ممكن ننقسم لمجموعات وكل مجموعة بتتبنى ورشات أيام محددة بالأسبوع
يا اما قبل كل ورشة خلينا ناكد بهالساحة مين جاية يدرب
يعني حتى نعرف ننظم وقتنا وما نتفاجأ بورشات بدون مدربين مثلاً
بكرة رح يجي:
(أسيل - مها - نجم - نسرين) وما بعرف إذا ممكن حدا خامس يجي
وكمان هلأ محتارة يا أما لازم نفتح ورشة يوم الأربعاء أو خطر ببالي فكرة أنو نفتح ورشة يوم الثلاثاء الصبح 10.30
لأن هنالك ورشة الساعة 1.30 - 3 فخلينا نستغل فترة الصبح لورشة أخرى وتكملتها تكون يوم الأربعاء لكن أكيد لازم مجموعة مدربين تكون الصبح ومجموعة أخرى الظهر....
وخاصة أنني علمت ان هنالك مجموعة من طلاب المكتبات اختاروا يوم الخميس (12 - -3) لورشة خاصة بهم,,,,,,
هلأ بالنسبة للمدربين ............. بظن إنو صار في خمسة أو حتى ستة بيقدرو يجو بكرة ........... بس إذا كان في أكتر كمان بيكون أحسن !!
بس ممكن أعرف شو هو الترتيب يلي قررتو تعتمدوه بالتدريب بعد الاستفتاء ؟
وكمان شغلة .............
ياريت نوضح للناس يلي بدها تتدرب إنو نحنا مشروعنا اسمو ويكيسيريا ........ وعنا مجموعة بريدية خاصة فيه ............
(( بس بدون ما نقول إنو المدربين ما بيعرفو يشتغلو عليها ))
وطبعا موسوعة المعرفة مشكورة وافقت تستضيفنا على صفحاتها .......... يعني ليس نحن يلي أسسناها !
مشان السؤال يلي سألو اليوم واحد من المتدربين بخصوص إذا منقدر نخلي فقرة من الفقرات غير قابلة للتعديل ............
هلأ أنا شفت هيك تعليمة عن هالموضوع بس فكرتها بتحمي كل المقالة من التعديل ............ طلعت هي التعليمة بس بتروح كلمة (تحرير) الموجودة قدام الفقرات
يعني يمكن هي بتقدر تحمي بس المقالات الطويلة يلي عادة منحررها كل قسم لحال
فينا نكتب قبل أي فقرة __NOEDITSECTION__
أو __لاتحريرقسم__
بس ممكن نصير قادرين نحمي مقالة كاملة إذا قدرنا نكتشف الطريقة يلي حاميين فيها الصفحة الرئيسية بحيث يصير يطلع فوق (عرض المصدر) بدال (عدل)
بس وقتها هي بكون صار اسمها موسوعة انفرادية ............. مو تشاركية!!!!!!!!!
وفي كم شغلة نحنا ماكتير منحتاجن ...........
مثلا إذا بدنا نغير مكان الفهرس بالمقالة ..
منكتب بالمكان المطلوب __TOC__ أو __فهرس__
وشغلات تانية ما فهمتها !!!!!!!
============================
بس اقتراح لو سمحتو مشان التدريب ................
ياريت تكون كل الورشات الباقية على يومين عالأقل .............. وحتى لو ساعتين بدال 3 ساعات مثلا كمان ما في مشكلة ............... بس أهم شي مو متل اليوم !!!!!!
لأنو بالأخير صارو المعلومات كتير مكثفين وما حدا لحق يجرب شي بإيدو .....
============================
كمان شغلة أخيرة .......
إذا منقدر نجمع المتدربين ضمن مجموعات كل واحد حسب اختصاصه مشان تكون الأمثلة من علم واحد وحتى نصير عرفانين شو الشغلات يلي بتهمهن
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net