وأنا كمان بدي شارك عجبني الموضوع
بالنسبة لموضوع التسجيل عنا بكلية العلوم مليان وراق مكتوب عليها وين مكان التسجيل وشو الوراق المطلوبة وأيمتى وقت الدوام بس المشكلة أنو محدا بيقرا
وإذا مالاقوا الموظف لأنو بكون راح يودي شوية طلبات بتقوم القيامة وبيضيعوا العالم ماضل حدا عندو صبر
خليني أحكي شوي عن بعض المشاكل بكليتنا أول الشي الموضوع عام بكل الجامعات أنو لهلق ماتدبر السكن الجامعي رفقاتي بيجوا كل يوم من ضيعتون وبيرجعوا بنفس اليوم وهالشي ممكن يكون لدرعا لسويدا لحمص وغيرها
عدا قصة الدورة الإضافية يلي إجت متأخرة وجابت معها كتير مشاكل يعني الطلاب مابيعرفوا حالن ترفعوا ولا لسةوالطلاب يلي عم ينقلوا مابيعرفوا أيمتى بدها تطلع الموافقة يلي عم يستمروا بتأجيلها بحجة العلامات يعني أيمتى بدنا نبطل فأر تجارب بيكفي هلق برجعلكن

زملائي الاعزاء:ياما أحلى انك ماتلاقي الموظف أو انو تكون معجوئة قدام تتصبح بوج هاالموظف المكشر الملتئم كأنو عم يدفع رسم التسجيل من جيبتو وبحسسك كأنو اذا عم بمشيك كأنو مفضل ع راسك................      ;

لم ولن ننسى 

مابدأنا به

نرجع ونعاود على فكرة خواطر جامعية
التي بدأنا مشوارها مع بعض الطلاب الذين قد أنسحبوا من أول نزال مع أن المعركة لا زالت مستمرة

ياجماعة الفكرة مازالت في بدايتها وهي الآن عبارة عن أفكار يجب أن نتابع فيها

     

أرجو أن لا تبخلو علينا بآرائكم

وبالتوفيق للجميع

رجعتلكن وهالمرة حابة أحكي عن بعض إيجابيات الجامعة

أنا لاحظت كيف معظم طلاب الجامعة مابيرموا شي بالأرض حتى ولو كان شلمونة أو شقفة ورقة وهاد الشي كتير حضاري وياريت كل العالم تلتزم فيه وبيحملوا لعند الحاوية


الشي التاني هو وجود مكتبة خاصة بالعلوم بمبنى الكيميا وفي كل شي وحتى المجلات العلمية وحلقات بحث يلي عملوها الطلاب فأنت أبدا مومضطر تروح عالمكتبة المركزية
وبمكتبة العلوم فيك تفوت وتتفتل بين كل الأقسام لتعرف شوبدك عكس المكتبة المركزية يلي بتدور فيها بالأسماء وبالأرقام وبتاخد كتاب مابتعرف هو بينفعك ولا لأ

بس لليوم
انشالله لنا عودة

tweete

شكرا كتير

لإنو ذكرتينا بأنو في شي أيجابي وتناسنا الأمر
وركضنا ورا السلبيات

                   

السلام عليكم
أنا برأيي أنو الفكرة حلوة وحتر لو ما استفدنا شي بس على الأق بنكون فضفضنا شوي والواحد بيرتاح لما بيحكي حتى لو عرفان أنو ما رح يستفيد شي هلأ
بعدين لشو التشاؤم يمكن أول فترة ما رح نستفيد شي بس بعدين اكيد رح نعمل شي منيح توكلوا ع الله يا جماعة

السلام عليكم

كنا للعلم منارة وبنينا المجد بجدارة
فلكم طب وعمارة علوم فنن وإدارة
كنا للناس قدوة وصنعنا في الأرض حضارة
اصبحنا أفضل أمة
وأضعنا مجدا وصدارة
ندم حسرة وخسارة
حالنا يبكي بمرارة
بالعلم والإحسان
نضئ الكون كما كان
خواطر في قلبي تنير للعودة لزمن التفكير
فليبدأ عصر التعمير
فالكل شريك بالتغيير



                 

الحمدلله قبل أن أبدأ
هناك نهضة علمية كبيرة في جامعة دمشق
فالطلاب بدأت بأفكار إبداعية كبيرة وحققت نجاح كبير
فهناك افكر الترجمة والمجلات العلمية وغيرها
فهذا فخر لجامعتنا

لا تنسونا انتم أيضا من أفكاركم الرائعة التي قد تصبح يوما سبب في نجاحك 

رجعتلكن بس هالمرة مع السلبيات

بدي أحكي هالمرة عن التدريب العملي وخصوصي أنو فرعي عملي نحنا عنا على مدار السنة وسطيا 6-8 مقررات عملي بس كلن بلا طعمة لأنوبس تتخرج وتجي بدك تشتغل بتكتشف أنو خبرتك تساوي الصفر مابدي قارن مع حدا غريب بدي قارن مع كلية الطب بجامعة دمشق طلاب الطب بيعملوا استاجات بمشفى تشرين والتوليد والبيروني والمجتهد وغيرون كمان ليش هالشي مابيطبق بكلية العلوم ويتم تدريب الطلاب ببعض المعامل والمخابر بما يتناسب مع متطلبات العمل

خالص اليوم
سلام

والله انا معك بهالفكرة

في تفاوت من ناحية الخبرات

وفي أخطاء كتيرة من ناحية الإهتمام بالفروع الأخرى

وفي عدم مساواة في إعطاء العلم

بالنسبة إلي كطالب صيدلة ولا مرة فكرو أنو ياخدونا على شي معمل دوائي
كل أيام الأسبوع مقبورين بمخابر من العصر الحجري


بس هاد يرجع على تفكير الطالب وقدرته على تنمية مهارتو
والتغيير يبدأ من فكرة