اقتباس

شكلة الحجز
عم يعاني منها اكتر شي السنة الاولى
لان مو متعودين
اما نحنا حلنا نتعود

كلامك صح يعني مفروض حلنا نتعود

بس المشكلة عددد الطلاب زاد بشكل كتير كبير عن السنة الأولى

يعني السنة الأولى بتجي قبل نص ساعة بتلاقي مكان محترم تعدي في أما هلق

عم نجي قبل شي ساعة  من المحاضرة مشان نلاقي محل قبل آخر مقعد بشوي

ويلي مزاولني هدول يلي بيعدوا بأول مقعد مشتهية أعرف إيمتا بيجو ا يمكن بيحضروا من الصبح بكير

مع السنة الأولى مشان يعدوا قدام

بالأخير ما فينا غير نقول لا حول ولا قوة إلا بالله

وشكراً لاهتمامك ومرورك آية

 

مرحبا لجميع الزملاء

اولا بحب أنو اعتذر على عدم المشاركة

ولكن شوي كنت مشغول وخصوصا أنو أنا سبق وقلت للصديقة أية
أنو هاد الموضوع مهم والمشاركة فيه لازم تكون مستمرة

هلأ أنا تابعت الردود وشفت الطرح اللي انكتب

ومشان اخر مشكلة واللي هي مشكلة الحجز

فأنا بشوف أنو نحنا عانينا منا كتير بالسنة الأولى والتانية

وهي بشكل عام بتخف كل ما بيطلع الشخص بالسنين

والمصيبة اللي كانت تكون أكتر شي برأيي أنو نسبة كبيرة

من طلاب السنة الأولى بكونوا عم بيدامو كلن سوا وهاد اللي بيعمل الزحمة

لانو طلاب السنة الأولى بيكون عندن خوف من المواد أو عدم معرفة

بتفاصيلا ومشان هيك بيحضروا كل شي

ويمكن أحد الحلول بيد الإدارة ففيهن بكل بساطة أنو يزيدو عدد الشعب

بس إزا قلنا هيك رح يقولوا ما في أماكن والمدرجات ما بتكفي

ومنضل عم بندور بهالحلقة المفرغة أيام وسنين على أمل حل المشكلة.

سامحوني على الإطالة

سلامااااتي زميلة أية

سلامااااتي للجميع.

   

والله يا همسة حكيك مزبوط



ومشكلة الحجز والأعداد عنا بالكلية من الأشياء البديهية



مشان هيك يا همسة أنا ولله الحمد من النوع الثالث

اقتباس

للتذكير : في نوع ثالث ما لو علاقة لا بدو يحضر ولا بدو يوجع راسو

لأنو يا أما بدي إجي من صلاة الصبح لحتى لاقي محل أو بدي أحضر بآخر صف وساعتها الحضور متل قلتو مشان هيك بجيب المحاضرات وبدرس بالبيت وبكبر عقلي ........


بس لما كنت سنة أولى كنا نتفق أنا ورفقاتي كنا شي خمسة وعملنا جدول أنو كل يوم الدور على واحد بيجي قبل ساعتين وبيحجز للكل ومع هيك يعني بتذكر أقرب مكان جلست فيه بحياتي يمكن رابع صف ............................


( أما جماعة أول صف والله ما بعرف بس يمكن بناموا بالكلية )

معاذ

عاشق الأزوري

شكراً لردكم ومروركم اللطيف

ويتمنى ما تحرمونا من مشاركاتكم

ودمتم بحفظ الله وحمايته

مسا الخير

معلش تتحملوني اشوي بدي اسأل سؤال لانو انا من جماعة زوروني كل سنة مرة

بالكلية لأنو ما الي خلئ للدوام

لما جبت محاضرات المعلوماتية 2 سنة تانية انتبهت انو بأول محاضرة الدكتور ئايل حكي

ضد الفهم يعني اول محاضرة بالمعلوماتية ئايل انو في نوطات وكتاب وشي ادرسو من

الكتاب شي نوطة

يعني بلا طول سيرة عليكن شو وضعها هي المادة من وين بدي ادرسها

ويسلمو سلفا

اهلا اهلا
المعلوماتية 2 انا رح ادرسها من المحاضرات فقط
لان كل شي واضح
وانا السنة الماضية درست كل شي من المحاضرات ورفعت كل شي الحمد لله
وبصراحة انا ما بحب ادرس غير من المحاضرات

اقتباس

المعلوماتية 2 انا رح ادرسها من المحاضرات فقط
لان كل شي واضح

واي نت يا ئلبي ؟؟  محاضرات .. محاضرات بأمر اعيونك انا

...


بيني وبينك اية مالي مستعدة اتعب ع مادة وادرسها من الكتاب كرمال احملها

بالاخير لانو الدكتور كان عم يشتغل فينا بأول محاضرة

ايسلمن حبيبتي

اقتباس

بيني وبينك اية مالي مستعدة اتعب ع مادة وادرسها من الكتاب كرمال احملها

بالاخير لانو الدكتور كان عم يشتغل فينا بأول محاضرة 

ايسلمن حبيبتي 

شو ايامك والله باينتك عم تداومي !!!!
والله انا لهلا ما بعرف شكل ولا دكتور

السنة الماضية بفحص القانون شفت طلاب متجمعين حولين رجال كبير بالعمر
فقلت لحالي هاد اكيد دكتور القانون

والله الدراسة من المحاضرات منيحة يعني اذا درستيها وما خليتي ولا كلمة ولا فاصلة ممكن ترفعي المادة

اقتباس

شو ايامك والله باينتك عم تداومي !!!!

مين هاد دوام   ؟؟ والله بحياتي ما اسمعت بإسم هالبني ادم

مين بيكون بالله ئليلي   ؟؟

والله يا اية ما عم داوم الا لما أمي اتسمعني كم كلمة ساعتا بضطر وبنزل

بحضر بس من اول السنة ما حضرت ولا محاضرة قانون تجاري

وولا محاضرة تحليل ولا محاضرة انكليزي  

احضرت كم مرة تمويل واحضرت شركات ومعلوماتية شوي والبائي سلامتك

اقتباس

السنة الماضية بفحص القانون شفت طلاب متجمعين حولين رجال كبير بالعمر
فقلت لحالي هاد اكيد دكتور القانون

لا مو لهالدرجة كمان انا بحب ضل ع اطلاع لأنو لما اهمل اكتير

ما بعود ائدر ادرس لو حتى بئيان يومين للمادة

اقتباس

والله الدراسة من المحاضرات منيحة يعني اذا درستيها وما خليتي ولا كلمة ولا فاصلة ممكن ترفعي المادة

ايه هاد الحكي بالسنة الاولى مزبوط لانو محسوبتك خبرة سنة اولى

والحمد لله 

بس بصراحة ما بظن يمشي حالنا هلأ بس محاضرات ما بعرف ليش هيك حاسة

يمكن من كتر ما بيئلولي رفئاتي جيبي كتب ..

انا متلك ما بئدر ادرس غير من محاضرة مزركشة وكاتب عليها الطالب كم نكتة

وكم غنية وكم بيت شعر وتوقيعو واسم حبيبتو هي اذا ما رسمها كمان

..

بعرف طولت عليكي بس جاي ع بالي احكي

يللا ايسلم ايديكي ع كل حال ايوشة

اقتباس

بعرف طولت عليكي بس جاي ع بالي احكي 

يللا ايسلم ايديكي ع كل حال ايوشة

مية هلا ولو ..
بالنسبة للدراسة عادة وكل واحد الو طبع انا ما بقدر ادرس غير من المحاضرات
اما في طلاب ما بيقدروا يدرسوا غير من الكتب

شو رح نقدم المعلوماتية سوا