هااااااااااااااااام وجديد - منتدى جامعة دمشق

.هااااااااااااااااام وجديد

scorpion05

جامعـي نشـيط

مسجل منذ: 19-11-2009
عدد المشاركات: 107
تقييمات العضو: 39
المتابعون: 8

غير موجود
اشــترك بالتحديثات
رسالة مستعجلة

هااااااااااااااااام وجديد

10-02-2011 08:44 AM

بما أني طالب مخابر وعندي خبرة جيدة والحمد لله
وبما أن المخابروالتحاليل الطبية صارت حاجة يومية لكل الفروع الطبية
حبيت أن أضع كل مرة عنوان بتحليل طبي معين وأهم الفوائد الطبية حوله
وخااااااااصة السريرية ....لكن ياعمي شو الأطباء أحسن مننا!

اليوم لح أحكي عن تحليل الكل بيعرفوا ألا وهو تحليل السكر:
واسمه متا مابتعرفوا Glucose
القيم الطبيعية : 65 - 115 مغ / دسل (وطبعاً بتختلف من مرجع آخر بس زودها وفرقها 5 مغ/ دسل)
تصنيفه : تحليل اسعافي أو روتيني أو دوري (3 بواحد)
أهميته : ++++++++++ (مهم للصبح)
شروطه : أن يكون على الريق (صيام شي 10 ساعات أقل شي)
ملاحظة : هناك تحليل سكر (مو على الريق) واسمو : تحليل سكر عشوائي Random
وهون بيتغير المجال الطبيعي للتحليل ليصير (65-175 مغ / دسل)
يعني بصراحة إزا بنروح أنا وياك وبناكل كل واحد نص كيلو هريسة وبعدين بنطلع نحلل سكر ...المفروض مايطلع السكر فوق الـ (175 مغ/دسل) وإلا أنت معك سكري!.

التشخيص :
أولاً :وقت يكون السكر تحت الـ 65 بيكون المريض معو نقص سكر وممكنإزا نزل السكر أكتر من هيك يفوت المريض بغيبوبة وبيصير يرجف ويرتعش وبيصير معو بيلة خلونية (يعني كيتونية) وبيرتفع حمض الخل والكيتونات ومستقلباتها بالدم مما يؤدي إلى تسمم العصبونات الدماغية التي تعتمد على السكر بشكل رئيسي كمصدر للطاقةومتل مابتعرفوا : في الدماغ وقت يخلص السكر ببلش تستعمل الكيتونات!!! (بقا عرفتو ليش ممكن يفوت بغيبوبة!)
حزيرة : ليش ياحزركم بيطلب الطبيب فحص سكر عند المرأة الحامل وبقلها أنو ضروووري تساويه؟؟؟!!!!!!

ثانياً :
وقت يكون مرتفع السكر وخاصة على الريق هادا دليل على أنو الزلمة معو مرض السكر ..هنا منحولو على طبيب الغدد الصم حتى يحددلو نوع السكر (نمط أول أو ثاني)
وهونيك بيسألو السؤال التالي : حدا من أهلك عندو السكر !!!

أعراض ارتفاع السكر :
جفاف فم , تبوال بكثرة , مع تطور المرض يصبح هناك اعتلالات عصبية (مشان هيك بيعطوه حب فيتامين) وارتفاع ضغط الدم واعتلال بشبكية العين والكلية (يعني قصور ومشان هيك بيفحصولو بشكل دوري كرياتينين) وما ننسى أهم أهم اختلاط ممكن يصاحب مريض السكري ألا وهو ارتفاع الضغط....ومن ثم أمراض القلب وأنتو عرفانين الباقي.

معلومة :
هناك اختبار اسمه : اختبار تحمل السكر وفيه بنجيب المريض وبنفحصلو سكرو على الريق وبعدين بنعطيه مقدار من الغلوكوز بشكل محلول عن طريق الفم ومن ثم بفحصلو السكر وبعد ساعتين بنفحصو....الخ
بالمحصلة : بنرسم منحني بين قيمة سكر الدم والزمن وجرعات السكر وبناءً عليه بنقدر كفاءة إفراز الأنسولين من خلايا بيتا من جزر لانغرهانس في البنكرياس.
وطبعاً هادا المخطط ألو مناقشة خاصة وألو أشكل ,وكل واحد من هالأشكال بيعني شي !
وطبعاً مناقشتوا عند الطبيب مو عندي لأنو اختصاص.
لسا في شغلات عن تحليل السكر بس مابيكفي الوقت حتى احكيها وبكفي هيك حالياً
ملاحظة : كيفية اجراء تحليل السكر بالعملي والكواشف المستخدمة فيه وبغيرو على طول مالح قولها لأنها ماألها علاقة سريرياً.
أنا لح ركز على الجانب السريري أكثر وتفسير النتائح.
أنشالله تنال أعجابكم.
أدعولي واستنوني بحلقة جديدة مع تحليل جديد.
بالمناسبة : بحب قلو لأبو المجد أنو الله يسامحوا بحق سندويشة الشاورما !!

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.