اقتباس
عندي مقابلة بمعمل يوم الأحد وياريت تقولولي شو بيسألو بالعادة ....وشولازم أنا أسأل وشو مولازم أسأل عنو...........
حسب المعمل وتقل المعمل، إذا معمل محرز لازم تهتمي بالأمور العلمية بعتقد بالجانب التحليلي. وطبعا بعض المواد الدوائية شو استخدامها.
بس بصراحة معاملنا الوطنية ما عم تسأل بشكل عملي عم يسألو أسئلة عادية ليشوفوا مقدرة الشخص على التواصل والحوار وحضوره.يعني قد حاله ولا ني.
إذا معك واسطة مو مشكلة شو ما حكيتي أما بدون واسطة زيني كل كلمة ولا تتوتري أو يبين عليكي الخوف، هادا شي طبيعي.
أنا برايي اسألي عن كل شي حابة تستفسري عنه بس آخر شي اسألي عن الراتب بعد ما يكون عجبك الشغل.
يعني اسالي أوقات الدوام ومجالات عملك كيف بتترفعي ضمن المعمل وإذا في شهادات خبرة على الأجهزة اللي رح تشتغلي عليها.
رفيقي أخدت شهادتين من خلال تدريب صيف بس، فإذا اشتغلتي على HPLC وفي شهادة بيعطوكي ياها، ولا هيك أجهزة بعمرك ما رح تشتغلي عليها.، ممكن يسألوكي قديش بدك تضلي عنا؟؟؟؟؟ ولا بتاخدي خبرة وبتروحي على معامل أكبر مننا؟؟؟....لازم يكون جوابك حلو كتير؟ يعني انتو عم تعلموني وعم آخد خبرة بس هادا ما بيعني اني ضل بمكاني بالعكس اني اتقدم وترتفع مرتبتي مو راتبي لا تجيبي سيرة الراتب إلا بالأخير، وقوليليهم صحيح بيهمني الجانب العملي بس كمان الجانب المادي إله أهمية، لأنو بجوز تصحلك فرصة شغل بمعمل تاني براتب أكبر وفرصة أحسن وانتي بتكوني أخدتي الخبرة من الشركة الأولى وتركتيها...يعني وكأنوا ضحكتي عليهم.
بيحقلك تبدي رأيك كصيدلانية ولا لأ؟؟؟
شو بيخطر على بالك اسألي بس لا تكتريهم.
وأهم شي تسألي عن مجال عملك بالتفصيل يعني شو رح تشتغلي بالصيغة ولا مراقبة ولا تحليل.
وكمان انو شغلك بيستاهل صيدلانية يعني مو يحطوكي على تعليب!!!!!!!
وكمان اسألي إذا بدك تحطي شهادتك عندهم شو بيفرق.
حاولي بيني انو مرتاحة وانو الفرص قدامك كتيرة وعادي لو ما رضيوا تشتغلي معهم.
ممكن يسألوكي:
لو قلنالك انت مرفوضة شو بتعملي وكيف شعورك؟؟؟؟؟ بتعرفي الجواب منيح، بطلع من عندكم وبقدم على فرصة عمل تانية لسا الطريق بأوله(طبعا مع ابتسامة).
اليوم المسا بسأل رفيقي وبجبلك بالضبط شو سألوه.
بالتوفيق إن شاء الله.
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
هام: بعد التخرج لمن يريد العمل في شركات الأدوية
ولذلك فلنقل للأيام امضي فنحن من سيسحتق الجائزة بالنهاية. 
