اصدقائي الاعزاء....انا تخرجت هذا العام من قسم الادب الانكليزي بعدما درست هذا الفرع بكل متعة وحب لانني امتلك اساسيات اللغة الصحيحة لذلك استفدت ممادرست .انا اقدر مايشعر به الزملاء من توتر لدراستهم هذا الفرع بسبب ضعف اللغة اساسا وانعدام الجانب العملي الذي يزيد الخبرة والثقة بالنفس واتمنى ان يتغير اسلوب التدريس بهذا الفرع للافضل والاحدث.

أنا توقعت مشاركة كيميائية أكبر بس يلا معليش أنا بحكيلكن عن الكيميا
الكيمياء فرع حلو الدراسة فيه أربع سنين طبعا السنة الأولى ما لها علاقة باللياقة
من السنة التانية بيبدى الجد وبتبدى تاخد الكيميا التحليليةوالعضوية والفيزيائية واللا عضوية
عندك اختصاصين فقط لاغير الأول بحتة يعني تدريس والتاني تطبيقية يعني مخابر ومعامل
الكيميا بتدخل بكل شي بحياتنا مشان هيك بتلاقيها قريبة من حياتك ومانها صعبة متل ما بتقول الاشاعات وإذا حدا بحب يعرف أي تفاصيل يا ريت يسأل

بعرف أنو أول مرة بتسمعوا أنو في هيك اختصاص بسوريا (طاقات متجددة)
هو فرع جديد بالسنة الرابعة كهرباءوميكانيك بجامعة دمشق وهو بس سنتين اختصاص رابعة وخامسة وفي ماجستير للراقيين
أنا عم ادرس كهرباء طاقة>>طاقات متجددة لح خبركم شوي عنووا
هو فرع كتير سلس وحلو بخلاف الكهربا مع انو 60% من المواد هي كهرباء
بس عنجد يا سامعين الصوت جامعة دمشق عندها دكاترة شغلة يعني انا شفت منهاج المانيا وفرنسا ما فرقوا عن هون بشي بس بدك من يقدر شهادتنا
على كل نحن بندرس بالطاقة المتجددة (مو البديلة)  طاقة الرياح والشمس والكتلة الحيوية والجوفية وكل شي الله بيبعتوا ببلاش
واكيد ما تفكروا انوا دراسة نظرية بس لأنوا بنوصل لمراحل متقدمة كتير ودراسات تنفيذية كمان وانا شايف لها مستقبل كبير بسورة وبكرة بنذكر بعض....
سامحونا على الإطالة والسلام.

مرحبا انا ما بعر ف وين طلاب المكتبات شو نايمين انحكا على كل الاقسام الا عن المكتبات  مع انو قسم كتير حلو انا ادعو طلاب المكتبات للمشاركة في هالموضوع مشان يعرفو عن القسم وناطرة اشوف النتائج ان شاء الله       

مرحبة أنا حنونة 
تماما"المكتبات حلوة كتير كتير
والحمدلله علاماتي عالية دائما"

مرحبى للجميع أنا رورو فلسطينية سورية بتمنى أستفيد من آراء الأصدقاء وفيدن أنا درست أدب انكليزي وتخرجت جديد أنا بوافق يزن برأيه الأدب الانكليزي فرع بجنن وأنا دخلت عالانكليزي تحدي وربحت التحدي
فرعنا بدو متابعة وبحث كتير و نحنا ما لازم نعتمد علي مناخدو بالجامعة من محاضرات لازم ندور على حالنا والا مامنستفيد شي لان كتير طلاب تخرجوا وما بيعرفوا يحكوا كلمتين انكليزي حتى لنرفع مواد الكلية لازم نبحث خارج كتبنا بس فرعنا حلو كتير وأهمية اللغة الانكليزية ما حدا بيجهلها ونحنا خريجي الأدب الانكليزي وين مارحنا مطلوبين للشغل


[color=green]اذا كان الانسان والزمان ضدي فأنا فلسطينية أعشق التحدي

لماذا أدرس هندسة الطاقة الكهربائية Power Engineering؟

أنا طالب سنة خامسة هندسة كهرباء اختصاص هندسة الطاقات المتجددة RENEWABLE ENERGY ENGINEERING وافتخر وكتبت هذا الموضوع في السنة الثانية على ما أظن بس لما قرأت الموضوع هلق وجدت أنو الاختصاص أكبر من هيك بكتير بس ع كل حال الموضوع كمقدمة جيد ويلي بيحتاج أي معلومات إضافية عن الفرع ممكن نتواصل ع الإيميل :
[email protected]
وبتمنى من كل طالب أو طالبة راغبين الدخول أي فرع أنو يعرفوا بالضبط شو بيدرس الاختصاص قبل ما يسجلواز

لماذا أدرس هندسة الطاقة الكهربائية Power Engineering؟
يدرس هذا الاختصاص مكونات نظم الطاقة الكهربائية وفق ما يلي :
التيار الكهربائي وناقلية المواد له وتأثيراته على الوسط المحيط به من حقول كهرطيسية أو آثار حرارية وكيميائية وغيرها، كما يدرس بشكل أساسي كيفية توليد الطاقة الكهربائية بمردود أقصى وذلك بوساطة العنفات البخارية ( وهي الأكثر شيوعاً في سوريا ) أو المحركات الميكانيكية، أو بوساطة الطاقات المتجددة، كما يدرس كيفية نقل الطاقة من مناطق توليدها ( والتي تكون دائماً بعيدة عن التواجد السكاني ) إلى مناطق استخدامها ( المنازل – المكاتب – المصانع ... ) بأدنى ضياع ممكن.

كما يرتبط بآلية نقل الطاقة ما يسمى بالمحولات Transformers والتي تقوم برفع الجهد أو تخفيضه، حيث يرفع الجهد في مناطق توليد الكهرباء إلى قيم كبيرة ومن ثم يتم تخفيضها قرب مناطق استخدامها، وبالتالي نجد أن دراسة إنشاء الشبكات الكهربائية شيء محتم هي هذا الاختصاص للحفاظ على الطاقة المولدة من الضياع حيث تتم عملية تمديد وسائط النقل ( الأسلاك ) وفقاً لمعايير دقيقة تابعة لعدد من المتغيرات مثل درجات الحرارة (حيث تؤثر على تمدد وتقلص النواقل واهترائها وغير ذلك من العوامل الطبيعية المؤثرة ) والأحمال الكهربائية المستهلكة للطاقة وغيرها.


وقد فرضت الطاقة الشمسية نفسها على هذا الاختصاص حيث أكدت الدراسات على أن الأرض تستقبل 970 ترليون كيلو وات ساعي يومياً (970 Trillion KW.H ) من الطاقة الشمسية، وبالتالي دخل ما يسمى بعلم الطاقات المتجددة Renewable Energy والذي يدرس بشكل أساسي توليد الطاقة الكهربائية من :
الطاقة الشمسية - طاقة الرياح – طاقة المياه الجارية

الطاقات المتجددة

ماذا يمكنني أن أعمل في المستقبل ؟
كخريج من إحدى كليات الطاقة الكهربائية فيمكنك العمل في مجال دراسات توليد الطاقة الكهربائية وتحسين مردودها كما يمكنك العمل في مناطق توليد الكهرباء حيث تشرف على صيانة المولدات والثوربينات البخارية التي تتآكل مع مرور الزمن ، وتدرس كيفية تحسين أدائها وطرق تطويرها ، أو يمكنك العمل في دراسة الشبكات الكهربائية والأحمال المطبقة عليها ومدى تحملها، كما يمكنك العمل في دراسة المحولات ودراسة قيمها بحيث تكون آمنة على المستهلك وذات مردود جيد .

وهناك الكثير من الأبحاث الحديثة التي تقوم بدراسة نظريات جديدة في الكهرباء مثل نقل الطاقة الكهربائية لا سلكياً أو طرق تخزينها في مختلف أنواع الخلايا الحديثة ( خلايا الوقود الحيوي – الخلايا المائية – الخلايا الكهركيميائية ) .

فكرتك حلوة احمد
انا خريج كلية الاعلام..دراستها حلوة..والي بيدرس مو صعبة..بس المشكلة دراستها نظرية والعملي فيها كمان نظري..وكمان مجال عملها نادر..ما بعرف انا لحد الان ما لاقيت شغل بشهادتي...انشالله الله ما رح ينسانا.........اتمنى المساعدة من الجميع

انا طالب حقوق بجامعة حلب سنة رابعة
انا سجلت حقوق وما كانت رغبتي حقوق يعني سجلتها من غير رغبة
اما الان انا كتير مقتنع فيها وبحبها وما بدلها باي فرع تاني

الصديقAlbert Einstein
من كلية البحوث العلمية     
سبق و ورد  رد في هذا الموضوع عن كلية البحوث العلمية
بس أنا حابب ضيف شوي
متل ما تفضل السيد طلال( الكلية كتيييييييييير ممتعة   )
الدراسة حلوة
الأساتذة ممتازين وبيتعبوا كتير
النشاطات الموجودة كتير متنوعة ولا جامعة خاصة
بس المشكلة مو إنو الدراسة صعبة أو فيها ضغط
المشكلة إنو الطالب يتأقلم مع الوضع بس    
ويدخل الفرع وهو ناوي يكمل مو يجرب
وبإذن الله وقتها رح يكمل    
ملاحظة صغيرة لازم تنخفض مساحة الحياة الخارجية الاجتماعية    
اذا حب يمشي بالسليم يعني كل سنة بسنتها
وبشكل شخصي أكتر شي بيعجبني بالمركز إنو
مصلحة الطالب دوماً ضمن إطار الاهتمام
مشكور
سلام
الصديق
Albert Einstein