السلام عليكم:
اقتباس
ماذا عن شركة ألترا ميديكا هل عندك معلومات عن الدعاية الطبية فيها؟
اقتباس
بالنسبة لالتراميديكا.....اي رفيقي بيشتغل فيها...بصراحة شغلون متعب ورواتبهون مو كتير (يعني الدوام الكامل بشي عشرين ألف) وغير حملة الشرابات يلي بدها عتّال معك، ومديرهون مفكر حالو مدير غلاكسو..رفيقي التاني تركها لأنو المدير اتصل فيه الساعة وحدة بالليل يوم المطر الغزير وقلو "شو والله مدلل حالك أنو مانزلت اليوم"...يعني شغلها بهدلة وإذا بدك بتوظف عندها أي حدا حتى لو خريج كهربا..صدق أو لا تصدقّ
عفوا أخي الكريم انا بشتغل بالتراميديكا، وما صار معي انو اتصلوا فيني بالليل الساعة وحدة، لما كنا الصيف كان يسالنا لايمتى منسهر وعلى أساسه بيدقلنا وأنا عموما بنام بين 10-11 وما بيتصل فيني بعدها لانو بيعرف اني بنام بكير أما انو يتصل وحدة بالليل بيكون هو قايله انو بيسهر........
وتاني شغلة الرواتب ما كتير عالية متل ما قلت بس في شغلة حلو ويمكن جديدة على الشركة ما كانت من قبل وهي انو شغلك تبعا لمنطقة سكنك، انا ساكن بباب توما وكل المناطق اللي بشتغل فيها ما بتبعد عن بيتي أكتر من ميكرو خمس دقايق وفي مناطق بطلعلها مشي من كتر مالها قريبة.
وتالت شغلة في أريحية بالشغل يعني العينات عندك بالبيت واجتماعك أسبوعي وغير هيك ما بتحس حالك عم تشتغل بتطلع من بيتك على شغلك وكمل نهارك ، يعني الشغل ما عم ياخد الصباحي غير نص ساعة لحدود ثلاثة أرباع الساعة بأقصى حالاته والمسائي بحدود ساعة ونص لساعتين......
برأيك هادا بتسميه شغل.....أريح من هيك ما ضل، صحيح الراتب مو كتير كبير بس يعني مقارنة مع الشغل هادا كتير منيح. خاصة إذا كنت طالب دراسات يعني ما بتتضايق اطلاقا، انا لما كنت اكتب محاضرات كان يضيع مني وقت أكتر من هيك.
أما قصة يوم ماطر ، كل الشركات ما بتطالع حدا على الشغل بيوم كله مطر أحسن ما يفوت المندوب كله مي على العيادة، وما حدا بيتصل ببهدلك إلا أذا كان عامل شي شغلة ، يعني طول مالك بالسليم وشغلك تمام وصادق معهم بتضل مرتاح.
أما غير شركات متل الفا الجواسيس بين المندوبين ولا أكتر من هيك، غير الاجتماعات والتقارير اليومية، وآخر فنة الامتحانات كل 3 شهور.
صحيح الراتب كبير بس بتقرف الشغل وما بتقدر تتحمل ، رفيقي أكتر من شهر ما قدر يستمر معهم.......
أنا ما عم امدح الشركة بس هادا واقع. بالنهاية كل شغل الدعاية هو شغل موقت بيناسب الشب وما بيناسب البنت اطلاقا.
إلهي سأظل منتظراً فرجك وأدعوك حتى أستحق الفرج فتكرمني. وظني فيكي يا ربي لا يخيب. هذه هي ثقتي بربي.
تذكر: لا تحزن ولا تتشائم، فقط ابتسم وتذكر أنا كل يوم يمضي انما هو بالقرب وليس بالبعد
ولذلك فلنقل للأيام امضي فنحن من سيسحتق الجائزة بالنهاية.
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
هام: بعد التخرج لمن يريد العمل في شركات الأدوية
لذا أغلب الشركات بدوّر الصيدلي ع المعمل كلو يعيني بكل قسم بيقعد شي أسبوعين ليفهم السيرة كلها...وشوي شوي إذا صار فتح وفهيم ممكن يترقى ليصل بالآخير لمدير إنتاج....
وأنا أول واحد بهالمبدأ....