زيد ,
الاقتراح والله ظريف بسسسس

متل ما ئالت مها التايم بح 
************


مها
انتي لرفع المعنويات شغلة هه 
العين تحرسك 

صحي نسيت اسالكون

السلايدات تبع الدكتورة سوسن ما ئريتون
فبيكفي بس شوف الاشكال تبع الادوية ومستقبلاتا "اللي بيكون ملخص كل شي"
؟؟
او في شي غيرو ؟؟
ازا في شي مهم
ممكن تكتبولنا باي صفحة منون

**************

وكمان ازا حدا منكون عامل ملخص ع ئولة مها
بس لاخر 10 صفحات بمحاضرة الدكتورة شذى الاخيرة تبع الاكتئاب ..

يبعتلي ياهون 

السلام عليكم

هلأ لقيت أهم سلايدات هنن:

6 - 7 - 12 - 15 - (20 الى 23) - 27

قرأت شوي بدورات الدكتورة
والله في أسئلة غريبة عجيبة
وتأثيرات جانبية ناكشتهم ما بعرف من وين
بس هنن مو كتار الأسئلة
بس هيك مشان ما الواحد ياخد بال90

=============

سؤال

أنو واحد بخفض العدلات

الزيدوفودين أم الساكوينافير إذا كانو ضمن نفس السؤال

المفروض يكون الزيدوفودين
حتى البورد بتذكر مركزين على هي الفكرة

رايسا ... أنا قريتها ومو مهم منها (بنظري) إلاصفحة 15 المشاركات الدوائية و صفحة 23 (جدول التأثيرات الجانبية) وصفحة 27 (النوعية للدارة الخلوية)

وانشالله دايما معنوياتك بتكون باللوج :) ...

زيد ..

بعتقد الزايدوفودين متل ما قلت

أنا تفسيري غريب شوي بس هو لأنو الساكوينوفير أضعف شي بمثبطات البروتياز وبعتقد تأثيراته الجانبية كمان مو قوية ... أصلاً مو بس هالاتنين بيخفضو العدلات ولهيك بظن انو شو ما كان السؤال رح جاوب الزايدوفودين هو المسبب

زيـد , مـهـا
يـسـلمـوو

   

زكاتكن مشان الاسعاف

1// الدورات مهمة ؟

2// الدكتور عماد , شو هيي ارقام المحاضرات اللي غير فيها باملعلومات عن السنة الماضية ؟

3//المحاضرة الاخيرة للدكتور شعبان , نفسا تبع السنة الماضية ؟؟ او فيها زيادات؟؟

*******
جاوبوني بسرعة لانو بكرة سرئة تيل بتئطع الخط   

السلام عليكم


بقولو أنو المادة ما فيها دورات

بس ما بيمنع الواحد يقرأهم

                                   
المحاضرات يلي فيها تغيير هنن 6 و 7 و 12
                                                                   
                                                                 
موفقين

إلى جميع الطلاب وخاصة السنة الرابعة:

يا جماعة ما تغير وضع أساتذتنا غير لما تطور عصر الانترنت وصاروا يدخلوا يطلعوا شو عم نحكي على شو معتمدين ليعملوا العكس

هون على المنتدى شايفة طلاب الرابعة عم يحكوا بدورات الصناعية من أول الفصل فكيف الدكتور ما بدو يعمل احتياطاتو؟

حتى لو حاولتوا تغيروا تسمية الدورات لأسماء مشابهة فالنتيجة واحدة الدكتور اذكى من أنو ما يفهم علينا


أكيد كلنا ضد الدورات .......بس مو تكون منهاج منفصل بحد ذاتو من كتر مالها مشهورة وبعدين الواحد ينصدم أنو ما يجي منها



حتى عالفيسبوك مو معقول الكل بينزل مسبات بالكلام الكبير على الدكاترة وصفحات ضد الدكاترة وكمان بيحكوا "بقلم نشرح" علماً أنو ضايفين أصدقاء من الدكاترة أو معارفهم .......هيك عم يضيعوا على حالهم وعلى يللي بعدهم من حقد الدكاترة....لكن معقول نجي على فحص دارسين كل شي ويجي كوم أسئلة عجيبة ما منعرف شو فائدتها ولا من وين جوابها


أنا الحمد لله ولا مرة اعتمدت على الدورات بدون ما ادرس المنهاج (إلا بالمادة الجاية ) بس هاد الواقع ولازم نعايشو........وبلا دورات ببعض المواد الواحد لا بينجح وإن نجح فبجيب أقل علامة ولو كان دارس كل المحاضرات عن ظهر قلب


المهم زيدة الحديث:
لا تاخدوا راحتكم كتير بالحكي عالنت........النت إلو أدان 

السلام عليكم


أما شو نداء... والله هبطيلي قلبي افتكرت في شي

والله من جهتي متمناية لو زيد العيار بالحكي كمان وكمان على قد مو معباية منهم  ... لو

بفتح لكل واحد موضوع ما بخلص يمكن 

بس معك حق مشان ما ننزع عيلي بعدنا... بس والله كمان بتقولي لحالك إنو حلنا بقى نوقف

هالمهزلة يلي عم تصير... وصار وقت ما يتخرج من جامعة دمشق غير الفهمان ويلي

بيستحق... يعني ليش ما ترجع الكلية تخرج ناس بتستاهل تحمل شهادة الصيدلة من حق

وحقيق... والله بشيب شعري لما شوف واحد هالقد قدو وقاعد عم يحفظ دورة لا ويا ريت

بيحفظ الأجوبة بيقعد بيحفظ A,B,C يعني لهون وصلنا....

يعني برأيي إنو إذا تغيرت الأسئلة وكانت من المنهاج فشو المشكلة... هي د. عيسى غير

الأسئلة وكانت من المنهاج.. والله ما بتاخد مع الدارس أكثر من ثلث ساعة وبالكثير نص ساعة..

بس خلص تكرم عينك... وعراسي الدكاترة كلهم ما عاد نحكي بالقصة....

اقتباس

وصار وقت ما يتخرج من جامعة دمشق غير الفهمان ويلي بيستحق... يعني ليش ما ترجع الكلية تخرج ناس بتستاهل تحمل شهادة الصيدلة من حق وحقيق

حكيك مزبوط وبتعرفي أني معو 100%......بالعكس كلنا منتمنى تجي الأسئلة من المنهاج ويلتغى هم الدورات


بس يا سلام د.عيسى درسنا وقتها منهاجو ودوراتو (يللي مالها علاقة بمواضيع النظري) وما أجا غير دورات .......هالدكتور حتى بمقابلة الملازمة بيسأل دورااات وكمان من شغلات بحاتو ما درّسها ولا أخدناها.....بس منشتريهم ومندرسهم لناخد علامة ....أحسن ما تروح دراستنا على الأرض


مثلاً د.جوليانا بتجيب بالعادة دورات لكن اليوم خطرلها تجيب شغلات ما عطتنا ياها وبصمية وما بتدخل حتى بتصنيف ثقافة عامة.......لك يا ريتها جابت هالعشرين سؤال وصل من المنهاج والله ما منزعل.....بس مو شلّف تربح

أنا بقول معلش يجي سؤالين أو تلاتة يكونوا من نفس المواضيع بس بتميز يللي بيعمل اطلاع او بدو يشغل مخو....بس مو عشرين سؤال فما فوق!!!!



=====

بالمناسبة أنا ما دريت بالدورات لوقت الصيدلانيات يمكن بالسنة التانية......ومع هيك ما شلتها من ارضها لأني صرت قول مو معقول يجيبوا أسئلة مكررة ويروحوا دراستنا عالفاضي......لحد ما حملت التحليلية وقلي العاسمي أنو د.جهاد كان كلو دورات وورجاني ياها


وبعدها كمان وقعت مرتين وأخدت علامة أقل من يللي ما درس ولا كلمة من المنهاج....بعدها آمنت بأهميتها