اقتباس

بس golden pill شو هاد ماشاء الله صايرة صيدلانية وعطار بنفس الوقت

في حواليي كتير غرقانين بالحساسية وعم يتعلقوا بقشات نصائح من هون وهونيك


يعني مو شطارة 

السلام عليكم




أسيل

إن شاء الله ما على قلبك شر... 

---------------------------------------------------------------------

طيب أنا عندي سؤال


مريض ضغط في شي ممكن يخلي الرجل تبعو تنتفخ غير اضطراب الشوارد مثلا...؟؟ 

وإذا كان اضطراب الشوارد هو السبب فبمجرد تصحيحها (بالامتناع عن المسبب) بعد قديش

ممكن ترجع الرجل لوضعها الطبيعي؟؟

السلام عليكم

لازم يتحدد سبب الوذمة بالرجل

هل هي تجمع سوائل

أم حالة خثار وريدي

مثلاً إذا الرجلتين منتفخين فأكيد هي وذمة عادية

أما لو برجل وحدة بلازم نتوجه لحالة الخثار الوريدي


الوذمات غالباً بنعالجها بمدر طارح للصوديوم مثل الفورسيمايد
                                                                                     
هو بسبب ادرار قوي ومفروض تروح الوذمة بسرعة
                                                                             

السلام عليكم

هلأ الانتفاخ برجل وحدة وصار بعد ما تم أخذ كالسيوم مع شوارد المغنيزيوم مباشرة فلهيك

يمكن هالشي الو علاقة... ومشان الخثار الوريدي هلأ بس بعرف إنو سببو يا رضي يا عدم

حركة بعد العمليات الجراحية مثلا ولفترة طويلة ولازم يرافقو ألم وممكن حرارة موضعية... ما

بعرف عنو أكثر من هيك... وهالشغلات مو صايرة كلها... فيمكن منستبعده بهالحالة... أو مثلا

كيف الواحد لازم يتأكد إذا خثار وريدي أو لا...؟؟

السلام عليكم


ما عندي فكرة عن السبب
                                                         
بس الأفضل يروح عالدكتور بأقرب فرصة
                                                                     
خاصة إذا صاير فيها تغير باللون أو في وجع

لفت نظري عنوان المشاركة (الصيادلة الفضوليين)
بس أنا لسا سنة أولى و وقت قرأت آرائكن حسيت لازم أتصنف مع الأغبياء الفايتين بالحيط مو الفضوليين

على كل حال باين انكن أذكياء كتييييييييييييييير و أكيد رح تعرفوا وين المشكلة بس الله يستر ما يموت الصبي بين إيديكن 
بالتوفيق

عندي سؤال :

ليش الأسبرين يستخدم كمميع للدم بجرعات صغيرة أقل من الجرعات المسكنة والمضادة للالتهاب ؟هل لاينفع نستخدمو بتلك الجرعات الأعلى  ؟

وليش ال NSAIDs الأخرى التي لها نفس ألية تأثير الأسبرين ما بنستخدمها كمميعة للدم ؟

السلام عليكم

اقتباس

ليش الأسبرين يستخدم كمميع للدم بجرعات صغيرة أقل من الجرعات المسكنة والمضادة للالتهاب ؟هل لاينفع نستخدمو بتلك الجرعات الأعلى ؟

       

اقتباس

وليش ال NSAIDs الأخرى التي لها نفس ألية تأثير الأسبرين ما بنستخدمها كمميعة للدم ؟

مو لأنو هو الوحيد يلي بيأدي لتثبيط غير عكوس لتجمع الصفيحات يعني لمدة 7 أيام والباقي بكون عكوس.....

اقتباس

مو لأنو هو الوحيد يلي بيأدي لتثبيط غير عكوس لتجمع الصفيحات يعني لمدة 7 أيام والباقي بكون عكوس

مزبوط سلام يعطيكي ألف عافية .......

لكن بصراحة ماكان قصدي  بالسؤال الأمور المتعارف عليها و اللي درسناها سوا  بالأدوية  انما احنا من خلال الموضوع هاد  تعودنا نسأل الأسئلة اللي ما بتخطر عادة بالبال يعني كان قصدي من هالسؤال :

ليش الأسبرين لوحدو من بين كل مضادات الالتهاب مثبط غير عكوس وهل معقولة مافي ولا مضاد التهاب يحمل نفس الميزة وشو ممكن نستفيد من هالشي بالمستقبل؟

وهلا اذا استخدمنا الأسبرين بجرعات عالية ماممكن  نستفيد من تأثيرو المميع ؟

وبعدين  ليش الأسبرين بالجرعات الصغيرة انتقائي على cox1 أكثر من cox2 وشو ممكن نستفيد من هالشي ؟



أما بالنسبة للمعلومات اللي بتوقع تعرفوها كلكن رح أذكرها للتذكير فقط :

الترومبوكسان هو مركب يساهم في تسريع عملية تخثر الدم من خلال تجمع الصفيحات والأنزيم المسؤول عن اصطناعه هو السيكلوأوكسيجناز cox1الذي تقوم باصطناعه الصفيحات الدموية
البروستاسيكلين هو مركب يساهم في ابطاء عملية تخثر الدم أي أنه مميع والأنزيم المسؤول عن اصطناعه هو السيكلو أو كسيجناز cox2 الذي تقوم باصطناعه الخلايا البطانية الوعائية

وكما نعلم ان الأسبرين يثبط بشكل غير عكوس  كلا من الcox1وال c0x2

يؤدي إعطاء الأسبرين  إلى إزاحة التوازن لصالح البروستاسايكلين وبالتالي إبطاء تخثر الدم ...............

آلية ذلك أن الأسبرين يثبط أنزيم السيكلواكسيجيناز بكلا شكليه cox1 cox2 ... وبالتالي يثبط اصطناع كل من البروستاسايكلين والترومبوكسان a2 ..

لكن تستطيع الخلايا البطانية تصنيع أنزيم السيكلواكسيجيناز cox2 من جديد ... خلال ساعات

بينما لا تستطيع الصفيحات الموجودة حالياً تصنيع cox1 ... (لأنو الأسبرين ثبطه .. "تثبيط غير عكوس")..
ويحتاج الأمر لعدة أيام لحين دخول صفيحات جديدة إلى الدوران... تقريبا 7 أيام

يعني هو بيثبط كلاهما .. بس البروستاسايكلين تصطنع من جديد خلال ساعات وكأنها ما تأثرت .. أما الصفيحات تحتاج لعدة أيام..
ففينا نقول بالنتيجة أنو تم تثبيط الترومبوكسان ... وغلب التأثير المميع ..

وسبب استخدام الأسبرين بجرعات صغيرة هو أنه أكثر انتقائية على cox1من الcox2
وبالتالي يتثبط تجمع الصفيحات