اقتباس

واحد متلك بيصيع بالشوارع

ولا أحمد
أنا ألتلك لنصيع بالمطاعم أو نروح عالربوة
بس أنت يلي ألتلي تعال نروح نصيع بالشوارع
لسا ما صرلها الشغلة كم ساعة
الظاهر خرفت والدليل هديك الكلمة يلي حكيتها قبل شوي
ما عيب عليك تحكي على رفيقك هيك شباك استحي شوي

اقتباس

بعدين من كل عقلك عم تقول أنو خايف تحمل العملي

هي راحوا أول 5 علمات و الدكتورة متجاكرة منا كتير فأكيد الشفهي ما منيح
يعني رحت فيها

اقتباس

اسم الجهاز أو الأداة المستعملة.

طيب شو اسم الجهاز تبع درجة الإنصهار والكثافة؟؟؟

وتبع التحال .. صحي هل التحال طريقة لمعرفة مادة صلبة مجهولة؟؟؟ يعني قصدي إذا المادة كانت منحلة بالسائل ؟!!!!!

يعني مافي غير دوبوسك والأوسيلوسكوب (يمكن هيك اسمو) وتبع السكروز (ما بعرف شو اسمو) وتبع الـ ABBE (كمان ما بعرف شو اسمو) اللي اشتغلنا عليهم مو؟؟؟

اقتباس

القيمة التي يقيسها الجهاز ...والثابتة التي نحصل عليها وفيم تفيد هذه الثابتة..

شو يعني      

اقتباس

بشرى سارة ...
وعملي: ناقش الوصفة التالية...بنحضرها وبنكتب طريقة العمل وكل شي بنعرفه عنا...وممنوع إدخال الدفاتر...

وين السرور بالموضوع؟؟؟

يعني بدنا نعيد دراستنا من أول وجديد ..  

.......................

روق جاد مافي شي مستاهل

وهي وردة مني إلك

شو صرلكن شباب

ما لحقت أكتب الرد لقيتكم ناشرين غسيلكم النظيف بين الخلايق

خلو الخناقة لبكرة مشان شارك معكم ... إلي زمان ما تخانقت مع شي حدا
                                                                                 
                                                                                         
                                                                 

السلام عليكم

بالنسبة للسؤال الأول اللي إجانا (عنا جسم صلب وبدنا نعرف هويته ........ الخ)

فهاد في كتير تجارب لإلو...

1- الكثافة (أهم شي)
2- الانصهار
3- الاستقطاب ((بشرط أن تكون المادة فعالة ضوئياً))
4- p.s.p !!! (لأنو عم نستخدم الفنول فتالئين ... هو صحيح عطونا يا سائل بالتجربة ... بس هو كان صلب)
5- الطيف الضوئي (نفس الشي بالنسبة للفنول فتالئين)
6- التحال (لأنو حيكون سائل التحال في أكيد مواد صلبة : حماضات - كلوريت - نتريت - .....)

سمعتن عم يقولو أنو الانكسار كمان بس بشروط خاصة كتير لأنو يفترض المواد الصلبة بتخرش الموشور ... وبالتجربة ما استعملنا غير سوائل (كحول - ماء)

موفقين جميعاً إن شاء الله...

مرحبا

صحيح كانت المزاكرة كارثة     بس جاد ما بدا كل هالدرجة لا تخاف أنا بضمنلك تاخد

فوق العشرين     بالعملي وغير هيك بتاخد الباقي مني

و اذا  أنت جبت فوق 24 فالزيادة لالي شو رأيك    

أحمد نصيحة لا ترافق هالشب لأنو يعني شو مشان يالله ما بدي أكسب نميمة

اقتباس

خلو الخناقة لبكرة مشان شارك معكم ... إلي زمان ما تخانقت مع شي حدا

إذا بدك أنا بكرا عندي فحص الفيزيائية الصبح
بشوفك بعد الفحص مشان أشبعلك رغبتك
لأنو أنكيد حأطلع مبسوط




دعولنا

السلام عليكم .........


كيف الصيادلة ...


قال بفئات اليوم جابتلن الدكتورة ميسم  ماهو شكل المنحني للتجربة التالية
وجابتلن المبدأ  ومسألة


===============

ليش كل هالتعصيب .........
مافي شي مستاهل ....

يلي عم تطلع معو أخطاء يتفضل يحكي ....



والله مو خايفة غير ارسب من ورا لا مبالاتي وطناشي

حسام
رووووووووووووق
لا تعصب
بس بدك الصراحة
معك حق بكل كلمة قلتها

نحنا مجتمعنا مو شاطر غير برصد الأخطاء
بتكون المحاضرة 35 صفحة
بيتذكرو الخطأ يلي موجود بصفحة وحدة وبينسو الـ 34 صفحة البقايا

بس خليك كووووووووووووول

السلام عليكم

مجرد رأي: بالمحاضرات أو بغيرها (الأشياء اللي بتنطلب منا نعملها مثلاً)... هي جهود فردية وبإمكان أي حدا متابع يعملها  ... فاللي ما بيعجبو بيقدر هو يعملها بنفسو ... لأنو اللي عم يعملها ما عم يجبر حدا أنو يجيبها ... وهو يفترض بيكون حاسس بالمسؤولية تبعو وعامل كل جهدو مشان اللي حيجيبها... (رحم الله امرئٍ جب المغيبة عن نفسه)...

يعني اللي عم يشتغل لازم يحسب حساب المسؤولية اللي هو فيها ... واللي عم يعتمد عشغل غيرو لازم يقدّرلو هالشي... 

ــــــــــــــــــــــــــــــــــــــــــــــــــــــــــ

اليوم بمحاضرة الإنكليزي حذفتلنا الدكتورة صفحتين (23 - 24)

الدكتورة حبابة ... لو بالشعبة التانية قلتولا بالمحاضرة الجاية تحذف كمان يمكن بتقبل...

مع أنو معا حق بأنو لازم نحفظن كلن  لأنو أكيد هالمصطلحات مفيدة وبتهمنا ... بس من وين بدنا نجيب وقت لحفظها ... ما بعرف !!!

موفقين جميعاً بالامتحانات...

بعد عطلة الأحد تغيـــر الوضع ... إن شاء الله يكون للأحسن...

بس إذا طلع معن أنو بالفيزيائية حنقدم بنفس اليوم ... وبيقسمو الفئة بالنص ... لكل قسم ساعة ونص ... كيف بدنا نلحق شغل ؟!!