يا جماعة حدا يفهمني قصة مذاكرة المشافي

يعني مالي عرفانة شو أدرس

يعني لازم أقرأ محاضرات النظري؟

و المسائل اللي حاطتهم المشرفة بالإيميل مشان نحضرهم كلهم عن الكبد ما عدا وحدة

طيب مبارح خلصتوا كل الكبد؟

والله مالنا عرفانين شي......مبارح سألنا الدكتورة إذا داخل الكبد ...قالت أي شقفة منو........بس أي شقفة ما بين معنا

والباقي مالي عرفانة شو ندرس بالضبط

مبارح ما خلص الكبد يمكن بقي الاعتلال الدماغي الكبدي


والمسائل لسا ما شفتهم لأنه الإيميل هلكني اليوم وما فتح......بركي بكرة بشوفهم

والله يا نور الهداية ....

إذا بتلحقي محاضرات النظري بوشك لعندن ...

لأنو هالمادة النظري نظري والعملي نظري و الله وكيلك إذا بجيبو مرضى .. بقولولن مافي داعي تحكو نحنا مننقل حالتكن للطلاب نظري ... :(

بس ما في داعي للتشاؤم ها ..


ما بعرف إذا خلصو الكبد الخميس .. بس ليش قلتي ما عدا وحدة؟؟؟!!!!

ماشفت بالايميل هيك ملاحظة


لك أصلاً متل بعضها لما اشتغلنا لشبعنا وضلينا 3ساعات منقوعين بالمذاكرة الماضية عم ندور عالأجوبة ونفكر ونتناقش عطتنا 50 من 100 ... يعني ماعد في أسوأ من هيك

آل في شكوى لأنو بالفئات التانية للدكتورة لمى حاطين المشرفين علامات بالتسعينات وعندنا العلامات متل الزفت ..

ماعد عنا شي نخسره ... صرت بدي اخلص وبس

الله يفرجها علينا جميعاً

شكراً إلكم

الله يوفقنا أحسن شي

مها

أنا قصدي ما عدا وحدة يعني ما عدا حالة سريرية من الحالات الأربعة اللي باعتتهم المشرفة هي للسكري و الباقي للكبد


موفقين

السلام عليكم:
حبيت بس الفت نظركم لشغلة:
يمكن أكتر طلاب الدفعة عندكم مقررين يخلو مواد للفصل التالت، بس ديروا بالكم بالنسبة للتقدم للماجستير، يعني بيعتبروكم متخرجين نظاميين ولا تكميلي؟؟؟؟؟!!!!!!
انا برأيي تنزلوا تسألو بوزارة التعليم العالي. لأنو بالجامعة كل مين عم يقول شكل.
هادا مستقبل وما فيه لعبة ممكن يروح الماجستير عليكم.
وفي حال كان القرار مو واضح لاحدا يترك مواد.
نحنا طلع قرار فحص الدراسات قبل 20 يوم وما كان حدا عرفان شي وكل يوم يقولوا لنا شكل ومرة قالولنا انو ملغي. فيمكن تطلع قرارات الفصل التاني تلغي فرصة الفصل التالت عن الدراسات.
بس حبيت نبهكم بما انو الامتحان قرب.
موفقين جميعا إن شاء الله.

ليش فكرك لو رحنا لهنيك رح يستقبلونا بكل قلب رحب
                                             
أنا مجربهم من قبل
                                                         
وعشغلة اسخف من هي
                                                                       
وما فادوني بشي

بس عموماً الغريق بيتعلق بقشة
                                                         
بركي بنعمل لمة شباب وبنروح بنجرب حظنا

اقتباس

فيمكن تطلع قرارات الفصل التاني تلغي فرصة الفصل التالت عن الدراسات.

على هالحالة حتى لو تأكدنا هلأ فممكن يطلع  قرار بالفصل التاني يغلي قرار هلأ

يعني الواحد بحس حالو آعد بدوامة و ما عم يعرف كيف بدو يطلع منها

بلا ما كمل حكي مشان ما دايق حدا

حسبي الله و نعم الوكيل

عــــوجااااا




هو الماجستير في خطر كبير......لان لما يقرروا الفصل التالت رح تطلع معدلات نارية للحملة مقابل معدلات متواضعة لبقية الطلاب يللي كانوا ضحية انتظار تأكيد القرار وبالأخص بالمواد يللي العين محمرة فيها.....


بهالجامعة صار المتل "طالب ومنجّم ما بيصيروا سوا"


بدل ما نفكر بدراستنا ومستقبلنا ...... هالقرارات الحكيمة شاغلة راسنا لأن ما حدا عرفان يعطينا من راسه خبر......



الله يفرجها وييسر الخير للجميع

طيب يعني انتو للوقت الحالي مقررين تقدمة كل المواد مو؟

رح يصير في فرق كبير بالعلامات ... بس معلش بركي الله بيكرمنا ومنخلص منهن على أهون سبب ...

الله يوفقنا جميعاً

السلام عليكم

يا جماعة حدا عندو آخر جلسة بعملي الحيوية؟ (جلسة الـ DNA )

طلبناها من الكشك و طلع مضيعها فياريت اللي عندو ياها و عندو سكانر يبعتلنا ياها

و شكراً سلفاً

موفقين