السلام عليكم ورحمة الله
الزملاء والزميلات الاعزاء
حبيت نستفيد من خبرات بعضنا بما اننا عائلة واحدة في المنتدى
لو استثنينا القران الكريم وكتب صحاح الحديث الشريف
ما هو افضل كتاب قرائته  وتنصحنا بقرائته؟
و ماهو افضل كاتب تحب ان تقرا له ؟
مع شكري الجزيل لكل من يساهم في نشر المعرفة

  هلأ في كتير كتب مفيدة وحلوة
بس انا بصراحة بفضل الكتب والرويات والالغاز القائمة على اسس علمية

تماما متل روايات الكاتبة العملاقة أجاتا كريستي

يعني الغازا كانت مبنية على اسس علمية مفيدة جدا عدا انو شيقة وممتعة

والغازا للكاتبة كلن حلوين

بس انا بفضل اللغز يلي اسمو (غادة طيبة)يعني لغز رائع بيحكي عن مجرمة وقع زمن الفراعنة فظيعة الكاتبة  بتدخلك لتفاصيل الفراعنة وحياتن
وامورن
يعني ولله كانك ساكن معن
وطبعا بالنهاية الجريمة بتنحل باسلوب علمي رااائع



وفي كاتبتي المفضلة التانية يلي هي احلام مستغانمي

وخاصة روايتها الاخيرة
(نسيان.COM)

راائعة


تقبل مروري
موضوع رائع
بانتظار الكتب الشيقة من الزملاء كوني محبة للقراءة بشكل فظيع

السلام عليكم

أفضل كتاب قرأته بالنسبة إلي كتاب ( حتى يغيروا ما بأنفسهم )

للداعية عمرو خالد وهو كتاب رائع يحثنا على النهوض بالأمة الاسلامية

ويعمق مفهوم الإسلام في فكر الشباب خاصة

أنصح الجميع بقرأته وإقتناءه وأتمنى الفائدة لكم

أما من هو أفضل كاتب أحب أن أقرأ له ؟

أحب أن أقرأ للدكتور محمد العريفي وكتبه رائعة جدا

وشكرا لك على هذا الموضوع الرائع والمفيد.

الكاتب أحمد خيري العمري من أفضل الكتّاب
عندو كتابات مثل( كيمياء الصلاة) ورواية( ألواح ودسر )
بتحكي عن قصة سيدنا نوح بواقعنا كتير ممتعة ومفيدة
وشكراًعلى هالموضوع المميز
تقبل مروري.

شكراً أخ علي على الموضوع
المميز والذي سبقتني إليه

من أفضل الكتب التي قرأتها
هي كتاب لاتحزن للشيخ عائض القرني

وكتاب ضياع ديني للكاتب جفري لانغ

وكتاب في بطن الحوت للشيخ محمد عبد الرحمن العريفي

تقبل مروري ودمت بحفظ الرحمن

من أحمل الكتب التي قرأتها وأثرت في حياتي بشكل إيجابي واضح هو كتاب وحي القلم للأديب الراقي والمميز مصطفى صادق الرافعي رحمه الله ... وهو كتاب أدبي وفيه نهج تربوي وأسلوبه بنظري من أرقى وأجمل ما يمكن.............

مرحباااا
الحقيقة سؤال صعب ما بعرف حدد في كتير أشيا بحبها بس لما قريت الردود تذكرت انو فعلا كتاب حتى يغيروا ما بأنفسهم لعمرو خالد كتاب أكتر من رائع بيقدر يغيرنا تغيير فعلي
وطبعا قصص أجاثا كريستي حلوة وأنا متفقة مع اميرة كل النجمات بانو غادة طيبة لغز حلو وكتير بس الأحلى هو الشاهد الصامت
ما بعرف هلأ أنا بالنسبة الي رواية الخيميائي بلاقيها أكتر من رائعة
أحلام مستغانمي بحبلها بس ذاكرة الجسد وتراكيبها بتعجبني
ما بعرف كتير شغلات بحبها والله ما عاد خطر ببالي
وصديقي مشان ردك عموضوعي بحب قلك اني مو قريانة لنجيب الكيلاني بس حأقراله بناء عنصيحتك اما مرتفعات وذرنغ قريتها من زمان كتير من شي 6 سنين
وميرسي عالموضوع الحلو
سلاموو

انا والحمد لله قرات كتاب لا تحزن لعائض القرني وعجبني كتير كتير

وناوي لافترة الجاية اني اشتري كتاب لمحمد حسان

شكرا الك

سلامي للجميع مي انا ابيض القلب

السلام عليكم ورحمة الله
اميرة كل النجمات شكرا على مرورك

انا ما بعرف هذا الكتاب واول مرة بسمع فيه
بس هل هو رواية اما ماذا

ميمي مود
تحياتي و شكرا على مرورك
فعلا كتب عمر خالد كلها هادفة ومفيدة هذا لانه مخلص في نشر الدعوة


و الدكتور العريفي دكتور رائع وهذا يدل على ثقافتك العالية


همسة  شكرا جزيلا على مرورك العطر
و الله انا بصراحة اول مرة اسمع بلكاتب احمد خير العمري
وانشاء الله رح اقرأ كتبو تحياتي الك وباين من عنوان الكتاب انو قيم


وردة دمشق تحياتي وشكرا على مرورك


كتب رائع وقيمة مع اني اول مرة بسمع بلكاتب  جفري لانغ و رح اقرأ من كتبو انشاء الله

لولو 2008
شكرا جزيلا على مرورك عطرتي الموضوع
الكاتب العظيم  الرافعي يستحق منا كل تقدير
و بهنيكي على الاختيار الموفق

اميرة الدموع
شكرا جزيلا على مرورك العطر
انا لم اقرا ابدا لمستغانمي

و يدفعني الفضول للقراءة لها لكن هل ممكن تعطيني فكرا عنها و عن منهاجها بلكتابة و توجهاتها
وشو رواياتها

ابيض القلب

اختيارك للكتاب و للكتب فعلا يدل على بياض قلبك

شكرا على افادتك
مع خالص تحياتي

بصراحة...ما بحسن احسن حط أفضل كتاب قرأتو ..لانو بصراحة كتار....
و لأسباب تانية.....
بس في المفكر فراس السواح...
و نيتشه..
فؤاد زكريا
فرج فودة
محمود درويش
جبران...
نزار
يعني كتبهم حلوة....مع بعض التحفظ...

المهم انا بدي أطلب طلب ...من صاحبة المقال "


الكاتب أحمد خيري العمري من أفضل الكتّاب
عندو كتابات مثل( كيمياء الصلاة) ورواية( ألواح ودسر )
بتحكي عن قصة سيدنا نوح بواقعنا كتير ممتعة ومفيدة
وشكراًعلى هالموضوع المميز
تقبل مروري.



"..


بصراحة ازا ممكن نسخ الكترونية و عاوزها ضروري كتير عن الكتاب و عن كتاب كمان " كيميائية الصلاة"..


لانو بصراحة ما لقيت..فإزا بتحسني تأمني روابط للكتب...بيكون الف شكر و تحية...