اقتباس

كلام ديمة صح ...... 
عم نضيف 20 ب 10 ب 10 للكل( باستخلاص الحمض - الفينول - الأمين )
طبعا بس المادة بتختلف ........

ما بعرف ... اليوم رجعت سألت رفقاتي وقالو متأكدين من معلومتهم وقال أنو الدكتورة حكت هيك !!!

بكل الأحوال ساوينا التجربة وركزت على مرة وحدة بس    ... بيهما تعرف المجهول شو هوة ما بيهمها المردود

هلأ بفحص الكيمياء العضوية العملي
لح تجينا تجربتي
تجربة تحضير مو محددة
تجربة إستخلاص هامة جدا جدا جدا


بالنسبة لتجربة إستخلاص:
يوجد أربع مركبات

حمض كربوكسيلي : رح يكون على شكل رغوة بيضاء على ورقة ترشيح
الفينول : رح تتشكل طبقة زيتية فوق المحلول في حبابة الإبالة (مالي متأكد)
الأمين : رح تتشكل طبقة زيتية صفراء فوق المحلول من الخلاصة
الكيتون : رح تتكون طبقة زيتية شفافة تحت المحلول ذو الون الزهري
الألدهيد :  رح يشكل محلول زهري فقط (مالي متأكد)




         

هلأ مافي حدا صور المركبات بالمخبر         
أو يأكدلي الألوان الل كتيتهون

أنا بصراحة  كانت الفكرة ببالي أني رح صور المركبات بالمخبر
بس صارت قصة طويلة عريضة

القصة:
أنو تأخرت 5 دقائق عن العملي يعني أجيت بنص الشرح
ولي ولي ولي ولي
       
لو تشوفوا الدكتورة شو عملت فيني
وخود من بهادل ومابعرف شو
أنا وصلت عالعملي بحدود الساعة 9 و10
والدكتورة على فكرة كانت متأخرة كمان جاي بالساعة 8 و50
    وقالتلي شو جاي عالجلسة بعد ساعة وربع     


من هنا ومن هذا المنبر : أقول للدكاترة حاسبو أنفسكون بعدين حاسبونا           


الدكاترة ظالمين   

ومافي عدل     


               

على كل حال إذا في واحد مصور المركبات ياريت يرفعهون 


وشكرا كتير

اقتباس

الفينول : رح تتشكل طبقة زيتية فوق المحلول في حبابة الإبالة (مالي متأكد)

أنا حسب ما شفت بالمجموعات التانية(نحنا ما طلع عنا فينول) كان الفينول على شكل مسحوق رطب (متل الطين) مائل للزهري بس أكيد مو الدليل هو طبقة زيتية لأنو بالاصل  الفينول رح يترسب وبدنا نرشحو

اقتباس

الكيتون : رح تتكون طبقة زيتية شفافة تحت المحلول ذو الون الزهري
الألدهيد :  رح يشكل محلول زهري فقط (مالي متأكد)

هلأ بالتجربة الجايي اللي بدنا نعملها رح تكون عن الكيتونات والألدهيدات ومن ضمنها كاشف شيف , حسب مو مكتوب أنو الألدهيدات تعطي لونا زهرياً بينما لا تتأثر الكيتونات وهاد الشي اللي حكوه المشرفين.

بس المشكلة انو عنا بالفئة الكل طلع معو لون ما بين البنفسجي  والزهري المتدرج فكانت عم تقول للي طلع معو بنفسجي (متل ما صار معنا) المجهول كيتون
ويلي طلع معن زهري متدرج (الطبقة العلوية أغمق من اللي تحت) المجهول الدهيد

بجميع الأحوال نحنا بالشغل كان في مشكلتين: الكاشف كان سيء ومتلون يمكن باللون البنفسجي  مع انو لازم يكون بلا لون

والمشكلة التانية كانت بالتجفيف (جهاز واحد و7 اشخاص بدن يجففوا وكل واحد بدو ربع ساعة وما معنا غير نص ساعة لتنتهي الجلسة)

لذلك ازا في حدا عندو الخبر اليقين ريجاءً ريجاءً ينورنا (بدنا اللي صار بالمخبر مو المعلومات النظرية لأنو متل قلتها بمخابرنا العتيدة  )

وأسف لأني طولت بالحكي

السلام عليكم

صباح الخير.....أهلين عبد الناصر...

والله ياشريك نحنا عانينا نفس المشكلة الكاشف منزوع.....جهاز تسخين واحد ....نحنا خلصنا بكير بس انتظرنا لنشوف التحفة كيف جتطلع...!!!

بالنسبة للكيتون والألدهيد...

قالتلنا الدكتورة إنو حطو الكاشف....وبعدين جربو...

إذا تغير لون الكاشف...(كان بنفسجي صار أحمر على بني...هيك شي يعني!!!) يعني أنو المجهول هو الألدهيد لأنو تفاعل

أما إذا ماتغير لون الكاشف يعني المجهول هو الكيتون لأنو مابيتفاعل...

=========================================

أما بالنسبة للفينول....نحنا طلع معنا راسب أكيد هو الفينول....

وطلعت طبقة زيتية فوقه.....على قولة الدكتورة مالازم يطلع هيك شي!!!! مع أنو شغلنا صح 100%

والدكتورة شافت الجواب الصح بالورقة السرية!!! طلع معنا المجهولين صح حمض وفينول...


لذلك حدا بيعرف شلون تشكلت هالطبقة الزيتية؟؟؟

السلام عليكم

نحنا طلع معنا حمض كربوكسيلي (وهو موجود عند الكل) + أمين

الأمين هو اللي بتتشكل طبقة زيتية واضحة

بعدا قالتلنا الدكتورة نضيف ملح الطعام الها لحتى نوصل للإشباع (الملح يترسب على شكل كتل تحت)

بس شفنا عند الدكتورة الفينول والكيتون والألدهيد

هلأ الفينول فعلاً متل الطين ولونو مايل للزهر المعكر

أما الألدهيد فكان لونو بنفسجي واضح

وبقي أنبوبين واحد زهر وما انتبهت للون التالت لأنو قالت هاد أكيد ما للألدهيد (لأنو بس البنفسجي = ألدهيد) والكيتون هو الزهر يمكن

والله تعالى أعلم !

الفينول

اقتباس

هلأ الفينول فعلاً متل الطين ولونو مايل للزهر المعكر

اقتباس

أما بالنسبة للفينول....نحنا طلع معنا راسب أكيد هو الفينول....

اقتباس

أنا حسب ما شفت بالمجموعات التانية(نحنا ما طلع عنا فينول) كان الفينول على شكل مسحوق رطب (متل الطين) مائل للزهري بس أكيد مو الدليل هو طبقة زيتية لأنو بالاصل الفينول رح يترسب وبدنا نرشحو

الأمين

اقتباس

الأمين هو اللي بتتشكل طبقة زيتية واضحة

الكيتون والألدهيد

اقتباس

إذا تغير لون الكاشف...(كان بنفسجي صار أحمر على بني...هيك شي يعني!!!) يعني أنو المجهول هو الألدهيد لأنو تفاعل

أما إذا ماتغير لون الكاشف يعني المجهول هو الكيتون لأنو مابيتفاعل...

اقتباس

أما الألدهيد فكان لونو بنفسجي واضح

وبقي أنبوبين واحد زهر وما انتبهت للون التالت لأنو قالت هاد أكيد ما للألدهيد (لأنو بس البنفسجي = ألدهيد) والكيتون هو الزهر يمكن

والله تعالى أعلم !

اقتباس

هلأ بالتجربة الجايي اللي بدنا نعملها رح تكون عن الكيتونات والألدهيدات ومن ضمنها كاشف شيف , حسب مو مكتوب أنو الألدهيدات تعطي لونا زهرياً بينما لا تتأثر الكيتونات وهاد الشي اللي حكوه المشرفين.

             

هلأ ياجماعة الحمض الكربوكسيلي والأمين واضحين

الحمض الكربوكسيلي: راسب أبيض
الأمين : طبقة زيتية صفرااء شرط صفراء لأنو إذا كانت شفافي وشويت على بياض هاد دليل أنو مركب كربونيلي

لذلك بدنا جواب واضح
بالنسبة

للفينول 
الكيتون
الألدهيد 

فجمعونا آرائكم وأتفقوا على رأي واحد

السلام عليكم

اقتباس

ازا في حدا عندو الخبر اليقين ريجاءً ريجاءً ينورنا (بدنا اللي صار بالمخبر مو المعلومات النظرية

هلأ حسب ما شفت بالمخبر ............

كان الحمض الكربوكسيلي (متل ما قلتو) رغوة بيضاء ............... ويمكن كان من الأفضل إنو ما كتير نحركها مشان يطلع الراسب أحلى وأكتر بعد الترشيح


الفينول ........... يعني هو بيشبه الكوكتيل   ........... وفيه شوية فريز كمان
وحتى لما ترشحوه بيضل بهيك قوام
ويمكن فينا نستدل عليه من وقت ما منحط الكاشف 

يعني أول ما نحط الصود بالحبابة بيصيراللون زيتي مخضر (غامق شوي) 



وبالنسبة للألدهيد والكيتون

اقتباس

إذا تغير لون الكاشف...(كان بنفسجي صار أحمر على بني...هيك شي يعني!!!) يعني أنو المجهول هو الألدهيد لأنو تفاعل
أما إذا ماتغير لون الكاشف يعني المجهول هو الكيتون لأنو مابيتفاعل...

 

لأنو متل ما قلتو .......... المفروض إنو كاشف شيف يكون بلا لون ........... بس الكاشف يلي عنا بالمخبر كتير خطير (((موديل 2011))) جايبينو ملون 


هاد يلي متذكرتو وإذا في شي خطأ ما تواخذونا .......... بيكون العتب عالنظر

السلام عليكم

هاد ملف لتلخيص عملي الكيمياء العضوية
من طالب سنة ثالثة الله يوفقو 


الملف فيه تلخيص لكتاب العضوية وعدد من التجارب
باقي التجارب إن شاء الله رح نلخصهون بدقة
وهاد الملف
http://www.jamaa.net/UP/12750/Jalsat_3amali.docx

وبالتوفيق

لك شو ياجماعـــــــــــــــــــــــــــــــــــــــ     ـــــــــــــــــــــــــــــــــــــــــــة

ليـــــــــــــــــــــــــــــــــــــــــــــــــــــــــــــ    ـــــــــــش
ساكتيـــــــــــــــــــــــــــــــــــــــــــــــــــــ      ــــــــــــــــــن


الأسبوع الجاي في مذاكرة     

دريتو 

بدنا نعرف كل شي عن المذاكرة 

شو المطلوب ؟؟؟؟؟؟؟؟؟؟؟؟؟؟؟؟


بــــــــــــــــــــــــــــــــــــــــــــــــــ       ــــــــــــــــــاي