أنا ريحت راسي
                                       
الأحد والإثنين سجلت حضور
                                                 
واشتريت كتاب المراقبة
                                                               
وبعدين بحضر المحاضرة يلي بدي ياها

لك شو؟؟

أين أنتم يا قوم

الناس عبيعملوا ساحات وأنتو نايمين .!!؟؟؟

منبلش اليوم صفحة جديدة وما بدي أي تقاعس أو تهاون   

أعطت الدكتورة تذكرة بما عملناه في السنة الماضية والخلاصة أن عملنا كان في العينات الدموية فكنا نأخذ الدم الكامل (سرعة التثفل) أو البلازما أو المصل (السؤال الكلاسيكي اللي فرحانين فيه الدكاترة ومفكرين ما حدا بيعرفوا غيرهم....ما الفرق بين البلازما والمصل؟)


أما الآن سنكمل في العينات البولية ....

بداية الفحص الكيميائي  - الفحص المجهري - والعياني لعينة البول

طبعاً طلت متطوعين من الشباب ...وتطوع أحد الأبطال بهذه المهمة .....

ما مهم تعرفوه ....

وضعنا ستريبstrip في البول وقارنا الألوان فكان النتريت مرتفعاً !! وكان رأينا أن العلبة تاريخ انتهاء صلاحيتها منذ عام 1988 ....!!

ما مشكلة المهم المبدأ

وطبعاً فحصناه عيانياً أصفر مزرق ....!!







طبعاً عبمزح ...(كالعادة    دمي تقيل شو بدي ساوي)


وأخيراً وضعناه في المثفلة 10 دقائق على اساس نفحص الراسب

ولكن لا راسب ....على أساس العينة مانا بول صباحي


ما مشكلة المهم المبدأ أخذنا آخر قطرة ...وفحصناها تحت المجهر لرؤية خلايا بيضاء أو حمراء أو اسطوانات أو بلورات


وبحسب شكل البلورة نعرف تركيبها (مثلاً التابوت ثلاثية الفوسفات)

ما مهم

المهم ما لقينا شي

فقط بعض الفطور نتيجة الاستخدام العشوائي للصادات لبطلنا هذا ....(على أساس تم أخذ العينة بشكل عقيم ووضعت على سلايد عقيم) ...


ما مشكلة المهم المبدأ ...

وخلصت الجلسة بعد حوالي ساعة ....

صيدلة المشافي



أخذنا 3 جلسات : التهاب المثانة – الصداع – الإسهال والإمساك

طبعاً تمت المناقشة وحلت الأسئلة في وراء كل بحث ...

وتمت الاستعانة بالـ BNF

وباعتبار ما حدا بعرف حالي رح أحكي مع حالي ...

فيلي بدو يعرف جواب شي سؤال يكتبلي ياه وبكتبلوا الجواب ..

ههههه

وبفئتنا طلع النتريت عالي كمان.........معناها العطل من صلاحية الستريبس



======================


سمعوا هالموقف اليوم:


مرقت عالصيدلية مرت طريق شي نصف ساعة حسيت رح يصير قصص قلت لضل شوي



المهم أجا شخص اشترى عدة أدوية وطلب أقراص فوار (كالسيوم) ولما بيشوفوه بيتفاجا وبيقول هاد أجنبي ليش عاملينوه (كالسيوم كاربونات) له له له......أنا ما بدي هيك


قلوا الصيدلي: شو بدك لكن !!!

قال الزبون: بدي "كالسيوم ستئرات"

نظر لي الصيدلي عله نسي معلوماته الدراسية.....فقلت: شلون بدو يكون مركب دسم على شكل أقراص فوارة.....ما بينحل بالمي!!!!


قال: لاااااااا الكالسيوم ستئرات امتصاصه أقضل............طيب عطوني إذا في منه Tablet (طبعاً بالانكليزي مشان تبين الثقافة!! ) فقلوه كمان الأقراص هذه (كربونات الكالسيوم)

قلتلو: ما المفروض يكون في كالسيوم ستئرات ........

نظر إلي نظرة استهزاء وشمر انفه لفوق وقال: أنا عرفان شو عم أحكي و"كالسيوم ستئرات" يمتص أفضل لأن طبيعته عضوية مثل الجسم وهالحكي نقلاً عن صيدلاني خبير ......عطيني هاد أجنبي وشوفي شلون عاملينو متل ما عم قول لأنو أحسن (مشيراً بأصبعه إلى العلبة من ورائي بفوقية)......

فما كان مني إلا أن شمرت أنفي قائلة: وأنا سنة خامسة صيدلة وهالدوا كمان (كربونات الكالسيوم) اتفضل..!!!! كيف ستصنع مضغوطات من مادة شحمية ؟؟ هل تعلم ان "ستئرات المغنزيوم" مادة مزلقة للمضغوطات بكميات قليلة جداً وإلا سيفشل التصنيع فكيف ممكن صنع مضغوطات مادتها الأساسية كالسيوم ستئرات !!!!
وكيف سيمتص من الجسم!!



المهم ما اقتنع وراح يجيبها من غير صيدلية    



هلأ ما بعرف إذا تصرفي ونقاشي كان صحيح لكن فلقنا بمفهوميته ومبين مو من جامعة دمشق

ورجعت شفت دستور الأدوية الأمريكي USP30 فما وجدت أي مادة ستصنع بهذا الشكل





توتة توتة خلصت الحتوتة

اي شو هالصيدلي الخبير

ما شاء الله عليه .......


ما بيعرف أنو الكالسيوم ستئرات بتنحط بالأشكال مديدة التحرير (طبعاً أنا هلأ بعرف من المرجع )

منيح يلي خطرلك تردي عليه لو أنا كنت فتت بالحيط ...


المشكلة بطبيعتي كلما خالفني حدا بقول بركي أنا مخربط لما بيكون عندي شك 1% أنو المعلومة خطأ

وفي ناس إذا عندن شك أنو 99% أنو المعلومة خطأ بتنحوا (عفواً على الكلام بس هاد الواقع) وراسون والف سيف أنو يلي سمعوا يمكن ما جارهم أبو عبدو الخضري هو الصح

golden pill
عنجد عجبتني كتيييييييييير ثقتك بحالك....
بالنسبة للموقف ككل مابعرف شلون الطريقة بالضبط ....بس باعتباري عباخد صيدلية المجتمع تازة...لازم نحاول نستوعب هيك شخصيات
"الصيدلة: علم وتجارة وفن" ومنها فن التعامل مع كافة نمازج المجتمع
ها أنا ماعبنظر عليكي ....يمكن الواقف بهالموقف أكيد بيدخل بالحيط وصعب يضبط أعصابوا .....بس لازم نحاول شو بدنا نعمل

شكرا عالحكاية الحلوة

iron_man

والله أنا هيك بصير معي
بس برأي مامنتغلب على هالشعولر إلا بالتدريب الممارسة ...اللي رح يكسبونا الثقة

ولاشو رأيك غولدن

وأنا هيك ما كتير بحب ناقش بضل طالبة ولسا ما تخرجت...... بس هاد من وقت ما أجا متزاولة منو ووقت صار يتأنزع علينا ما قدرت اسكت

اقتباس

ما بيعرف أنو الكالسيوم ستئرات بتنحط بالأشكال مديدة التحرير (طبعاً أنا هلأ بعرف من المرجع )

بس على أساس تكون سواغ مو مادة أساسية.....يعني أنا ما بستخدم مضغوطة كاملة من (كالسيوم ستئرات) حتى أحصل على تحرر مديد من الكالسيوم.....حتى لو كان بدي يتحرر الكالسيوم ببطء بحط مثلاً (كربونات الكالسيوم) كمادة دوائية ومزلق مغنزيوم ستئرات بكمية أعلى من المعتاد بشوي......هلأ عالتركيبة اختراع من عندي بس المهم المبدأ على قولة آيرون بالمشاركة السابقة 

على سيرة المبدأ .....



مو ملاحظين أنو مخابر كليتنا ماشية على هالأساس ......المهم المبدأ ...


دائماً في التجارب الحاسمة (طبعاً أكيد مو البسيطة) ....


ليش ما طلع معنا متل ما مكتوب ومتل ما العالم والخلق بيطلع معها بكليات العالم المتحضر:

طبعاً الجواب حسب المشرف:

1- اللئيم : أنت ما عبتعرف تساوي التجربة ...

طيب بفرض أنت علقت وما رضيت بالجواب وأنت مقتنع أنك طبقت التعليمات 100%

طيب يا دكتور أنا كل شي مكتوب بالنوطة العظيمة ساويته ....

بيصفن شوي بعدين بيرد بعيد نفس الجواب : أكيد أنت مخربط شو عبتكذبني ...........هات أرجيني شطارتك وسمعلي الجلسة رقم س اللي أخذناها من شي شهر....


2- الطيب: اللي بيعرف أنو الأجهزة والكواشف منزوعة ,,,,,,,,


هلأ المهم المبدأ

بيتم عم يرددها طول حياته التدريسية في مخابر كليتنا العظيمة ....

اقتباس

بالنسبة للموقف ككل مابعرف شلون الطريقة بالضبط ....بس باعتباري عباخد صيدلية المجتمع تازة...لازم نحاول نستوعب هيك شخصيات
"الصيدلة: علم وتجارة وفن" ومنها فن التعامل مع كافة نمازج المجتمع

هلأ بهيك مواقف ما بتكوني ما عرفتي تتصرفي .......بس إذا تصرفت غير هيك كان فوراً فكر أنني ليس لي علاقة بالصيدلة........خاصة أنهم يظنوني ابنة الصيدلي فلم يتوقع أنني أصلاً أدرس صيدلة.....

وهيك نموذج ما لازم تمرقيلو أنزعته عليكي وخاصة إذا المعلومة يللي عم يحكيها متأكدة أنو غلط.......



بس أكيد بشكل الواحد يكون واثق بمعلوماته وما يغلط بحق أي شخص






يعني من حقك: نقاش مهذب بالحق وليس بالباطل وخاصة أنه زميل مهنة فالنقاش منطقي يصير