رد مشاركة : اسبوعا لكل عضو نعبر فيه عن حبنا....
اقتباس
أي لأ.. الحكيم ماجد هنا في المقلاية!.. والله نورت والله يعطيك العافية.. مع هالشوبات بدها مقلاية..
اي والله شايفة بالله يا نانون قلب الدهر علينا وفتنا للمقلاية العجيبة ... والدهر يومان يوم لك ويوم عليك ....(((شوب ما ؟؟!!))
اقتباس
بما إني تأخرت وما رح لحق ارجع مرة تانية عالموضوع فرح اسألك كل شي بيخطر ببالي فرد دفعة.. وأنت جاوب بكل صبر .. والله يحمل معك..
معناها اكلناها وما حدا سمى علينا ...
وبســـــــم الله نبدأ
اقتباس
أسئلة جامعية:
1- كيف الهمة عالسنة الدراسية الجديدة؟ ولوين بيوصل طموحك للمستقبل القريب والبعيد على صعيد العمل والصعيد الشخصي؟
متل ما ذكرنا الهمة عال العال .. وانشا الله الله يكتبلنا التوفيق والخير هلئ سنة 5 وفي صعوبة بس الله الموفق باذن الله ... للمستقبل القريب خلص السنة بمعدل عالي انشا الله .. ومتل ما حكيت بدي سجل دورات تقوية باللغة .. وبالنسبة لطموحي البعيد .. اتخرج من الكلية وسجل الاختصاص يلي بحلم فيه من صغغري .. والله يكتب الخير ..
-
اقتباس
شو رأيك بالنظرة السائدة (أو بالأحرى بالحرب الباردة) بين الأطباء والصيادلة.. يعني الطبيب بيعامل الصيدلي وكأنو شغيل تحت إيده وما لازم يصرف دوا مو رضيان الطبيب عنو.. وبنفس الوقت الصيدلي بيحس الطبيب متعجرف ولازمو دورات تقوية بخصوص وصف الأدوية الصحيحة (اللي ما بتشكل مع بعضها مضادات استطباب)... هاد الحال السائد.. فشو رأيك؟
هلئ بالنهاية الطبيب والصيدلي عم يشتغلو لغاية وحدة وهي معالجة المريض ووصف الدوا الازم الو .. وهاد الشي بيطلب اكادمية بالشغل .. وطبعا الاحترام مطلوب فمو غلط اذا الصيدلي دق للدكتور وقلو هدوول الدويين مضاد استطباب مع بعضن مثلا .. بس انو دكتور مو رضيان عن دوا وصفو الصيدلي او الصيدلي بشوف الطبيب ضعيف بوصف الادوية ... وبدون استنادات علمية واكادمية فاكيد هالشي غلط بغلط .. ومتل ما حكيت الاحترام مطلوب ... والله يصلح الاحوااال ..
اقتباس
برأيك شو الرابط المشترك بين دوار اللغات وساحة الطب (ناح الكشك) وكافتيريا الصيدلة (وقبل افتتاحها كان الطابق صفر)؟ (مدري ليش خطرلي هالسؤال بس لأنو بحس في رابط بيناتن)
وشو رأيك بمقصف الصيدلة الجديد؟.. حلو ما؟ بس أسعارو أحلى كالعادة..
هههههههه ضحكتيني والله ... والله ما بعرف شو الرابط بيناتن ...
بس بالنسبة لمقصف الصيدلة الجديد مرتب والله وكتير حلو ... واطيب شي فيو الكابتشينو
وبالنسبة للاسعار فتعودنا ع الخورفة ..
اقتباس
أسئلة شخصية:
4- دكتور أنت مين بتشبه؟.. أهل أمك ولا أهل أبوك؟..
:
:
طول بالك مو هون السؤال.. بما إنك مشروع دكتور فأكيد لازم تكون صحبة مع الوراثة.. لذا..
عطيني بمسألة وراثية صفة وراثية مكتسبها سواء من أمك أو من أبوك مع احتمال الأولاد والنسب..
اقتباس
وتوابعو والذي منو.. وانتبه إذا هالصفة من سلالة صافية ولا لأ.. (معليش لا تدعي عليي.. شدة وبتزول)
هلئ متل ما ئلتي الشغلة وراثة فاكيد صفات بشبه فيها اهل امي وصفات بشبه فيها اهل ابي .. وبالنسبة لمسألة الوراثة منبقى منحكيها تحت الهوا ... ههه مو حلوة بالمقلاية ...
5
اقتباس
- شو رأيك بالزواج المبكر.. هل أنت مع أم ضد.. والسبب..
مع الزواج المبكر مع قدرة الزوج الماديه وتحمل المسؤليه..
ونحن الان بزمن كثره الفتن وعلينا التمسك بسنه الرسول صلى الله عليه وسلم بالزواج وهومن الوسائل للبعد عن الفتن ...
هو جزء بارز من الزواج عموما والذي حث عليه الإسلام ليعيش الإنسان سعيدا، وليكون الزواج وسيلة تعين الإنسان على بلوغ الهدف الأسمى وهو مرضاة الله، عبر التكامل النفسي والخلقي.
بالزواج المبكر تزداد أواصر الروابط والتضامن والمودة والعاطفة أكثر من الزوجين، وبمعزل عن الناس، وبه أيضا يتحقق رضا الله سبحانه وتعالى.
أن مسؤولية الإنفاق التي يتولاها الزوج، تدفعه إلى مضاعفة الجهود، والسعي اكثر لتحقيق الرزق والعيش الرغيد والرفاهية لعائلته و"مجتمعه المصغر"
ولل ننسى ما حث به رسول الله صلى الله عليه وسلم (((يا معشر الشباب من استطاع منكم البائة فليتزوج ))...
6
اقتباس
-صفة في ماجد كإنسان يكره وجودها فيه ويتمنى الخلاص منها.. وأخرى محببة إليه ويتمنى نشرها على كل البشر
بصراحة وذكرت قبل هلئ صفة فيي هي قلة الصبر وطوله البال عندي معدومة ... وصفة كتير سيئة وفيي سميها بصفة (( المتعجل )) الله يقدرنا على تغييرها للافضل ..
واما الصفة المحببه الي فهي الصدق .. والحمد لله على نعم الله ..
7-
اقتباس
شو رأيك بالتدخين؟.. سواء كان إدمان.. أو تنفيخ.. أو ((ضيافة)).. أو أركيلة.. يا ترى مو كلو بينفد على بعضو.. ومنظر الشاب هو وحامل السيجارة وكأنو حامل روحو بين أصابعو.. وعم يحرقها بإرادتو.. شو رأيك فيه؟؟
من اكبر نعم رب العالمين عليي اني بكره التدخين كره العمى وما فيني شم ريحتو لدرجة مو طبيعية ..
وانا برايي ان كان تنفيخ او ضيافة او حتى اركيلة التدخين هو تدخين ... ودلت كتير من الفتاوى على حرمة التدخين .. من مبدأ (( كل ما ثبت ضرره فهو حرام ))
وبالنهاية الشب يلي حامل سيجارتو بايدو متل ما ئلتي وكأنو ماسك روحو هاد انسان مبتلى ..
بس انو المشكلة هدوول الناس بتلاقين هنن اعلم الناس بمضار التدخين واثارو السيئة حتى علي حوليه .. بس سبحان الله .. ما بيتركاها وا بحاول يخفف .. منها ..
الله يعافي كل مبتلى ..
8
اقتباس
- شو رأيك بهالكلام اللي كان رأي أحد الأشخاص بخصوص الزواج العصري:"يعني إذا إنتي ما بتفوتي وبتطلعي مع الشباب فهميني كيف بدك تتزوجي"... وبنفس هالمجال.. يا ترى شو المواصفات اللي بيدور عليها الشب قبل كل شي بزوجته؟.. وشو المواصفات المميزة اللي أنت بتتمناها تكون بزوجتك؟
يعني سبحان الله هالناس كيف بتفكر ... وكانو صار الزواج بالفلتنة والفوتات والطلعات والصياعة .. بس بدي وجه سوال لصاحب هالفكرة .. هل انت بكرا بدور على زوجتك بين هيك بنات .. ولا بدور على البنت المعروفة بأخلائها ودينا ... ولو الاسلام ما بخاف على البنت وبريد حمايتا ما كان فرض الحجاب .. ومنع عنها الاختلاط .. وهاد كلو لصالح الفتاه المسلمة ...
والفتاه المحتشمة والاملتزمة بتبين وهيه غاية كتير من الناس يلي بدون يدورو على الحلال .. والالتزام بالدين هي اول شغلة بدور عليها الشب بالبنت ...
اما الصفات المميزة بزوجتي .. تكون بعد الالتزام الديني والاحتشام . واعية , ذكية ,مثقفة ,وان تتصف بالحياء .. والنصح .
برايي حاجتي اليوم لي عودة لتكفاية اسئلة نهى خانم لانو ما شا الله ما بيقديلن جلسة وحدة ..
يتبع باذن الله
اسبوعا لكل عضو نعبر فيه عن حبنا....
