أنا سمعت أنو كل مادة بيحملها الواحد بيدفع عليها 500 ليرة

وبالنسبة للموازي فما بعرف إذا بيدفعو أكتر

وفحص الملازمة لساتو فصل أول

والسموم شرعي رجعت فصل تاني

بالنسبة لتمديد فترة الإمتحانات

فهالشي مستحيل بالنسبة لإدارة الكلية لأنو قرار من الوزارة

هنن رح يمددو بس 3 أيام

قال دكتور سامر أنو نشتكي لاتحاد الطلية

فوين جماعة الهيئة

شدو الهمة ويورجونا شي مرة شو بيحسنو يعملو

اي عنجد وين جماعة الهيئة نحن اليوم بالفئة ادمنا اعتراض موقع
وقعنا عليه كلياتنا وكتبنا الاسماء
هلا سمعت انو في كزا واحد عم يتبرع بكل فئة ليجمعو اكبر عدد تواقيع معترضة يعني بنصير نحن وطلاب الطب معترضين لان حتى طلاب الطب عم يعملو عريضة
وانا كنت بفضل نعمل عريضة كبيرة ونخلي كل طلاب الصيدلة يوقعو عليها تحت اشراف الهيئة الادارية يلي بترفعها للجهات المسؤولة
شو رأيكون انتو؟

شكرا الك "سويت لايف" عاهتمامك

والله مافي لا هموم ولا شي

مطنشين

أكلناها وقت طبقو علينا قرار ال60

وكل سنة بيطلعلنا شغلة أو فنة بناكلها فوق راسنا

فما عاد فرقت هلأ

هلأ انتو برأيي شقيتو طريقكم

يعني أول ما خلصتو السنة الخامسة كنتو مو عرفانين بدكم تفتحو صيدلية أم تقدمو عالماجستير أم يروحو الشباب عالعسكرية

هلأ طلعلكم ماجستير وكل شي تاني عبارة عن روتين ورياضة بالركد ورا المعاملات

وراحت معكم 3 أو 4 سنين وبعدين بتوقفو أمام مفترق طرق تاني

============

مشان حالتك

شو رأيك ابعتلك دكتور HOUSE مشان يشخصلك الحالة

بس ما دخلني إذا اخترعلو شي متلازمة نادرة ما بتصير غير لواحد بالمليون

عموماً سلامتك

هادا من التوتر

بس كمان لا تستبعدي سبب تاني....(مثلاً وجع أسنان)

أسئلة حول الدراسة ::؟؟؟


أولاً - صيدلة مشافي عمندرس المحاضرات ...............ماشي الحال

ثانياً - مراقبة ...............وين وصلنا ؟؟؟

ثالثاً - تغذية.............لهلأ ما نزل  شي!!!

رابعاً - لغة ..............بالفرنسي لسا ما أخذنا ولا محاضرة

خامساً- بيولوجيا جزيئية ............طالعنا المحاضرة يلي ما بتطلع 8 صفحات ....

صحيح درستها بس حاسس حالي ما درستها مدري لأنها صغيرة مدري لأن الأفكار غير مترابطة منيح

سادساً- حيوية........................وهنا السؤال للسنة الخامسة ...

قسم الدكتورة فايزة المحاضرات تبع إحصاء وخلافه بتجيب منه شي

كل ما أمسك المحاضرة بحس حالي عبقرا حكي ومجرد حكي ..

يعني بقرا 5 صفحات لأخرج بفكرة وحدة مفيدة ...


فشو وضعهم أول 3 محاضرات !!!!!!!!!!!!!

كيف الهمة عند السنة الخامسة !!


- أول شي الكل ملاحظ صعوبة وجود شعبتين وبالأخص بالصيدلة السريرية فيما يخص تقديم الوظائف والصعوبة عند الدكتورتين بإعطاء محاضرتين وشعبة بتسبق شعبة....... لهيك شو رأيكم بأن نقترح دمج الشعبتين في هذه المادة؟؟ هو على الأغلب إذا بده يصير دمج لازم يكون الأربعاء وممكن بالاتفاق بين الدكاترة تصير صباحاً بدل التغذية مثلاً..


- ثاني شي محاضرة السكري عند د.وفاء فيللي بده أنا أخدت من الدكتورة كم مقطع فيديو كتير ظراف عن السكري وأدويته الحديثة .......فيللي بده يعطيني سيدي نزلهم عليه..........ما بيمشي حال الفلاشة لأن الأنتيفايروس عندي واقف



وكمان بمجلة خدمة المعلومات الدوائية العدد الثاني (الجديد) فيه مخطط تدبير معالجة الداء السكري النمط الثاني..........حلو ومرتب اطلعوا عليه وفيها مواضيع تانية مفيدة.

أنا آآآآسفة كتير اني ما عم شارك ... بس والله يا جماعة هلأ لحتى فتحت أول محاضرة بالسريرية .. وما إن بلشت فيها لحتى اجتني مهمة من الوالد عالكمبيوتر وقلت بمر بطريقي عالمنتدى ...


بس أول ما صير أونلاين معكن ... رح كون علأقل قادرة جاوب على شي سؤال لو كان بسيط ...

وليي بلشت خاف من التقصير ... ادعولي خلص شي محاضرتين هلأ ... 

سلام

iron_man

مشان الحيوية شوف زيد عطيته محاضراتنا حاطط عليهم الأسئلة اللي اجتنا وفي نوطات ما اجى منها ول سؤال . بعتقد بفيدك وبتعرف كيف تدرس وشو تحذف.
موفق.

شكراً فارما ...L.KH

منيح نبهتونا لأن يا ما في مواد منترك شغلة فبتجي الأسئلة من يلي تركناه ويلي درسناه

ما بيجي منو غير كم سؤال ...


وشكراً مرة أخرى