انا بصراحة طالب حقوق سنة تانية و عان اي ابداع يا شباب عم نحكي اكيد معظم الطلاب بكليتنا و بالجامعات السورية فايتين عفرعن لانو طلعلن لا لاكتر و لا اقل يعني الشغلة كلا مسخرة و ما حدا عرفان شو بدو يعمل لك تصورو يا جماعة انو في طالب حقوق بعرفو سنة تانية ما بيعرف شو الفرق بين العذر المحل و بين سبب التبرير و ما بيعرف شو الفرق بين العقار و المنقول و لسا بتقلي معدل انا برايي بغض النظر عن المعدل _اللي هوي لازم برايي_لازم الطالب يكون فهمان شو عم يدرس و يكون مقتنع فيه و شكرا

الصراحة amerooo ولو كان رأيي قاسي شوي بس الواقع أنو الحقوق صارت كلية إجبارية لأنو أغلب الطلاب فاتولها لأنو ما طلعلون أحسن...أو كانو بيفكرو بشي ولقو شي أو أي سبب ..
يعني قلائل الطلاب إلي فايتين برغبة وبالتالي الكل بدو يخلص...
يعدين في موضوع أنو الطالب ما بحس بأهمية العلامات والمعدل إلا باّخر سنة أو سنتين وبصير بيركد وما بيلحق...
********والله يوفق الكل**********

أنا برأيي أنو المشكلة بالكتب يللي عمندرسها و الكتاب بالنسبة للدكاترة هو الغاية و يللي لازم كل الطلاب يحفظوا عن ظهر قلب بينما الكتاب هو الوسيلة التي توصل المعلومة للطالب . حفظ 500 أو 400 صفحة والتقيد بكلماته هو mission impossible و طبعا في طلاب توم كروزيين قادرين يجيبوا 90 و أكتر
و أنا أكتر شي ضحكت عليه خلال السنة الماضية كان لما عميد الكلية عمبقول : أسلوب الأتمتة أسلوب خاطئ لأن الطالب يجب أن يستخدم قوته في التعبير لا أن يختار من متعدد .
ولما طلعوا علمات أكتر من مادة وكانت علمات متواضعة بتعرفوا شو كان رد الدكتور العمبد ؟ : لازم تتقيدوا بحرفية الكتاب وما تخترعوا كلام  من عندكم .

لازم نصيغ كتب كل سنة بسنتها و تكون مختصرة ومفيدة ولازم مو كل دكتور يعملي كتاب دراسي للطلاب مرجع , لأنو مليان مراجع بالمكتبة يللي مفتوحة للجميع

ومن ناحية أخرى لا يستطيع أحد إنكار الأخطاء التصحيحية لبعض الدكاتره المعروفين إنو بحاسبو علا الحرف ويللي نحنا بنسمي خطأ في التصحيح هم يسمونه "الدقة في الإجابة " يعني كلية الحقوق هي واحدة من أكثر الكليات الأكاديمية التي يجب ان تكون مليئة بالمناقشات بين الطلاب و الدكتور و لكن كلما احتدم النقاش يبدأ الدكتور بالنظر الى ساعته ويقول خلينا نبدأ الدرس .

مشكلة أن الطالب يريد النجاح فقط منبعثة عن عدم ثقة الطالب بالدكتور(في المواد الكتابية) أو عن ضخم المادة و قلة سلاستها أو لأن الدكتور يأتي بأسئلة , الطالب العادي لن يستطيع النجاح في ظلها (الرجل المعتاد و ليس الكسول)
والحل هو تحميل UPLOAD لجميع الأوراق الامتحانية الكتابية على الإنترنيت ليكون كل طالب قادر على معرفة أين ذهبت علاماته
لكن طبعا لن يفعلوا ذلك لكي لا تفتح عليهم أبواب جهنم

انا برايي الشخصي انو الطالب الذي يسعى للنجاح فقط هو طالب فاشل وحرام يدخل يقدم امتحان وغالبا الطالب يلي بيقدم الامتحان لينجح وبس ما بينجح لانو يلي بيحط ببالو يجيب 70 % أو اكتر يادوب ينجح فما بالكم الطالب الذي يسعى لل50 فقط فغالبا بيحصل على 30 أو اقل وبعدها بيسأل السؤال المعتاد عند أغلب الطلاب ياترى ليش رسبوني مع اني كاتبلو ب50 علامة (يا لطيف هالدكتور شوبيظلم) بس بالحقيقة الطالب بيكون بيعرف مسبقا انو ظلم حالو بإيدو .

وأنا بحكي عن نفسي وبكل فخر ترفعت كل سنة بسنتها وبمعدل عام لايقل عن 71% خلال الاربع سنوات وهي السنة بتخرج بإذن الله على الرغم أني بشتغل مع الدراسة والسبب بسيط وهو أني حاطط  هدف براسي وان شاء الله حأوصلو قريبا جدا .

بتمنى النجاح والتوفيق للجميع ويكون دايما عندكم تفاؤل وأمل بالحياة ( مع أنو ما في شي بيشجع) وخليكن على يقين انو الانسان جبار وقادر على كل شي بس يحط هدف ببالو.

         

       

ana">[انا براي الشخصي نعم  بدي النجاح وبس لانو في كتير مواد بندرسها لكن ما بنجيب علامة غير الخمسين  هادا اذا نجحنا فيها بطلع منها وكانوا كنا بحرب  اما لانو الملومات كتير كثيفة وعقلنا ما عم يجمع  وبنصل عا الفحص هلكانين ما عاد في قوة حتى نكتب عا الورقة عنجد هادا اللي عم بيصير فينا  انا بكالوريتي ادبي وكنت كتير احفظ ام هلق بعد ما دخلت حقوق مدري شو صار معي    مشان ما طول انا براي انو النجاح بيكفي وبس بعد ما انقلبت المواد وصارت كتابي    لا واحلى شي هالمواد المؤتمتة اللي بحطونا ياها بين المواد الكتيرة الكتابية الكتيرة بيتجي انت بتخربط كيف بدك تحفظ [/type]

شكرا لكل اللي مروا وشاركو برئين 

مع المزيد من الاراء مستقبلا

وبتمنى التوفيئ لكل  الطلاب
بمافيهن طلاب الحقوق.طلاب الكفاح والمعاناه الدائمه مع هالكلية
وطاقمها التدريسي 

يعني أخي الكريم سؤال محرج شوي

لما بترسب بالمادة ع 48أو47

ولما بتكون نسبة المتقدمين على مادة 3800 طالب

ولما بتكون الاسئلة تعجيزية

ولما.................. معليش 50مقبولة وكتير خير الله     ;i(7;

أنا قريت أغلب المشاركات بس عجبني بعض الجمل اللي منها :
1) في ظل تنافس الدكاتره على تقليل نسبة النجاح
    اصبح من المستحيل انو نشوف علامات عاليه

2) لما بترسب بالمادة ع 48أو47
    ولما بتكون نسبة المتقدمين على مادة 3800 طالب
    ولما بتكون الاسئلة تعجيزية
    معليش 50 مقبولة وكتير خير الله

بتوقع من الكل أنكن عرفتو رأيي    بتكفي ال 50   

ان عم احكي من تجربة لأن با السنة يلي مضت كنت عم حاول جيب معدل عالي بالمواد وجبت بس ماحدا توقع احمل خمس مواد هي السنة بعد مارسبت السنة الماضية صار في ظروف منعتني انجح فيهم لو على الخمسين  الفصل الثاني قدمت المواد وناطرة انكليزي فصل تاني او العقوبات فصل اول حتى اترفع ومتمنية رفعها على 50  حتى لو المعدل بدو  ينزل    

بصراحة المفروض انو يكون فهم المادة واتقانا وبالتالي الحصول على معدل فيا هو المطلوب
ولكن للأسف بظل ظروف الكلية المأساوية ووضع المواد وحجما والشروع بالقتل يلي بقومو فيه الدكاترة أثناء التصحيح بتوصل لنتيجة انو يارب خمسين وبس وفوق منا ركعتين شكر لله تعالى لأنو ترفعت المادة وخلصنا مناا
مع احترامي لرأي زميلي يلي قال انو كل انسان عندو هدف وانو هوو رفع كل سنة بسنتا وجاب معدل هو الله يباركلو بس مافيو يحمل كل الطلاب اسباب الفشل لأنو كتير طلاب وانا وحدة منن كتبنا بأكتر من مادة ب 80 ونحملت المادة هي مو قاعدة
شكراا كتير تقبلوو مروري