بسم الله الرحمن الرحيم

السلام عليكم

أنتهى رمضان وفقدناه كعزيز غال

وفقدنا معه برنامج خواطر

كانت أيام جميلة
ياريت بتعود

لقد قلنا أننا سوف نبدأ بمشروع خواطر جامعية
أعرف أننا متأخرون ولكن أن تصل متأخرا خيرا من أن لا تصل

بهذه الفكرة سوف نعالج مشاكل الجامعة وأرجو الدعم من إدارة المنتدى لنوصل الحل للجميع أقتداء ببرنامج خواطر لأحمد الشقيري

سوف يكون تنظيم هذه الفكرة على الأساس التالي:

-سوف يقوم أي شخص بطرح مشكلة يراها في الجامعة جديدة أو قديمة أو أي سلبية في الجامعة

-قد يتسائل الجميع عماذا سوف تكون هذه المواضيع
برأي سوف تكون عن كل شئ داخل الحرم الجامعي
من تدريس ومحاظرات وطلاب ونظافة ودكاتره وتنظيم كل شئ في الجامعة ..............ألخ



-وبعدها سوف نقوم بمناقشة المشكلة وعرض الحلول بحيث توافق الجميع

-وبعدها سوف نسعى لتطبيق الحل إن شاء الله


وأرجو المساعدة من الجميع

وأن نعمل بإحسان




                 

مسا الخير
الفكرة حلوة كتير ونحنا بأتم الستعداد للمشاركة والتفاعل خصوصا انه جامتنا فيها كتير من السلبيات يللي منتمنا انه تتحسن
بس برأيي اذا ما كان في متابعة من المسؤولين ما رح نقدر نتوصل لشي مشان هيك لازم يكون في اذن تسمعنا وتحس بمعاناتنا(ولو اني مو كتير متفائلة بهالمجال)
على أي حال الموضوع حلو ومشكور
   

انا موافق وفكرة كتير حلوة وانا  مترقب بدء التنفيذ
                               

فكرة حلوة كتيررررررررررررررر

واذا تم تنفيذها أنا اول مشارك
لأنو عنا بكليتنا

لطلاب الحقوق همومممممممممممم



تحياتي









عل
رابعة حقوق

شكلو الموضوع ما رح يكون فيه غير كلمة موافق او موافقة

بس بصراحة في مشاكل كتير بحياتنا الجامعية مو بس بالجامعة مارح ننسى المدينة الجامعية بالرغم انا ماني بالمدينة بس هيدي مشاكل الطلاب
رح نتخرج و كل شي ع حالو مو تشاؤم بس ما في شي عم يتغير و ما عم اعرف شو السبب
شو يعني المشاكل
النظافة
الدوام
الامتحان
العلاقات بين الطلاب
الانترنت
الموباليلات
الصور
الرسائل
الطموح
التشاؤم
الحزن
النجاح
الفرح
الانسجاب
الملل
القرف
في مليون عنوان للمباشرة بس انا بتمنى انو نحكي بكل موضوع بشكل موسع مو مرقة طريق



انا بالدورة الاضافية قدمت امتحانات بالكلية الجديدة و لو ما بعرف انو هيدا البناء الجديد ما كنت تعرفت عليه لانو فورا صار فيه وسخ و كتابة ع المقاعد و ورق ع الدرج
رجاء هيدا الحل عنا

فكرة كتير حلوة ..
 


انا طالب متخرج عالاستثنائية

وبحب انقل بعض الافكار  اللي عايشتها

اول شيء لازم يكون في حدا من الكلية دكتور أو رئيس قسم أو عميد
يسمع هي الخواطر (خاطرة واحدة فقط كل فترة ) لأنو هو بالنهاية بني ادم وعنده مشاغل . والواحد لازم يدور منيح على هدا الشخص المناسب

تاني شيء الخاطرة بدها تكون من ضمن صلاحياتو يعني بيقدر يعملها
فمثلا لو اجيت تقلو منهج مادة ما سيء ولازمو تغيير 
هو ما بيقدر لحاله يبلش بهيك حل هي بدها شغلة طويلة عريضة
فلا تطرح خاطرة صعبة التنفيذ

والشخص اللي بدو يفكر بهيك مشروع وبدو يوصل لنتائج لازم يحط الأولوية لدراستو

بالهمك وبقسم الالكترون تحديدا في دكاترة من أولى اهتمامتهم تطوير الجامعة والطلاب :
د خالد شاهين
د رند قوتلي
وفي دكتور بالحواسيب د مازن محايري كان يساعد اي شخص بدو يحسن اي شيء بالكلية مثلا عملو طلاب الحواسيب دورات بالصيف  بعدد من المواد المهمة بشكل مجاني وأخدو الاذن من دكتور محايري

شغلة أخيرة لازم نكون نحنا الطلاب نشيطين ومنظمين لحتى نلاقي اذان تسمع
وبعتقد انو لازم نلاقي

وانا جاهز  للخدمة

السلام عليكم

تفاجئت جدا بهذا التقاعل وإن شاء الله رح نشتغل بإحسان كما فعل أحمد الشقيري


     

كيلوبترا

شكرا على مرورك ونتمنى التواصل الدائم معنا من أجل أن نصل لحلول

       

babyrose    

السلام عليكم

مشكور على مرورك الجميل

بالنسبة لموضوع التسجيل
أنا برأي الجهل من الطلاب نفسهون
يعني بيجي الطالب بدو يسجل ونص الوراق مو جايبهون فيضطر الموظف لعدم تسجيلو

ومع ذلك أنا برأي أن يقوم طلاب بكتابة إرشادات التسجيل والأوراق المطلوبة وتوزيعها ع الطلاب الجداد قريب من شباك ال10 سم   

ولازم يتم تخصيص نافذة في موقع الجامعة خاص بتسجيل الطلاب وتيسير أمورهون
لإن الطالب يكون فرحان بجامعتو وبعد مابيشوف هالروتين بدو يكره الجامعة من ورا التسجيل والوراق  


ومن جديد شكرا على مرورك وإذا في حلول أخرى الرجاء المشاركة



تنبيه:يجب نشر الموضوع كي تعم الفائدة والمسئولية على الجميع
         

canariood

يعطيك العافية

وإن شا الله ألف مبروك ع التخرج

رح تكون مساعدتك مفيدة

وبدنا همّه

وبالنسبة ل:
د خالد شاهين
د رند قوتلي

رح نحاول نوصلهون ونوصل الفكرة كي يساعدونا

لا تبخل علينا بمشاركاتك