مرحبا ياغوالي
حمصي مسافر ومعه ببغاء, بالمطار سألوه: هذا الحيوان معك؟
رد الببغاء: "إيه معي
....................................................
في مدرس سأل طالب حمصي
بكرى انت لما تكبر شو بدك تصير
قلو ختيار
....................................................
مرة واحد حمصي اتصل بالاستعلامات
قلها عطيني رقم الاطفاء
قالتلو 999
قلها يعني تلات تسعات
قالتوو اي
قلها اي انا ما عندي غير تسعة وحدة
قالتلوو بالله مانك حمصي
قلها مركبي كاشف يا ملعوني
.................................................
حمصي سال رفيقو : ليش نشره الاخبار طويلة
قال : يمكن اليوم اخر حلقة
..................................................
راح شامي لعند بياع فلافل حمصي
قاللوا عاطيني 3 ساندوتشات فلافل بدون مخلل
قاللوا البياع : ما عندي مخلل ، ساويلك ياهن بدون بندورة
...................................................
: في ضابط بالجيش عم يقول للمجند الحمصي
لك هي ثالث مرة هالشهر عم تطلب مني إجازة
و كل مرة بتقول أنو جدك رح يموت
قام قال له المجند الحمصي : أيه و الله يا سيدي
و أنا كمان بلشت شك أنو جدي عم يكذب
...................................................
حمصي وقع عالدرج
عطاه الدكتور مرهم وقللو بتدهن محل ما وقعت
راح الحمصي دهن الدرج
......................................................
إذا إجالون ولد يسموه مبروك
قام وقت ولدت المره
طلعت الممرضة عبتقولو ألف ألف مبروك
قال : أوف وين بدي أروح فيون هادول كلون
..............................................
قال في مره حمصي بدو يعمل عملية انتحارية
قام فات على مطعم وضرب حالو بالسكين
قام ماتو تلاته من كتر الضحك
.............................................
في طالبين وصلو المدرسة متأخرين
سأل الأستاذ واحد منهم وهو غضبان : وينك لهلا
قاله وهو عم يبكي : في ليرة ضاعتلي وكنت عم دور عليها
وما معي غيرها مصروف
وسأل التاني : وأنت وينك لهلا ليش متأخر؟؟
: قال له
كنت داعس عالليرة
...........................................
مرة واحد وجعه ضرسه
قام راح إلى طبيب حمصي
قام الدكتور خلعله كل أسنانه عدا الضرس المنخور
صعق المريض وقاله شو عملت
قاله إي خليه مثل الكلب لحاله
................................................
اثنين حماصنة كانوا عم يلعبوا شطرنج
من قد ما طولت المباراة معهم مات الملك بجلطة
...............................................
في واحد حمصي اتصل بالإطفاء
وقال شو إذا ما في حريق ما منشوفكن؟؟
...............................................
واحد شامي بيحكي نكت ع الحماصنة كتير
يوم من الأيام ندم وراح ع العمرة مشان يتوب ويستغفر
وقف أمام الكعبة وصار يستغفر
(يارب سامحني أنا حكيت على الحماصنة يارب اغفر لي ما عاد احكي عليهم )
وقف جنبو حمصي سألو من وين القبلة ؟
رفع راسو الشامي وقال : يارب شايف شلون عم يتحركشو فيني ؟
...............................................
انشالله يعجبوكون سلام حار لكل الاعضاء
نكت التسالي و الفرفشة 
وخدو هالكم واحدة
