لا ولاو pinky girl انا اللي لازم اعتزرلك (كلامي عطول دج)
  ونحنا هون عيلة وحدة والكل اكيد بيحب انو كليتنا تتطور شوي (مو ناقصنا شي)
ولازم نضل نحاول حتى تدخل جامعتنا بال top 500 universities in the world    


سلااااااااااام    

 

وانا معكم من 100% مليون بالميه انو يكون الدراسه باللغه الاجنبيه

لانو والله لازم نكون طلاب  غير شكل وخصوصي نحنا طلاب جامعه دمشق
وكيف اذا كمان كانت شهادتنا بالاجنبي
وانا مع التصويت كمان

أنــا بصراحة مو مع هالفكرة بالمرة .. ليش؟!!

لأنه أنا درست برا بجامعات عربية منهاجها كلو بالإنجليزي و شفت أنو الأفضل لو بتترجم كل المناهج إلى اللغة العربية لأنه في كتير من الطلاب عم بلاقوا صعوبة في فهم الفكرة بصورة مباشرة مع انهم دارسين اللغة الإنجليزية و في منهم كتير متقن إلها.. الدراسة باللغة النجليزية متعبة من جهة استيعاب المضمون بالنسبة لالطالب من المرة الأولى .. بعني رح يصادف قدامه و هو عم يقرأ مصطلاحات صعبة و كلمات أول مرة بشوفها و لهيك رح يطر يترجم يعني أخدت منه وقت أطول لحتى يفهم شو المقصود و المطلوب منه.. و هاد ما عدا فصاحة بعض الدكاترة و اصرارهم على الشرح باللغة الإنجليزية و لي رح ياكلها هو يلي مو مركز أو مرت عليه كلمات ما بيعرف معناها و غيره ..
حتى أثناء الإمتحان.. ورقة الإمتحان كلها بالإنجليزي و مو مسموح يدخل معه أطلس أو مورد للترجمة بصفتها وسائل تغشيش.. يعني السؤال بالانجليزي و ازا ما فهمه أو فهمه غلط و حل إجابته غلط  رح فيها المسكين .. و المشكلة انو الوقت يادوب يكفي لحل الإجابة فكيف لفهم السؤال كم من الوقت رح يضيع عليه ..
هاد كلو كوم و الإجابة باللغة الإنجليزية لازم تكون كوم تاني.. يعني مع لبكة الإمتحان و الخوف إزا المادة صعبة لازم ينتبه و هو عم يحل ما يخطأ من كتابة الكلمة خطأ أو ينقص حرف لانه كلو بحسابو .. و فهمكم كفاية..!

في كتير من الطلاب بحطو براسهم انو يحفظوا الكتاب المقرر عليهم و بس فهمو ولا ما فهمو ما بهمهم .. المهم ينجحوا.. فمين برأيكم أحسن إتخرج وأنا فاهم تخصصي باللغة تبعي ولا اطلاع بس بشهادة و ماني فهمان شي لانو الدراسة باللغة لاجنبية ..
أنا ما بقول أنو الإنجليزي مو مهم بالعكس بس خاصة أثناء الدراسة أهم شي وصل الفكرة لراسي صح لانو مو كلنا رح نشتغل برا بدول أجنبية و رح انمارس مهنتنا باللغة الأجنبية .. !

لا ياجماعة نحنا دولة عربية ولازم نفخر بعروبتنا وما نتعلم الا بالعربي
يعني سمعتو عن شي جامعة بريطانية بتدرس طلابها بالروسي مثلا



واضحة 0000000000000




واحترم ارائكم كذلك  00000000000  وبالتوفيق للجميع في دراستهم و عملهم في المستقبل

هلأ انا بعرف كتير طلاب ما سجلو بجامعة دمشق وراحو لجامعات تانية مستواها اقل بس مشان اللغه


وانا مع ميسون بيلي قالتو ... لانو لو تطبق عنا هيك شي رح يكون وضعنا متل ما حكت واسوء ... بتعرفو لانو النجاح بالمواد ما في اسهل منو بكليتنا 


بعدين بلشو يطبقو التدريس باللغة الانكليزية على كم مادة ... والوضع كان مسخرة بجد وافشل من الفشل


هيك خطوة لازم تكون مدروسة كتيييييييير ومتل ما قال مجد تبلش من المدرسة ومن الدكاترة قبل طلاب الجامعة


مابدي كون متشائمة او رجعية ... بس ازا الحالة رح تكون بكل المواد متل الانشاءات1 فخلينا هيك احسن

انا معكن انو لازم نكون منفتحين وانو اللغة الانكليزية لغة العالم ولازم نواكب التطور وكل هالحكي

بس الجامعة بتعبر عن ثقافة البلد ... وبصراحة انا كتير بفتخر انها باللغة العربية


وكل طالب بيقدر يتعب على حالو ويتعلم اللغة والمصطلحات يلي بتفيدو بمستقبلو وحياتو

انا يا حماعة لما ضفت الموضوع ما ضفته لأني ما بعتز بلغتي بالعكس انا اكتر واحد معتز بالغته بس الموضوع انه كل الشركات عم تقضل اللغة على مستوى الجامعة و اكيد المانيا او فرنسا مالح تحتاج غير لغة لانه مكتفية بحالها

اذا بتسمحولي شارك
فانامن يومين قرأتبحث بقول انو الدارسين بلغتهم الأم هم أكثر كفاءة من من درس بغير لغته واقدر على الاستيعاب
دون ان ننسى خطر الجامعات الاجنبية على انها احد أجندات الاستعمار الحديث
اما الحديث عن افضل 500 جامعة فلا يعني ان تكون كلها تدرس بالانكليزية
مع العلم ان اغلب الجامعات العاسرائيلية تدرس بالعبرية تلك اللغة التي هجرت لفترة وكانت ان تنقرض
تقبلوا مروري

ما شاء الله



اجتمعت في هذا الموضوع كافة الآراء والثقافات......والأفكار



بالنهاية....الموضوع لا يمكن القول بأنه للنقاش....لأن النقاش لا بد أن يفضي الى نتيجة


وحديثنا هذا لا نتيجة مرجوة منه....لأن الأمر كله بيد .....بأيدٍ كثيرة وليس بيد واحدة



لذلك موضوعنا لا يتعدى طرح للآرارء و الأفكار....


وشكرا للجميع



مجد

أرى بان الموضوع أخذ أبعاداً غير ما خطط له


فالحديث عن الاستعمار والامبريالية....والخيانة للعروبة....و التنافس بين الجامعات....بخس الموضوع حقه في طرح الآرارء


وبالنهاية....تذكروا بأن الموضوع لن يتعدى طرح الآرارء....فلا تحملوه فوق ما يحتمل




مجد

أنا مع الدراسة باللغة العربية ..

لعدة أسباب .. وأهمها ..

لا مبرر للدراسة بلغة غير لغتنا ..

مع احترامي لآرائكم ..