السلام عليكم ورحمة لله وبركاته

~(( بسم الله الرحمن الرحيم ))~

هذه الساحة مخصصة لمادة الكيمياء العضوية (2) ... بقسميها العملي والنظري

نتمنى مشاركة الجميع

وأي معلومة أو نقاش أو سؤال بخصوص المادة مرحب به هنا

بالتوفيق للجميع إن شاء الله

       

مبروك الساحة الجديدة ...

طيب بلشو مناقشة لنشوف

شو أخدتو اليوم عضوية عملي؟؟؟

وكمان بدي أسئل بالنسبة للفئة العاشرة ...

شو كان مطلوب تلخصو؟؟

يعني بس أول 40 صفحة ولا السيتانيليد كمان؟؟

مبروووووووووووووووووووووك الساحة الجديدة

شو منشان العملي

الفئة 9 مين بيعطي فيها

وشو أخدتو
وشو مطلوب تلخيص

مبروك الساحة الجديدة ..........
           
من هي المادة لاكبر مادة .............
ازا بدكن شي
امانة امانة تسالو لا تخجلوووووو............
                 
موفقين ...

مرحبا كيفكمممممممممم

متل ما قالت هلا ونحن اليوم عملنا تجربة تحضير الاسيتانيليد

هلا اول شي بنصحكم انو تراجعوا البلورة وصفات المحل لانو سالتنا عليهم وقالت انو كل جلسة بدنا نعمل بللورة

التجربة كتير سهلة بس الله لا يورجيكم شو عملوا فينا اول شي ما بعرف شو هالانيلين اللي حاطيلنا ياه عدنا التجربة 3 مرات وما يطلع معنا راسب
واخر شي ما ظبطت معي طبعا  
اخر شي خطر ببالها الدكتورة تقوم وتشوف شو الغلط

هلا ما بتوقع يصير معكم شي هيك بس اللي ممكن تغلطوا متلي انا اليوم


وقت عملية البلورة اول شي منسخن 60 مل ماء وبعدين منحط 20 مل ومنصير منضيف 5 ل بعد5 مل

اللي صار انو متل ماهي ورقة الترشيح وهي لساتى بالقمع حطيت ماء قام انحل الراسب ووضفت 50 مل دفعة وحدة والراسب متل ما هو لساتو على ورقة الترشيح 

الصح هو انو تفردو ورقة الترشيح على البيشر وبعدين تحطوا 20 مل بس مو اكتر ومع التسخين منضيف 5 بعد 5


هلا حتى لو طلعوا ماء بتكم اكتر من 50 مل طبعا مع الراسب بضلوا بتسخنوا لليتبخر الماء وهون بتطلع روحكم وما بيتبخر شي

هلا الدكتورة اكيد لح تشرحلكم كل شي ما عد ا هلا الملاحظات الا بعد ماتغلطوا والمردود لازم يطلع تقريبا 75 فاصلة

انا طلع معي 63 بس ما كتير عجبها رفيقتي طلع معها 51 وقالت كتيييير قليل


بالنهاية اذا طلع كتير قليل كل العادة ضيفوا شوي مو كتير منعدكم لانو الراسب عم يحتفظوا فيه ما بعرف شو بدهم يعملوا معو



وبببببببسسسسسسسس

اسفةةةةةةةة اذا طولت 






صحيييي طلعوا كمان معي البلورات سود وما عجبوها كمان قال لازم يطلعوا بيض  


الحل هو كبروا القطنة قد ما فيكم


وتصبحوا على خيييييييييير   

هلأ بالنسبة للبلورات صارت معنا قصة طويلة عريضة
   

أنا عم أشتغل مع بنت مابعرفها وبلشت بهالتجربة وهيك نافش حالي  

وبعد ماوصلت مشان نحط ال50 مل ماء عالهيدريدات الآنيلين نسينا نسخن المحلول وبعدها نحط المي لذلك مانحل بشكل كامل   

فرجعنا حطينا 50 مل مي تانيات وبعدها أجت الدكتورة ولما شافت التجربة كان رح يغمى عليها       

لأنو كترنا مي كتير يعني صار شي 120 مل       

وقالت لازم تتركوا عالنار لحتى يتبخر وضلينا ناطرين شي 30 دقيقة ولم يتبخر سوى 10 مل     

فرحت وتشاطرت ورشحت ال110 مل كاملين وبعد مابردتهون طلعو أحلى بلورات بهالفئة     

ولكن الدكتورة بعد ماأنقطع أملها من تجربتنا وشافت البلورات تفاجئت وشكت      

فزورتني زورة فيها شكوك كتيرة         

وقالت بينها وبين حالها أنو نحنا آخدينها من شي حدا من الطلاب
بس والله نحنا ساويناها    

فنصيحة لاتكتروا مي كتير    

..

اقتباس

فنصيحة لاتكتروا مي كتير

 

لا عادي ..... حتى نحنا طلع المي كتير
بس ممكن يتظبط الوضع بالتبخير ............. أو حتى إذا شحدنا شي بلورة وحدة من رفقاتنا وحكينا جدران البيشر بقضيب عليه هالبقايا من البلورات المشحودة   

فبيمشي الحال إن شاء الله

و كان مردودنا كمان ماشي حالو الحمد لله ....... 78.07%

 

اقتباس

و كان مردودنا كمان ماشي حالو الحمد لله ....... 78.07%

ونحنا كمان الحمد لله ... طلع معنا المردود 78.78

بس أما شو هلعين الثاقبة هي ... يخزي العين

بتعرف الوزن من النظرة الأولى
                                                                                                                                                                                         

انا حبيت هالتجربة مع انها ما ركزت معي وطلع المردود 60.06% بس
والبلورات الله لا يفرجيكون طلعو بني لونهن
(الله يسامح المخبرية   ) لأنها ما رضيت تعطيني قطنة كبيرة
تاني مرة رح جيب كيس القطن معي .....وما بدي منية حدا
بس بشكل عام عملي العضوية احلى عملي