بعد قضاء أعوام وأعوام في كلية الحقوق وصلت الى نتيجة أنه  فالج لا تعالج
ياما درسنا وطلعت عيوننا بالدراسة وما استفدنا شي ..
الأصعب من هيك انك تكون طالع من الفحص وانت واثق انك مو بس رح تنجح بالمادة لاء ورح تجيب معدل مرتفع , وبعدين تأتي الطامة الكبرى وترى اسمك مع الراسبين ..
هذا الأمر حدث معي كثير وفي آخر دورة قدمتها وخاصة اللغة الفرنسية حتى اني اخذت دروس خصوصي فيها وجاوبت بكل ثقة على الأسئلة ولم اكن اتوقع النتيجة ابدا ..
يعني قدمتها اول مرة بدون دروس خصوصي أخذت 25 % وقدمتها بعد الدروس الخصوص أخذت 35% هههههههههههههههههههههههههههههههههه
شيئ مضحك مبكي والله والأمر من هيك انو يكون تخرجك متعلق على مواد ادارية   

والله ياصديقي اسأل مجرب ولاتسأل حكيم الكلية عنا الواحد وقت يفوت بفكر حالو بدو يطلع شغلة بس وقت السنة التالتة بيكون بس بدو ينجح مو اكتر

والله بس يلاقي الواحد عندو 500صفحة إذا جاب خمسين بالمادة بكون شغلة كتير كبيرة وبالنسبة للمعدل أحياناً جهد كبير كتير وأحياناً حظ بعدين في مواد بدها مهضمات كتير متل الروماني شلون الواحد بدو يحفطها منشان الله فهموني

انا يأسفني انو اقولك كلامك غلط لانو في كتير من الطلاب بس يرفعوا مواد على الستين بيزعلوا كتير فكيف اذا رفعوا على الخمسين

بالنسبة ألي بهتم أني أفهم المادة بغض النظر عن العلامة

شو ماتطلع تطلع
بس أحيانا بيجي دكتور ما بتعرف كيف بيصحح و كيف الأسئلة

فبصير هدفي أني طالع المادة بأي علامة كانت

شكرا لصاحب المناقشة الرائعة يلي بوقتها....

طبعا معروف الحق أولا وأخيرا على القوانين المادية المريخية التي تسنها الإدارة الفاسدة من الوزير المخلوع لرئيس الجامعة للعميد لرؤساء الأقسام بالإضافة للدكاترة يلي هم المنفذين على الأرض وكلهم هدفهم البعيد تحطيم وتدمير العلم وطلابه بسوريا والدليل الغالبية العظمى صار همها النجاح وأنا منهم  وبالسابق كان همهم المادة العلمية والنجاح أمر ثانوي بس هلأ النجاح هو المهم وما عم نوصل لجزء منه رغم دراستنا وحفظنا وتقديمنا الأكثر من رائع
وأنا بالسنة الأولى دخلت والعلمات رمتني لقسمي مثلي مثل غيري  لكني مع الأيام حبيته طبعا كان همي جيب معدل عال لكن وقت بدأنا وكان عنا جاهلي أتى سؤال واحد سبعين علامة من خارج المنهاج وصاحبه العميد الحالي فانسعقت وشاهدت العالم عم تسلم أوراقها فارغة...
أجينا للمواد للتاريخ والثقافة وكتبت بكل وحده أكثر من تسعين لأن مواد حفظية ومافي شي غامض ومعروف وين خطأك
 طبعا المفاجئة رسبت بكثير مواد والمفاجئة الكبرى التاريخ والثقافة حاطين لي خمسين بخمسين يعني ضمن قسمي الأدب العربي لا تفكر بشي اسمه معدل فكر بالنجاح إذا قدرت توصل له فبتكون عنتر بن شداد أما يلي بقسمه الدكاترة عادلين ورائعين ومنصفين وأصدقاء لطالب العلم  وبصلحو لك ورقتك كاملة بعدل وإنصاف فحرام بحقك اتجيب تحت الثمانين

وقالها أحد دكاترتنا العظماء الشرفاء أنه بقسم الأدب العربي الآن  بدل من أن ينشئ مدافعين عن العربية وأهلها أصبح ينشئ أعداء للعربية بسبب الظلم والجور المقذع الذي أنا كدكتور كدت أن ألتظي به , فنرى الدكاترة همهم  أن يستلمو معاشهم في آخر الشهر وإن استطاعوا أن يحصلو على أموال بطرق غير مشروعة عن طريق تعجيز الطلاب وتحطيمهم بنسب النجاح المتدنية وتشكيكهم بقدراتهم لكي يدفع  فيا حبذا ذلك....... والسبب الرئيس أنه لا يوجد قوانين تقف مع الطالب وتدعمه وتقدم له الراحة النفسية كتحريم نسب النجاح المتدنية

wissam90
وجهة نظرك رائعة وطبعا ما بيسترجو وبتجرئوا يفكروا يعمل أب لود ونصير انشوف وين أخطائنا
ولا تنسى إنو الشخص يلي بده يرفع طلب تظلم لحتى يعرف وين طاروا علاماته بده يتك خمس ميت ليرة وبالأخير بحطو لك كل سؤال علامته وبجمعو مرة أخرى وبيطلع الطالب الغلطان وآخذ حقه وبطير الخمس مية عليك وعد كم خمس ميات وكان يتقاسمها الدكتورة أو الدكتور الظالم و المخلوع غياث بركات لأن إذا طلع الحق عليهم بترجع لك فما بصير هذا الدكتور أو الدكتورة الملاك إنو يخطئوا عيب هم أنبياء معصومون ....


وبالنسبة للعميد كنا نظن أنه محترم ويحب العربية والعلم لكن للأسف هو عدو للطلاب والعربية وأول من حاربهم بقراراته طلاب العربية وبالمعية طلاب الإنكليزي

وطبعا زوجته رغم قدرتها الرائعة على إعطاء الإسلامي والأموي  لكنها ظالمة جدا جدا ووقت صار زوجها عميد معاد صلحت قسمها المنجح والمرسب وحتى صار لها من بين الطلاب رجل أعمال كما سمعت وبتدفع لتجنح ضمن سرية عالية و هي مرت العميد ما حدا بيسترجي يقول لها لماذا؟؟ أو يدقق وراها ....


فكل الأسباب السابقة وغيرها خلتنا نحن كطلاب علم بسوريا يصير همنا بس ننجح ونخلص وانشوف عسكريتنا يلي عم تنتظرنا للننفصل من الجامعة أو انخلص  يعني الخمسين قبلانين فيها وزيادة

والله يا شباب همي الوحيد اني اخلص من مواد السنة يلي عم قدم فيها سواء كان بمعدل او بلا معدل

والله انا بعمري ماكنت هيك ع أيام المدرسة ،، بس وقت قدمت سنة اولى بالجامعة انصدمت كتير
صحيح كان الي اسبابي المبررة بس للأسف فعلا صار همي بس رفع المواد ،،، هاد بالفصل الأول بس بالفصل الثاني حاولت شد الهمة من جديد وفعلا وقت عزمت صار في شوية تطور ..

هلئ الأسباب كتيرة بس المهم الحل واللي هو تقدير قيمة العلم والعزم على الإبداع في ماندرس ...




مشكور كتير .. بالفعل الموضوع مهم 

بعد أكتر من صدمة ببعض المواد
وصلنا لأنو بس بدنا ننجح مع التمنيات الطيبة بالحصول على معدل