..

مسا الخير للجميع  بما انه الموضوع للفضوليين
فمن بعد اذنكم انا عندي سؤال و بدي منكم الاجابة
في مرةقرأت بكتاب الادوية انه هناك امراة حامل بالشهر الثامن معها التهابات مجاري بولية فشو هو الدواء الرئيسي الي ممكن نعطيها ياه  كان الجواب سفادروكسيل و كان التعليل بانه هي الجرثومة هي E.coli و بما انها بتعطي lactamase فما منعطيها بنسلينات
سؤالي السفادروكسيل مو في رباط لاكتام هيك بذكر طيب موكمان بفك هدا الرباط  و لا هي الجرثومة مقاومة ؟؟و سؤال تاني المراة الحامل خلال اشهر الحمل كلها واذا صار معها التهابات جرثومية شو هو الدواء الي ممكن نعطيه بكل شهر و يكون آمن عالحامل و الطفل

((س بخصوص نفس الموضوع أخدنا بالصيدلة الحيوية إنو منعتمد عالارتباط ببروتينات البلازما وعالتصفية الدوائية لتحديد الجرعة وبنفس الوقت الارتباط بالبروتينات بيعتمد على التركيز الكلي للدواء وكمان بتتدخل الجرعة والألفة وعوامل تانية.. المعنى: إذا تغيرت الجرعة بيتغير الارتباط وبالتالي بيتغير تركيز الدواء بالدم ومدة فعاليته.. يعني مضاد التهاب بجرعة 500 بتختلف الفواصل بين جرعاته عن المضاد بجرعة 1000 مع إنو إلن نفس عمر النصف..
))

لأ الارتباط بالبروتينات أو خلينا نقول بشكل عام الإطراح بيعتمد على النسبة، يعني بعد ساعتين بينطرح 80% من الجرعة مثلاً وكذلك الارتباط بالبروتينات ...

))
وفي معلومة تانية.. سمعت إنو من جديد اكتشفوا إنو الأوغمنتين ما بيصير ينعطى قبل الأكل لأنو الكلافولانيك أسيد بيتخرب بوجوده بمعدة فارغة.. لذلك يعطى إجباري بعد الأكل.
((

أنا كمان كنت مفكر قبل الأكل بس طلع مع الأكل يعني منشرب حبة الدوا مع كاسة مي بعدين مناكل فوراً ..

بي قرأت أنو السبب هو الإزعاج الهضمي يلي بسببه الأوغمنتين ؟!!

love tulip
بالنسبة لسؤالك الثاني
الصادات الحيوية الآمنة في الحمل هي : الأوغمنتين ، الأموكسيسللين ، اريترومايسين ، أمبسللين ، سيفالوكسن ، سيفالتين ...

سؤالك الاول :

بظن بالسفادروكسيل الإعاقة الفراغية بتعيق فك حلقة البيتا لاكتام.. بس مالي متأكدة 

أهلا ب nanon  الفضولية ,أسف على تأخري بالرد لكن هالايام مشغول كتير بالماجستير

بالنسبة لسؤالك حول الفواصل الزمنية للصادات الحيوية فباعتقادي أن الجواب هو مجموع ماذكر الزملاء مشكورين

يعني بيعتمد على عمر النصف وجرعة الدواء من جهة وعلى الدواء نفسه من جهة أخرى

1- عمر النصف والجرعة (أو التركيز )
الارقام اللي راح أذكرها تقربيية بهدف ايصال الفكرة فقط
بفرض انو عمر النصف للأموكسيسللين هو 3ساعات  وجرعة الاموكسيسللين ممتصة بالكامل
جرعة 500ملغ من الاموكسيسللين تحتاج الى 9ساعات لتصل الى الجرعة غير الفعالة 62.5
جرعة 1000ملغ من الاموكسيسللين تحتاج الى 12 ساعة لتصل الى الجرعة غير الفعالة  62.5

2- الدواء نفسه وطبيعة فعاليته المضادة للجراثيم 
فالأمينوغليكوزيدات بتعتمد على التركيز العالي في فعلها المضاد للجراثيم لذلك نلجا كثيرا الى اعطاء تراكيز أعلى بكثير من التركيز الفعال
وفي حالة البنسلينات بتعتمد على ثبات التركيز الفعال لذلك نفضل هنا التكرار خلال فواصل زمنية معينة
و بالنسبة للماكروليدات المفضل دائما هي الجرعة الوحيدة على الجرعات المكررة

بالنسبة لسؤالك حول الأوغمنتين
بالفعل الأوغمنتين يؤخذ بعد الطعام والسبب غير عائد للأموكسيسللين وانما لحمض الكلافولانيك الذي تبين  انه  يسبب تأثيرات هضمية غير مرغوبة

love tulip
سؤالك انو السيفالو سبورين ليش أكثر مقاومة من البنسلين
كماذكرت black tulip الاعاقة الفراغية تلعب دور كبير في منع حلمهة حلقة البتالاكتام في السيفالو سبورين
فالسيفادروكسيل يشبه الأموكسيسللين كثيرا الا أن حلقة البيتالاكتام  في السيفادروكسيل (كما في كل السيفالو سبورينات ) مرتبطة بحلقة دي هيدرو تيازين سداسية بينما حلقة البيتالاكتام في الأموكسيسللن (كما في كل البنسلينات ) مرتبطة بحلقة تيازوليدين خماسية

وبالنسبة للصادات الأمنة في الحمل
أذكر منها السيفالو سبورينات والبنسلينات والماكروليدات بالاضافة الى النتروفورانتوئين
لكن المفضل دائما اجراء زرع للجراثيم لاختبار حساسيتها للصادات فمثلا هناك تقارير تقول أن 50 بالمئة من الe.coli  مقاومة للأموكسيسللين

black tulip

و مراقب ادوية مشكورين كتيييييييير عالرد و الإفادة

سؤال ..

في حالة مرقت عنا بالصيدلية..

رجل عمره 37 سنة عامل كل التحاليل وكل نتائجه طبيعية باستثناء الشحوم الثلاثية عنده مرتفعة (290) .. قال خلال 5 أيام صار نازل من وزنه مالايقل عن 10 كغ بدون ما يعرف شو السبب وإجته (على هوا الحكي) متل أزمة قلبية وقف خلالها قلبه للحظات وهو عم يسوق السيارة فضغط الزلمة على أسفل بطنه قام رجع اشتغل قلبه طبيعي..

حسيتها حالة غريبة.. ما اختلفنا إنو ارتفاع الشحوم ممكن يسبب تصلب عصيدي ووخثرات .. بس إنو شو ممكن يخفض وزنه بهالصورة السريعة .. يعني حتى ولو سرطان ما بينحف بهالشكل المفاجئ هاد.. فحدا عندو أي تفسير؟!