السلام عليكم

اقتباس

د.عيسى درسنا وقتها منهاجو ودوراتو (يللي مالها علاقة بمواضيع النظري) وما أجا غير دورات .......هالدكتور حتى بمقابلة الملازمة بيسأل دورااات وكمان من شغلات بحاتو ما درّسها ولا أخدناها

متمناية لو كنت دارسة علم نفس لأعمل حلقة بحث عنو لهالدكتور... وافهم شلون بفكر... عنجد علي كل تفكير ولا التاني... المهم ما علينا...

اقتباس

لك يا ريتها جابت هالعشرين سؤال وصل من المنهاج والله ما منزعل.....بس مو شلّف تربح

وليش لتجيبهم من المنهاج... شلون بعدين بدو يكون في حجة ليطيروا 10 علامات للطالب

هيك.. كانوا بالأول يحذفوهم من عندهم أما هلأ اطوروا وصاروا يجيبوا أسئلة مضمون سلف إنو

ما حدا يجاوب عليها...

اقتباس

بالمناسبة أنا ما دريت بالدورات لوقت الصيدلانيات يمكن بالسنة التانية

أنا دريت بالدورات لوقت الفيزيائية... وضليت صامدة لهالفصل بعد ما أكلتها بالسموم 2 وشوفت

عينك ما استفدت غير من د. أنطون والباقي كلو تغير...

بس ملاحظة على الهامش:

الدكتور عيسى حسن من أول السنة قلي ما رح جبلهم دورات لأنو اشتكوا عليي للعميد مشان العملي، كان بيقدروا يحكوا معي من دون شكوى.

الفكرة مو القصة تكسير راس للدكتور بتروحوا بتشكتوا، يعني عدم المؤاخذة مو ولاد انتو فهمانين.

بالنهاية أنا مالي مع الدورات قولاً واحداً.

بس نصيحة توقعوا انو ما عاد تجي دورات اطلاقاً لأنو ريحتها فاحت كتير والدكاترة مشتلقين كلهم كلهم دون استثناء.

اقتباس

متمناية لو كنت دارسة علم نفس لأعمل حلقة بحث عنو لهالدكتور... وافهم شلون بفكر... عنجد علي كل تفكير ولا التاني...

الدكتور عيسى حسن من أروع الدكاترة بجامعة دمشق، بس لو تفهموا كيف تتعاملوا معو.
ورجاء لا حدا يتجاوز الحد بالحكي عن دكتور، بيكفي الفيس بوك.
فكركم الدكاترة مو شايفين كل شي. حتى الفيس بوك كلو مكشوف وعلناً ما عم امزح والله جد.

السلام عليكم

اقتباس

الدكتور عيسى حسن من أول السنة قلي ما رح جبلهم دورات لأنو اشتكوا عليي للعميد مشان العملي، كان بيقدروا يحكوا معي من دون شكوى

شكوى شو؟؟؟؟ والله أول مرة بسمع بهالقصة... أنا يلي بعرفوا إنو بس الدكتورة جميلة متخانقة معو مشان العملي... أما الطلاب فشو دخلهم ليكثروا غلبة.... 

اقتباس

بس نصيحة توقعوا انو ما عاد تجي دورات اطلاقاً لأنو ريحتها فاحت كتير والدكاترة مشتلقين كلهم كلهم دون استثناء

والله من جهتي أريح....

شكوى شو!!!!!!!!!!!!!!!!!!!!!!!!!!

الطلاب مشتكين من أول السنة على الدكتور عيسى حسن انو العملي تبع الصناعية ما فيو عملي، بس حلقات بحث، فهو كتير انزعج من طريقة الطلاب، لذلك اشتغلتوا عملي هالسنة بالإضافة لحلقات البحث. ومن أول السنة متوعد.

وفي مرة كنا رايحين على معمل نحنا طلاب الماستر مع الدكتور عيسى، قلي عم يشتكوا عليي ماشي؟؟؟

فانتو الحق عليكم.

السلام عليكم

اقتباس

ورجاء لا حدا يتجاوز الحد بالحكي عن دكتور، بيكفي الفيس بوك

معك حق, بس من باب إنو ما بجوز نحكي على حدا من ورا ضهرو... بس كمان لا تنسى إنو نحنا

معنا حق بالحكي يلي عم نحكي... وما عم نتبلى على حدا... بس يمكن هلأ تغيرت المصالح

وصار بدها تفكير جديد....

فما بالكم بنشر هالغسيل عالنت قدام الناس وبقية الدكاترة


بالمناسبة كأني سمعت من بعيد لبعيد أنو حدا مشتكي على د.زمريق ما عرفت من أي سنة بس بتوقع جماعة الرابعة......... فالله يستر



لك يا ريت بالفعل الواحد يخلص من هم الدورات لأنو أبشع شعور قبل الفحص بيوم الواحد يقول راجع االمحاضرات أو أدرس دورات !!!

==========

والله يا سلام في أكتر من دكتور بدهم دراسة لتفكيرهم


فحص الملازمة هو أكبر مهزلة.........وأنا صغرت عقلي ودرست شي 5 أيام للنظري وقبل المقابلة بنهار وبيومها الصبح رجعت راجعت النظري وبالأخير كلو عالفاضي لأنسأل صيغ كيمياء عقاقير


بس ما في شي بيضيع كلو علم وإلا ما ينفعنا بعدين

اقتباس

معك حق, بس من باب إنو ما بجوز نحكي على حدا من ورا ضهرو... بس كمان لا تنسى إنو نحنا معنا حق بالحكي يلي عم نحكي... وما عم نتبلى على حدا...

لما بدنا ننتقد حدا لازم نكون أحسن منه...........

اقتباس

بس يمكن هلأ تغيرت المصالح  وصار بدها تفكير جديد....

ما بعرف شو انت قاصدة من هالكلمة بس إن شاء الله ما يكون متل ما فهمت.
رح أحسن الظن بكلامك.

أنا مع الحق وين ما كان.....
وكلمة الحق تقال.

السلام عليكم

اقتباس

وفي مرة كنا رايحين على معمل نحنا طلاب الماستر مع الدكتور عيسى، قلي عم يشتكوا عليي ماشي؟؟؟

عنجد 

خلص المادة راحت بحال سبيلها ومن جهتي الحمد الله ما اضررت كثير لأنو كنت دارسة المنهاج

تبعو بس ما راجعتو... فمو مشكلة...  بضل الدكتور دكتورنا واحترامو واجب علينا....

كلنا ضد الحكي على الدكاترة بطريقة سيئة لأنهم بمرتبة علمية وعمرية أعلى مننا بس كمان في تصرفات منهم لا تفسّر.......شو يعني دكتور ينتقم من سنة كاملة بسبب طالبين

هلأ حكيي مو على الدكتور عيسى لأنو عم يقولوا جاب من المنهاج.....بس كلنا سمعنا تهديدات بسبب الحكي عالنت ....ومنهم حققوا كلامهم بالفعل


والحمد لله عنا دكاترة ترفع لهم القبعة وبيترفعوا عن هالأمور وما بيضطر الواحد حتى يشغل بالو بدراسة الدورات ولا الخوف من تفكيرهم متل د.امين مثلاً



بس فكرة الانتقاد مو بس لازم الواحد يكون أعلى من الناس لينتقدهم......يمكن هي بتكون تحت غير مسمى....بس مو بعد الضربة الواحد يدير خدو الأيسر أو يحارب محاربة........في حلول وسط، لازم ينفتح طريق بين الدكتور والطالب أحسن من الجبهات......وإلا بحياتو ما بيتصلح شي


الموضوع مو محرز امتدادات ....... بس وجب التنبيه ويا ريت بالسنين القادمة نشوف جامعة دمشق بالمراتب الاولى بالعلم والتعليم ولو أنو خلص راح القطار علينا