مرحبا
هلأ انا بدي افهم شغلة وحدة بس لك اذا البنات مو آخدين حقوقهن مين آخد حقو لكن
بالنسبة للدراسة عم ترسوا وعين الله عليكون وعم يطلع منكون دكاترة جامعات صح؟
بالنسبة للعمل عم تشتغلوا وكمان عين الله عليكون وعم تستلموا وزارات بحالها صح؟
وبالنسبة للحرية صار هلأ يلي بيحكي بحرية المرأة او بيجيب سيرتها بيدعسوا على راسو شو عم تحكي انت المرأة نص المجتمع اي والله انا حاسسها تلات رباعو مو نصو

هلأ إذا عم نحكي على الحقوق فأنتو آخدين حقوقكون و طبشة حتى صار بدنا منظمة حقوق الرجل متل ما تفضلت زميلتنا بمشاركة سابقة انو صارت تزعل على الرجال !!

انا كمان ما بنكر انو في بعض الرجال يلي بيكونو كتير متزمتين وكتير شديدين مع نسوانون او حتى بناتون بس هدول صارو كتير قلال  قياساً بالمجتمع العام 
بقى يا عمي اقلعولي عيني بشي شغلة وحدة وقلولي شو ناقصكون بس اللي بدو يحكي يحكي بشكل عام ما يحكي كوجهة نظر شخصية او حالة منفردة او يخص عيلة معينة
وشكراااااااااااااااااااااا




       

   

ولك ااااااااااااااااااااااااااااه
اي شو بدي احكي لاحكي
اذا واقف بشي دور المراة بتاخد الاولية وبتمشي وراقها بسرعة مليون ونحنا منضل 4 ساعات تحت الشمس
اذا ساوت شي شغلة غلط بالطريق معليييييش مراة ؟؟
مراة؟؟؟
لك حتى بالميكرو لازم اذا المراة طلعت مية واحد يقوم ويقعدها مكانو
يعني اذا ما في مكان لييييش تطلعي وتفرضي غلاظتك(طبعا مو الكل )
لك هاد مثال على ابسط الشغلات بالحياة اليومية
(هي ابسط الامثلة) اخدة حقها وزيادة
نحنا صار لازم نطالب بحقوقنا
اي والله هاد مو حكي

في البداية
نيلما

سنيـــــــن

بالنسبة لقصة الميكرو والدور
برايي هي لباقة من الشب
والبنت بتقدرلوا لباقتوا وبترسم ابتسامة على وجها

شووووووووووووو
وين البنات والله انا تعبت من الرد حدا يساعدني شوي


نيلما استلمي من عندك شوي

ييييييييي ولي على آمتي شلون انا نسيت شغل البيت

صحيح النسوان بتشتغل بالبيت
بتكبس زر بتقوم الغسالة بتغسل التياب
بتكبس زر بتقوم الجلاية بتجلي الصحون
بتكبس زر بيقوم بيشعل الغاز او الفرن
بتكبس زر بيقوم الميكرويف بيسخن الاكل
بتكبس زر بتشتغل مكنسة الكهربا
بتكبس زر بيقوم البراد بيبرد الاكل له له له آسف نسيت لبراد بلا زر بيضل شاعل ليل نهار

الله يعينكون على كبس الزرار والله كتير هيك مو لازم يلاقو حل لهالقصة شو بدنا نعد طول النهار عم نكبس بهالزرار

والله انتو بدكون متل باب الحارة ما تسترجي المرة تتحلفص قدام زوجها ولا انا غلطان

لا طول بالك قصي مو كلو بالزرار
لو تجرب شغل البيت بايدك بتعرف ايمتوا
والله شغل البيت امر واصعب من شغل الرجال برات البيت
بعدين اي زرار
ما بدك تشيل الغسيل وتفصل الملون الغامق عن الفاتح عن الابيض
وشغل التنظيف لحالو بالمكفى


انتو يارجال شو بتعرفوا غير انكم تجو وتلاقوا البيت مساوى
واذا قصرت المراة بتنفتح عليها جبهة

اي المرأة اخدت حقها وزيادة متل مابقول الفنان محمد اسكندر بغنية جمهورية قلبي
(نحن ماعنا بنات تتوظف بشهادتها عنا البنت بتدلل كلشي بيجي لخدمتها)
سلام
     

من زمان كنا نعمل اخنائات بساحة الحوارات الجادة الظاهر انتئلنا لهون

بس الله يرحم ما عاد الي خلئ .. بس يللا لعيون ايوشة