طيب أنا فلسطينية شو وطني؟؟سوريا اللي عشت فيها كل عمري؟؟ولا فلسطين اللي ما شفتها بعمري بس بحبها كتير؟؟أحيانا بيجي على بالي هاجر وأحيانا بحس انو لأ الهجرة يمكن هروب والله ما بعرف
سلامووو أحلى دموعة

اشكرك دموع القمر على الموضوع الجميل والمميز متلك وحقيقة الموضوع له شطران :
اولها : حب الوطن لدى جميع الناس مسلمهم وكافرهم حتى وان ابدى الكره للوطن الا انه يحبه داخلينا لوجود شيء يسمى الانتماء ( هناك شواذ لايقاس عليهم ) لذلك الرسول صلى الله عليه وسلم بيحكي لعائشة رضى الله عنها ( لولا ان قومكي اخرجونى ماخرجت ) يعنى من مكة لحبه لها .
ويقول احمد شوقى عندما نفي الى اسبانيا :
حرام على بلابله الدوح            حلال عليه من كل جنس
( يعنى مصر حلال لكل انسان يزورها واهلها يعنى هو حرام عليه زيارتها )

تانيا : من ناحية العيش في وطن لايقدم لمواطنية اي خدمات او خدمات ناقصة وفرص وظيفية قليله وعيشه متعبه اليس الانسان يبحث عن الرفاهية ويبحث عن العيشة الرغدة ياخوانى لما ياتي لانسان وظيفة في الخليج او اوربا او امريكا براتب عالى وبدل سكن واعاشة وعلاج وتذاكر طيران لاربعة من العائلة هل سيظل في سوريا ام ستذهب ؟؟؟؟؟ لايحتاج الى اجابة السؤال .
الكلام يحتاج الى تفكير وتريض في الامر فالحياة متعبه والانسان يريد ان يرتاح فيها
تقبلي مروري مع كل الحب  والاحترام والتقدير ( وهي وجهة نظر )
خالد111

يمكن معك حق بلي عم تحكيه

انا ما بنكر فضل سوريا علي أبدا

بكفي انو  سمحتلي اتآوى تحت في شجرها وآكل من خيرها

فتحتلي مدارسها وجامعاتها وحملتني شهادة رح ضل رافعة راسي فيها وين ما رحت واجيت

بس انا يا دموعة......مشردة الجسد وفلسطينة الروح

انا لسا بعيدة عن بلدي

بلدي يلي كل سنة وسنة عم تصغر لأنو الصهيوني عم يسرقها

وهمي يلي كل يوم عم يكبر ويكبر بكل نشرة أخبار عم اسمعها

انا حبيت سوريا وعشت فيها معظم عمري

بس هاد ما بينفي انو بيوم من الايام لازم ارجع عأرضي

سوريا هي البلد الوحيد يلي اعطتني حقوق وخلتني عيش بين اهلها كأني وحدة منهم

ومع اني حاملة جنسية أردنية بس انا يلي عيشتو هون

ولا بلد من يلي حاولنا نعيش فيهم قدر يحسسنا بالامان والوئام والانتماء متل سوريا

يا سوريين ارفعوا راسكم للسما واحمدوا الله انو بلدكم سوريا

والله نحنا تغربنا كتير وشفنا كتير  بس متل سوريا مافي



وبجد سوريا ...الله حاميها

شوفي أختي الكريمة ... إذا الموضوع بيع وطنيات ... هونيك كتير كتير من الناس اللي بتعبي أسطر ..و بتألف كتب و مجلدات بهادا الشي ...


المهم ... حب الوطن ...... للمواطن ...

قبل ما اسأل حالي هل بحب وطني ... هل أنا مواطن بالأول ...

لهلأ ما بعرف ليش يعتبر خط الإنترنت هو من الرفاهيات ... السيارة من الرفاهيات ..

ليش حسيت أنك مستخفة بالناس لدرجة كبيرة ... و كأنهم بلا قيمة ... و كأن الوطن اللي عم تحكي فيه هو ما انبنا أصلا بالدم ..... مابعرف بس لازم تكرريها ... الوطن انبنا بالدم الي سال على أرضه ... بدم الناس و على فكرة هدول الناس ... الي بنو الوطن .. هن الي بياكلوا زعتر و زيت ...
و بيرشوا الشرطي لأانو ما معهون حق المخالفة ..
و بيوقفوا على بواب الموظفين بيستجدوا انو يتعاملوا كناس ..
الي بينذلوا بوظيفتهون من شان يعيشوا ..

قمة الإنجاز للناس هدول أنهون عايشين بهالوضع ...
تعلموا الحربئة و الفهلوة ليعيشو بهالوضع ...


اللي عايشين من حب الوطن .. معدودين على الأصابع ... و صار عندهم بلايين برات الوطن .. من شان اللولاد ...
بيكفي أنوا تعيشي بهالبلد ليكون هاذا إنجاز ....
انزلي على دوما .. زملكا .. الكباس . جرمانا . اليرموك . دف الشوك . الست زينب . الكسوة . دويلعة . ببيلا . عقربا . المليحة . حرستا .
ملايين من الناس عايشة فوق بعضها ... و مو عايشة من حب الوطن .. ..


أنا ما بعتب على هدول أبدا ... انت مالازم تربي ولادك على السرقة ... و لما يكبرو و يسرقو بتحاسبي .. ( إذا كان مالو مدعوم )

السرفيس ... نعمة من عند الله .. الدراسة نعمة من عند الله ... إذا ابي و جدي . و جد جدي كلهون خدمو الوطن ... و حاربوا من شانو ... و منهم ماتوا من شانوا و ما قصروا بالضرايب .. و لهلا مندفع فواتير الكهربا و المي و التلفون ... مو من أبسط حقوقي أنو ادرس
انو توصل لبيتي الكهربا ..
أنو توصل المي لبيتي ..

المصيبة انوا الناس صارت تعتبر رغيف الخبر هو منحة ... و فضل .. و روح بوس إيدك وش و قفا ..

الفضل و النعمة من الله مو من حدا تاني ... و من حقي انو يكون في خبز ... و رخيص كمان ..

و لا شو رأيكن .. أنو نغلي الخبز ... و الكهربا و المي .. لحتا تعررف الناس حب الوطن ... و يعرف الشخص اللي عم يشتري خبز .. انو هو بألف خير ..و انو الوطن مفضل عليه ...

حب الوطن ما بيكون .. إلا لما بيحس المواطن بقيمته بالوطن تبعه .... مواطن ... من المواطنة بالقرن الواحد و العشرين .الي بيركب طيارة بيصير بأرقى بلاد العالم ...

.. مو انسان .. عادي ..و إلا إذاهيك منرجع كم الف سنة لورا و بقول أنو الإنسان اللي عايش في بلاد الشام عايش بشكل جيد ...

غير هيك .. لا تتعبي ...

مررررررحبااااااااا


عزيزتي دموووووووووووعة

الله يحيي اصلك

تصدقي اشتهيت مرة اسمع هيك حكي

لسا مابقولوا غير

سوريا............................

الف الف الف شكر  عالموضع المميز

ولو انو ملطوووووش

بس منك بيكون مقبول

ولو كم دموعة عندنا


والحمد لله على سلامتك من الثثثث


تحياتي

       

انا بحب وطني كتير

ودائما بردد بقلبي شعارات

أنا سوري اه يانيالي  , سورية الله حاميه...........

وبنزعج من يلي بضلوا يحكوا من شان الحكي بس

انا برايي الواحد يحاول ينتقد الخطأ  ويغيره لانو بحب وطنه

يعن مو صعبة نحل مشكلة الطوابير

أو الشرطي  طبعا هون المشكلة بالاشخاص

مثلا لما ساويت شهادة سواقة :  بصرخ الشرطي لانو  بنا منو شي

وكتير شغلات

مثلا هيك شغلات ما بصير تكون موجودة

ومتل ما قلت مشكلة اشخاص واذا ما انتقدنا رح يساوو اكتر

وكمان منتخب القدم حلنا نصير  حرام هالشعب والله لما بشوف مباراة وبشوف كيف كل

واحد حاطط ايدي على قلبو  وعم يدعي

وبشوف اللعب اييه



"روحي فدى الوطن"




متل انو مو صعبة