مناقشة مادة الكيمياء العضوية (2) ... سنة 2 صيدلة

مشاركة : 58

ph.dima

جامعـي مبـدعـ

مسجل منذ: 26-01-2010
عدد المشاركات: 331
تقييمات العضو: 14
المتابعون: 13

غير موجود
اشــترك بالتحديثات
رسالة مستعجلة

رد مشاركة : مناقشة مادة الكيمياء العضوية (2) ... سنة 2 صيدلة

01-11-2010 07:13 PM

السلام عليكم ورحمة الله وبركاته

تجربة الاستخلاص من الكتاب عنجد فايتة بالحيط بس تطبيقها مو صعب بس بدا شوية وقت

اول شي المحلول الايتيري اللي بيعطونا اياه بيكون فيه مجهولين بس من الاربعة (حمض كربوكسيلي - فنول - أمين - مركب كربونيلي يعني ياكيتون ياألدهيد)

1- بنستخلص المحلول (كاملاً) بكربونات الصوديوم 10% (20مل بعدين 10 بعدين 10)
بعدين بناخد الخلاصة وبنحمضها ب HCl 18%لبين ما يتغير لون ورقة عباد الشمس وتصير حمرا
فاذا تشكلت مادة صلبة بيضاء بيكون في بالمحلول الايتيري حمض كربوكسيلي
فبنرشحو بنعطي للدكتورة(طلع في شوية لون زهر بس مو مشكلة)
واذا ما تشكل شي بيكون مافي حمض فبنكمل

2- منستخلص المحلول الايتيري اللي بقيان عنا من المرحلة الاولى (بقلب حبابة الابانة)
بمحلول هيدروكسيد الصوديوم 10% (20مل, 10, 10) (بيصير اللون تقريبا اسود اذا في فينول)
بنحمض الخلاصة ب HCl 18% حتى تصير ورقة عباد الشمس حمرا
متل المرحلة الاولى اذا في فينول بتتشكل مادة بيضاء بنرشحها (بيكون لونها زهر تقريبا) واذا ماتشكل بنكمل

3- اول شي بنغسل بالماء مشان يروح الحمض من الوسط
بعدين منستخلص بحمض كلور الماء بس هالمرة 10% (ضروري الانتباه للنسب)
(20 مل, 10, 10)
منقلون الخلاصة بهيدروكسيد الصوديوم 10% حتى يصير لون ورقة عباد الشمس أزرق
فاذا كان في امين بتتشكل طبقة زيتية بتفرجوا للدكتورة متل ماهية بدون فصل
واذا ما تشكل شي بنكمل

4- منجفف المحلول الايتيري البقيان بكبريتات الصوديوم اللامائية بعدين منحطو بالجفنة ومنبخرو ع المبخرة الدوارة (هاد بدو وقت لبين ما يتبخر ولبين ما تلاقو دور!!!)
بعدين منضيفلو كاشف شيف اللي لونو اصلا زهر فاذا ضل زهر بيكون فيه كيتون واذا صار بنفسجي غامق بيكون ألدهيد

واذا طلع معكن متلنا حمض وفينول (اول اتنين) بتضلو لتشوفو شلون رح يشتغلو الباقي

ومابيصير اول شي نستخلص بهيدروكسيد الصوديوم لانو قلوي قوي فبيستخلص الحمض والفينول مع بعض
اما البيكربونات قلوي ضعيف فبيستخلص الحمض وما بيستخلص الفينول

موفقين بالتجربة

« عرض آخر مواضيع العضو »

"اللهم إنك تعلم سري وعلانيتي, فأقبل معذرتي, وتعلم حاجتي فأعطني سؤلي, وتعلم مافي نفسي فاغفر لي ذنبي, اللهم إني أسألك إيماناً يباشر قلبي, ويقيناً صادقاً حتى أعلم أنه لايصيبني إلا ماكتبت لي, ورضني بما قسمت لي"
آدم عليه السلام

[color/] [size/]

it's painful but great..

أنت غير مسجل لدينا.. يمكنك التسجيل الآن.