فارما87 .... يسلمو كتيييير .. ويا ريت كل تدخل يكون مفيد متل تدخلك :)

وخصوصاً الميترونيدازول جنني .. كيف ما خطر عبالي ما بعرف ... !



مشان مذاكرة المشافي ... لك آآآآخ لا تفتحولي جروحاتي .. وبلا مراجع كمااان؟!

كيف يعني بدنا نجاوب بالفطرة ولا بالثقافة العاااامة الغنية المتراكمة عنا!

ما بعرف هالعملي بدو شغل كتير وآل بالآخر ما في علامات عالية .. يعني مبارك النا حظنا السيء بعملي المشافي لهالفصل .. :'(


بس شو مشان انو التغذية عم تقولو يلي بينجح كأنو شايف ليلة القدر .. طيب نحنا  نجاحنا 60 ومافيها عملي وعالقرار الجديد بدو ينشلف الواحد للصيف ...

لك شو مشاااااااااااااااااان أسوأ حظ على الإطلااااق ...

والله إذا ما كان في تقدير لهدول النقاط منكون انظلمنا كتير هالسنة ...

وكيف بيمشي هالقرار الجديد على سنة التخرج مع انو مابيستفادو منو أبدا ما بعرف ..


الله يجيرنا



يمكن الرد متأخر .. بس كأني سمعت انو اليوم الأربعا في محاضرة مراقبة الساعة 8 والحضور إجباري ... شو القصة!!!؟؟؟

ممكن حدا يشرحلنا عن فحص المعيدية اكتر انا بسمع فيه من السنة الاولى ولهلأما بعرف شو هو
اللي بعرفو بس انو هو للأوائل    بليييييييييييز حدا يجاوبني بلكي بصير عنا شوية امل

يلي بعرفو أنو فحص المعيدية ممكن لأي شخص
                                                                             
بس طبعاً في مفاضلة
                                                                             
لكن ما بيعملو مسابقة كل سنة

أنا سمعت أنو يلي مساوي ماجستير

بيضيفولو 3علامات ع المعدل ....

أنتو سمعتوا هيك شي ؟؟؟؟

شلون
                                                 
3 علامات
                                         
أم 3%

اللي مخلص رسالة الماجستير بيضيفوله 3 علا مات على معدله. هي متأكد منها.

واللي دارس بجامعة دمشق بيطلعله علامة على كل سنة دارسها بجامعة دمشق  في حال كان في منافسة مع متقدمين من محافظات تانية على مفاضلة جامعة دمشق.
يعني أنا بيطلعلي 4 علامات بس، مو خمسة متل الباقي لأنو اول سنة قضيتها بحلب. بس هي مو أكيدة.
لأنو لما بتطلع معيدية بتطلع خاصة بجامعة دون أخرى، يعني دمشق طالبة 5 معيدين مثلاً  والبعث 6 وتشرين مو طالبة. هيك يعني.

السلام عليكم....... اخواني في حذف لبعض اقسام المراقبة ؟؟؟ واذا في ممكن حدن يحددها ؟؟؟ ولو سمحتو في النسة الي راحت نزلت سلايدات لاول ثلاث ابحاث هل مطالبين فيهون ولا مطالبين بما ورد بالكتاب فقط ؟؟؟

السلام عليكم

عندي سؤالين

بمحاضرة الأمراض القلبية بالحيوية
                                                   
مرة مكتوب أنو السعال بكون مع قشع مدمى....ومرة بدون قشع
                                               
وقايلين أنو من الأعراض البوال الليلي....وأنو هالعرض بقصور القلب الاحتقاني
                                                                                   
أنا بعرف بقصور القلب بصير احتباس سوائل....من وين بدو يجي البوال

البوال الليلي: ينجم عن عودة امتصاص الوذمة أثناء الليل وهو شائع عند مرضى الCHF


أما السعال بكون مدمى يعني مع رغوة حمراء بس ما بظن هاد الو علاقة بالقشع .. فما عندي فكرة شو وضع القشع هون


***********************************

ISSAMO

أول تلات محاضرات آل الدكتور دراستهن من السلايدات .. أما السلايدات يلي نزلت بعدين بالمستودع فهي إضافة عالفصل التاسع ومهمين ... أما الحذف فصعب يتم سرده .. حاول تحصل عليه من حدا من الزملاء ...

شوووو وينكن؟؟؟!!!

ممكن حدا يحطلنا شو هنن الأخطاء لمحاضرة الحيوية السريرية السادسة ... لأنو رح تجنني ومافي غير عم اتنقل من خارج الخلوي لداخل الخلوي لاستنزاف الصوديوم لفقد الماء لنقصان حجم البلازما ولنقصان التوتر ... فتت ببعضي شو هاد!


حبيت تشاركوني بدراستي للمحاضرة:اتفضلوا 


تصحيح :  ..... صفحة 7: اسمولالية السائل خارج الخلوي ECF تبقى في مجال 282-295 ميلي مولكغ من الماء


توضيح هااام: الفرق ما بين تغيرات حجم الECF والاسمولالية في الأمثلة التالية:

1. عند تسريب محلول saline معادل التوتر = إضافة محلول معادل للتوتر isotonic

يحدث زيادة لحجم الECF ولكن لاااااا تتغير الاسمولالية لECF أو للICF  => لا يحدث انتقال للماء

يتناقص تركيز البروتينات والهيماتوكريت بسبب زيادة حجم الECF

يرتفع الضغط الشرياني لنفس السبب


2. أما بحالة الإسهال = خسارة لمحلول معادل للتوتر

يتناقص حجم الECF ولكن لااااا تتغير الاسمولالية ولا يحدث انتقال للماء ...

يزداد تركيز البروتينات والهيماتوكريت ... وينخفض الضغط الشرياني

وفي الحالتين السابقتين لاااا يحدث انتباج أو انكماش للكريات الحمر

3. حالة زيادة مدخول Nacl (محلول مرتفع الضغط التناضحي)

يحدث زيادة للاسمولالية للECF بسبب إضافة الذوائب للECF ويحدث انتقال للماء من الICF للECF هكذااااا حتى ترتفع اسمولالية الICF وتصبح مساوية لاسمولالية الECF

أي يرتفع حجم الECF وينخفض حجم الICF ...

4. حالة زيادة التعرق بدرجات الحرارة المرتفعة= خسارة الماء (أكثر من خسارة الملح)

ينخفض حجم الECF وتزداد اسمولالية الECF فينتقل الماء من الICF

تزداد البروتينات بسبب نقصان حجم الICF  .... أما الهيماتوكريت يمكن أن تزداد ولكن على الأغلب تبقى بدون تغيير لأنو الماء أيضاً ينتقل من الكريات الحمر مؤدياً إلى تناقص حجمها




بس بدي قول ملاحظةهامة يمكن أغلبكن بتعرفوها هي:

البلازما هي جزء من الECF  السائل خارج الخلوي .... أي الجزء المتواجد في الأوعية من الECF


وانشالله تكون هالمعلومات ساعدتكن .... لو شوي

بالتوفيييييييق