رد مشاركة : اسبوعا لكل عضو نعبر فيه عن حبنا....
شو شايف وصل البل لراسي .. الله يستر .. 
صحيح انا ما بشارك بهل الموضوع بس بمر عليه من فترة و فترة .. 
الله يسامحك يا شيماء على هل الاستفئادة 
يا رب منبلش بالغالي الدكتور ..
اقتباس
بدها سؤال ، وهي حطبات آذار حتى نشغّل النار.
من أولها نار ..
.. و الله خوفتني دكتور ..
..
بس هلا بتشوفني ... انا صريح لأبعد الحدود ...
اقتباس
1 - صورة عن سطح المكتب لديك الآن (شايفك ).
مشان كون محقاني معك .. و ما لف و دور .. انا لما ادرس بزيح اللابتوب على جنب و بدرس و بخليه قدام .. بس لما بدي اشتغل عليه بكب الكتب كلها على التخت .. او الأرض
و بحطو قدامي ..
حالياً .. اللابتوب .. فنجان القهوة .. و الدولة الكااااااااملة
.. و قطعتين شوكولا B1B3
... اللي على بالو ... لا يستحي ...
و بس ... مافي شي تاني عليه ..
اقتباس
2 - بكلمة واحدة، صِف لنا أحمد الحريري.
ما حدا بقول عن زيتو عكر
..
حسااااااااااااس
اقتباس
3 - أهم ثلاثة مبادئ تسيرك في الحياة.
كتير مبادئ بمشي عليها .. و بتكون أساسيات مافيني استغني عنها ..
بس إزا في شي اسمو أهم تلات مبادئ .. هية ...
الإنسانية أولاً و أخيراً ... الإخلاص و الإتقان في كل عمل .. مساعدة الآخرين و مصلحة الغير فوق أي مصلحة شخصية ...
لا اتقولو بلشنا يالمثالية ..
هههههههههههه
منكمل بهل الاسئلة اللطيفة و الخفيفة عند الصبح ...
اقتباس
4 - ما هو مفهوك لكل من النجاح والفشل ؟
الفشل و النجاح ؟؟؟
مممممم
بالنسبة الي .. الفشل شي كتير بشع ... و فعلاً بحس بمرارتو و طعمتو القاسية .. و بالنسبة الي مو متل ما بقولو .. الفشل أساس النجاح .. طبعاً مو بكلشي ..
لانو أحياناً بتكون كلمة فشل دابحة .. و مو بمكانها اللي اتعودنا عليه .. بس ببعض الأمور بالنسبة الي بقدر امشي على المقولة تبع .. الفشل اساس النجاح او ما شابه ..
يعني لولا اني افشلت بتحضير تاج لسن .. ما كنت اتعلمت كيف ساويه هلأ ..
بس ما اتقولو اني ما بعرف .. لا صرت معلم و سريع .. اسئلو أبي قاسم ..
اقتباس
5 - حدثنا عن اهتمامك بالأعشاب والطب النبوي، و ما هي اهتماماتك وهواياتك الأخرى ؟
أنا من أكتر الناس تأيداً للطب النبوي و استخدام الأعشاب .. مو عن شلف أو هيك سامع و بس .. لا لا أبداً ... انا من كتير أشياء عندي هل الاهتمام و الاستخدام المطلق للطب النبوي .. أولهن .. لما رسول الله
بشير هل الشي بالأحاديث النبوية و القرآن بشير بهل الشي .. كيف ما بدنا انصدقو و نمشي متل ما قال .. يعني في كتير أشياء بالطب النبوي ممكن تغنينا عن الأدوية .. و تعطي نتيجة اقوى بألف مرة من أي نتيجة ممكن يقدمها الطب العادي .. إن صح التعبير ..
حتى كان نفسي ساوي كتاب كامل عن الطب النبوي و المعالجة بالأعشاب .. بلكي عن قريب بتشوفوه .. ان شاء الله ..
من ناحية الهوايات .. بلشنا على الخصوصيات ..
.. بس يلا انتو حبايبي رح احكي ..
انا سباح من الدرجة الأولى .. بحب السباحة لدرجة مو طبيعية .. تعلقي فيها خليني فوز ببطولة 2004 للأولمبياد بدمشق طبعاً .. الشطرنج .. أكبر تحدي بواجه العالم فيه
... بس يا حسرة ما حدا بيرضى يلعب معي
.. ما حدا بحب الشطرنج .. غير القليل ..
من الهوايات كمان يا دكتور .. الكمبيوتر بشكل مو طبيعي .. و اني صمم و اتعلم على جميع البرامج لحالي من غير ما حدا يملي علي و يعلمني .. البينغ بونغ .. الخ ...
شو بدنا انعد كلشي حاجي لهون ..
اقتباس
6 - أكبر خطأ اقترفته بحق أحد الأعضاء، وماذا تقول له؟ . وآخر اقتُرف بحقك، وكيف كان رد فعلك؟
ممكن يكون الخطأ الوحيد اللي ارتكبتو بأعضاء الصيدلة بشكل عام و مافي غيرو لهلأ و الحمد لله .. لما دجيت كم جملة بموضوع .. و ما كنت بقصد إلا كل خير .. لكن يبدو تم فهم الموضوع غلط .. لهيك اعتزرنا بموضوع تاني كبير و مرتب
.. يعني هاد الجواب ..
غلط أحد الأعضاء علي .. هوة بعد استلامي الإشراف بيوم .. كان معي 9 مشاركات .. و رحت فتت على منتدى المشرفين و بلاقي مشرف داجج بهدلة كبيرة عريضة علي .. الاسم مافي داعي لذكرو ... حرام ...
... وقتها كان اعتراضو كيف مشرف يستلم بـ 9 مشاركات .. طبعاً شو كان ردت فعلي .. أكيد لا رديت و لا شي .. خليت عملي يرد عليه .. و فعلاً هلأ بعد مرور سنة كاملة على اشرافي تقريباً .. بعتلو رسالة بنفس الموضوع .. قلتلو حبيت سلم عليك أخي ... و بس ..طلعت بعدها ...
اقتباس
7 - أثر الإشراف على حياتك (سلبيات و إيجابيات) في المنتدى، و في الكلية.
في المنتدى إيجابيات ... مافي كل هل القد .. متلي متل أي عضو .. لكن بملك بعض الاشياء اللي ممكن نظم فيها المنتدى لا أكتر ..
بالكلية .. كانت نكبة بالنسبة الي .. كون الكلية كلها بتعرفي .. و معرفة مسبقة تقريباً ..
سببتلي مشاكل كتير ... ليه أحمد ليه أحمد ليه أحمد .. و على هل القصص .. حاولت ساعدهن بكتير أشياء أثناء الفحص .. بس الحمد لله هلأ الوضع اتحسن .. ما بقى متل أول ..
اقتباس
8 - بنظرة مجردة، تحدث عن المجلة الطبية (سلبيات وإيجابيات) ونظرتك المستقبلية لها. وموقف لم تشارك به أحداً حصل معك فيها (إن وُجِد).
المجلة كعمل جماعي كانت حلوة كتير .. و أهم خطوة بمشي فيها حتى الآن ..
سلبيات كتيرة .. ان شاء الله بنحاول نتساعد و نتلافا وجود الأخطاء بالعدد الثاني ..
إيجابيات كتيرة و الحمد لله .. بلكي لقدام لسا مناخد ترخيص رسمي فيها ..
انا ماشي فيه .. بس ادعولي copyright آخدو عن قريب من الكلية ..
بتوقعلا نجاح كتير كبير .. إزا كلنا فيها بشكل جماعي أكتر بتدخل عدد أكبر من الطلاب .. و اللي ممكن يكونو أعضاء ثابتة بالمجلة ..
اقتباس
9 - أهم ثلاثة مخاطر تهدد عقول الشباب في الجامعات، والحلول المناسبة برأيك.
الجامعات المختلطة : الحل : فصل الطلاب عن بعضها .
المناهج القديمة .. و الغير مرتبطة بالعلم الحديث .. عداك عن التخلف التكنولوجي العظيم و الحمد لله ... الحل واضح .. ما بدها تفكير .. بس بدنا مساعدة الطلاب و الدكاترة .. و انشيل مبدأ الروتين و البيروقراطية من حباتنا ...
بس لو يسلموني الإصلاح بالجامعات لحتى اتشوفو أكبر تطور حضاري بالشرق الاوسط كلو من ناحية التعليم و العمل الحضاري ..
اقتباس
10 - على اعتبار فلسطين قضية العرب الأولى، ما هي القضية الثانية ؟
و الله سؤال جوابو خاص شوي .. بس في جواب
لا اتخافو .. بعتزر عن الإجابة عنو ...
اقتباس
11 - سؤال شخصي (يمكنك عدم الإجابة): وعد تقطعه على توأم روحك أينما وجدت.
ما رح اتخلى عنك العمر كلو .. مهما صار .. و رح تبقي الأغلى بحياتي ..
اقتباس
من خلال معرفتي بأحمد، شخصية نشيطة محبة للعلم، بحب يساعد الآخرين. من الأشخاص يللي بيسعد الواحد بصداقتهون. بتمنالك السعادة والتوفيق ونشوفك بأعلى المراتب محقق كل أحلامك.
مشكور دكتور كتير على الكلام الحلو
.. انتا انسان رائع ما شاء الله عنك .. و الواحد فعلاً بكون فخور لما يتعرف على ناس متلك ..
اقتباس
كونك من عضام الرقبة ما رح تقل عليك:
هههههههه , الله يسامحك بس .. كل هاد و انا من عظام الرقبة .. لو كنا من غير عظمة شو كنت ساويت فينا ...
تحياتي لكَ , موفق دكتور ..
اسبوعا لكل عضو نعبر فيه عن حبنا....
