السلام عليكم.......

أني فقرة؟؟؟؟؟ ليش أغلب الأسئلة كانت عن حمض الليمون و الطرطر و مدري شو كمان....

فأني فقرة عم تحكي عنها بتحوي هالأفكار؟؟؟؟؟؟؟؟!!!!!!!........

و الفقرة يلي يمكن يمكن عم تحكي عنها ما إجى غير 3-4 أسئلة منها.... و لا تقليلي متل

الدورات ........أنا آخر همي إني حط دورة و اقرا فيها أو حلها....

كانت أسئلتو كلها مو من محاضراتو ما عدا شي 3 اسئلة و متل ما قالت سلام عن نسب حمض الليمون المائي و اللامائي بالمضغوطات الفوارة و نسب حمض الليمون و حمض الطرطر ......
و حتى نفس القصة عملها مع السنة التانية . جبلن أسئلىة لا تحل ...

أصلا هو مصيت بهالقصة ...
بس الحمد لله أنو أسئلتو كانت قليلة . لأنها بدل ما تساعدنا ضربتنا خصوصا أنو كمالة الأسئلة كلن لمحمد أمين ..

السلام عليكم


هلأ ما بعرف على هوا خطتكون الجديدة شو هي المواد بس أكيد عندكون أدوية 2 وكيمياء

صيدلية 1 وتكنو 2 وعقاقير 2

الأدوية 2

مثل الأدوية 1 بس المواضيع أدسم شوي د. سوسن بتحكي عن الضغط والذبحة الصدرية

وارتفاع الشحوم بالدم وأمراض القلب المختلفة....

محاضراتها طويلة كتير وبدها تركيز كتير ومثل العادة بيجي كم سؤال (مو كثير) من البورد ومن

الأسئلة يلي بتطرحها خلال المحاضرات...

ملاحظة: أسئلة الفحص تبعنا كانت كتير صعبة وكتير إجى حالات سريرية يعني مريض معو كذا

وكذا وبياخد كذا وكذا شو بيسوا كمان نعطيه لما يصير معو كذا

يعني ركزوها منيح للمادة....

د. شذا الأسلوب صار معروف بالإعطاء ومحاضراتها عن الشقيقة  وتخلخل العظام والربو

والسعال ومضادات الالتهاب اللاستيروئيدية والبروستانوئيدات والايكوزانوئيدات...

أسئلة الفحص تبعها كانت سهلة....

د. رشاد مراد دكتور من طب الأسنان وحاصل كمان على شهادة الصيدلة.. بيعطي عن الدرق

والهرمونات الستيروئيدية وعن السكري...

يعني مثل محاضرات الحيوية... الحضور عنده مهم بس لتعرفوا شو هي الشغلات يلي بحب

يجيبها بالفحص....

الأسئلة كانت متوسطة الصعوبة

العملي تبعها

أول شي بتكرهوا لأنو شي جديد علينا تماما بس بعدين كثير بتحبو خصوصي إذا كان المشرف

يلي عم يعطيكون ظريف وفهمان.....

العلامات كانت بالمجمل كلها عالية وضروري تراجعوا الأدوية 1 مشان الجلسات تفهموا شو عم

يصير ومشان المذاكرة والفحص لأنو بيجي منهون....

ملاحظة: لما تشتغلوا على عضلة أمعاء الأرنب وما بدكون ياها تموت خلوا محلول تايرود تبعكون

ضمن الحوض مشان يدفا مع الماء لأنو وقت عم نحطوا بارد عم طول كتير لحتى ترجع تعطي

نظم طبيعي... فإذا عملتو هيك بعد 30 ثا بترجع تشتغل.....

الكيمياء الصيدلية 1

د. فيصل الجندي

بنصحكم تحضروا حتى ولو مجبورين لأنو بتصيروا تفهموا علي على آخر كم محاضرة شو بيحب

يجيب محاضراتو عن عناصر الجدول الدوري واستخداماتها الدوائية والحيوية..... منهاجو كبير بس

أنا حسيتو مفيد....  وبالفحص يلي كان مركز عالمادة منيح ما تعذب فيها وعموما هي رح تكون

أول مادة لضخامتها...

د. سامر حيدر بيحكي عن الفيتامينات وعدة مواضيع متفرقة أسلوبو كمان معروف بالإعطاء

وبالفحص....

العملي

على قد ما بتشتغل بتاخد علامتك قلال يلي انظلموا فيه... وبيجيبولكون عناصر الجدول الدوري

وبدكون تكشفو بكل جلسة عن كم واحد... يعني عموما سهل.....

ملاحظة: هالمخبر كتير بتتوسخ الثياب في وبتنحرق بالحمض فلما بيكون عندكون لبسوا شي

قديم ما بتزعلوا علي إذا صرلوا شي....

تكنو 2

عموما أسهل من تكنو1

في د. هند بتعطي محاضرات عن الجلد والواقيات الشمسية وهالقصص وأسئلتها سهلة

د. محمد أمين معروف الأسلوب والأسئلة

العملي إنتو غيرنا....

عقاقير 2
د. سمير النوري عالأغلب بتعرفوا صرتو

د. عصام آغا بس بدي قلكون إنو أسئلتو صعبة كتير وبدها بصم كتير...

العملي مثل العقاقير 1 مافي إضافات....

إن شاء الله ما كون طولت عليكون وكون فدتكون بشي......

السلام عليكم

بس ياريت حدا من طلاب السنة الرابعة حاليا

يجكيلنا عن المواد  كونا نحنا وياهم خطة جديدة 

عفافير  د.شماع , د.خطيب

تحليلية  د. زهوري
 
جراثيم وفيروسات  د.عبيد ود . قوتلي ود.منعم


حيوية  د.فاهوم ,د. فبيلي

تكنو    د. مجمد ,  د. حمادي

دمويات د. قوتلي ود.صالح

و شكرا  ,,,,,,,,,,,,,,,,,,,,,,,,,,,,,,,,,,,,,,,,,,,,,,



   

السلام عليكم

معلش اطفل عالموضوع بما إنو أخدنا الدمويات بعد طلاب الرابعة...

الدمويات والمناعيات بيعطيها د.خليل القوتلي (الدمويات وجزء من المناعة) ود. جمانة (تتمة المناعة) الدكتور بيعطي بالنسبة للدمويات من الكتاب ومن السلايدات وحكي خارجي.... بس الأسئلة كلها من الكتاب ما في سؤال براتو وكانت متوسطة المستوى.... لا ضيعوا حالكم بدراسة المحاضرات... درسوا الكتاب وبس بشكل منيح.... المناعة للدكتور عبارة عن 3 محاضرات نصيحة تحضروهم تلاتهم عند الدكتور لأنو عنجد ما ممكن تفهموا عند الدكتورة شي إذا ما حضرتوا عندو (يعني هدول ال 3 محاضرات حاولوا جهدكم تحضروهم عالقليلة)... الدكتورة بتنزل نوطة شي 85 صفحة طبعا ما بتندرس أبدا لذلك إما بتحضروا وبتسطروا على يلي بتجيب سيرتو بالمحاضرة وبس لأنو ما بيجي براتو غير شي بسيط...
أغلب أسئلة الفحص عند الدكتورين من *****


العملي بالبداية بتحسو صعب بس جلستين تلاتة بيمشي الحال.. وأصلا مو ضروري لأنو العلامات محطوطة سلفا كلها من 17 لل20.. المحظوظ يلي كانت علامته أعلى وهدول كانوا شي 20% من الدفعة بس... فلا تهتمولها من هلأ....
هلأ بفحص النظري تبع العملي هو مقابلة في فئات على أساس في دروس محذوفة بس وقت رحنا عالمقابلة منتفاجئ إنو عم ننسأل منها وعود درسهم قبل ما يجي دورك... من هلأ عم قلكم درس الكريات الحمر وأشكالها حفظوا مثل اسمكم مع إنو محذوف عند بعض الفئات...

***********************

العقاقير عند الدكتور شماع ولا أهون من هيك... الدكتور مساير لأبعد الحدود بشرط يكون المدرج معبى وكلما تعبى أكثر كانت الأسئلة سهلة أكثر (عنجد عم احكي) د. خطيب ما مر على حدا أبدا هي أول سنة بيعطي...
المادة سهلة مثل النبات والعملي مساحيق وعناصر تشخيصية...

**********************

" معلش اطفل عالموضوع  "

                                          ولو الله يسامحك 

  شكرا سلام  عالمعلومات

بس الله يحنن علينا حدا من طلاب الرابعة ويكمل المعروف

شكرا سلام ع التوضيح 

السلام عليكم

يسلم إيديكي سلام 

حلو هيك الواحد يتنور قبل ما يبلش