مرحبا شباب وصبايا كيفكون؟؟؟ بدي أسألكون سؤال
هلأ لاحظت انو المنتدى مليان بأسئلة من نوع شو أكتر شي زعلك بحياتك؟؟وشو أكتر شي صدمك؟؟ وشو أكتر شي بيأثر فيك؟؟ طيب والله حاجتنا زعل شو رأيكون كل واحد يحكيلنا موقف محرج صار معه؟؟بس بشرط يكون مضحك أو موقف مضحك عادي مو شرط يكون محرج يعني وبليز بعرف انو الموضوع للتسلية فما في داعي حدا يفوت ويقلي في شغلات بالحياة أهم نناقشها أو الموضوع لا يستحق المناقشة بس بصراحة فاقسة معي ومالة وجاي عبالي شوية فرفشة شو قلتو شباب صبايا؟؟ ما تحبطوني بليز يلا كل واحد يحكيلنا شي

مرحبا  :
أنا نطرت لحتى يفتح الموضوع لحتى رد دغري عليه

ليش ليقولوا هالحكي إذا أنت حاطة الموضوع بمحلو ؟؟؟؟؟؟؟؟؟؟؟؟
حاطتيه بقسم التسلية بقا مو من حقن يحكو هيك صح أو لأ ؟؟؟؟؟؟؟

بقا رح أحكيلك قصة صارت معي

مرة أنا وعم قدم أمتحان بالجامعة هي السنة
قاعد بقاعة الأمتحان ما بلاقيلك غير مراقبة
بتوقف فوق راسي وبتقلي ليش عم تنقل
مع أنو وقتا ما كنت عم أتنقل
وتطلعت فيا مستغرب أنو شبها هي
ما فهمت عليها شو بدها
وفتلت راسي وكأن مافي شي صار
بس يا حزرك شو طلع بدها هالمراقبة
طلع بدها ينقلني الأسئلة
بقا بس طلعت من الأمتحان رحت لعندها
لشوف ليش قالتلي "ليش عم تنقل"
تطلعت فيني وقالتلي لك أنا كان بدي نقلك
الأجوبة يا ذكي
وبس عرفت بهالشي صرت أضحك كتير
لدرجة أنو معد أقدر وقف على رجليي

عنجد بالله لو صار معكن هاد الموقف شو بكون ردكن ؟؟؟

عنجد نهفة هالمراقبة يا ريت
لو تجي تراقبني مرة تانية

لو رجعت أجت وراقبتني ما كنت رح أكتب شي
كنت رح ضل أضحك بقلب القاعة لحتى أتقلع


بقا شو رأيكن بهالموقف 
حلو ما وبضحك








ابراهيم ..............

مرحبااااااااا........


ما عاش الملل ونحنا موجودين........

مرحبا شباب كيفكون؟؟والله هالمنتدى بدون ابراهيم وأمير حمص ما حلو أبدا أبدا انتو أحلى أخين وصديقين
كيفك ابراهيم؟؟اي هيك ها ما تطول علينا الغيبة هلأ ابراهيم من جد ضحكتني بس الله يصلحك معقول راحت عليك الفرصة؟؟هالمراقبة شكلها كتير صاحبة خير
أما أنت أمير المنتدى أمير حمص فشو هالشطارة؟؟حدا بينقل غلط وما بيحس كليا؟؟
وفي شغلة هلأ قلي ابراهيم بدو يصير يقلي أمورة وانت كمان حتصير تقلي أمورة؟؟كتير حلوووووووو لكن حقلكون شي بس ما تقولو لحدا أنا مو بس أمورة وشطورة كمان وبعمري ما تنقلت بنقل غيري أحيانا بس ما بتنقل ههههه شلون هيك تمام ما؟؟

هلأ حاولت أكتب شي موقف عم فكر وما عم لاقي غالبا مواقفي غباء وإحراج مرة بأول الجامعة تعرفت عبنت وكل ما اسألها سؤال تمزح وتجاوبني شي جواب غريب وأنا قلها لأ عنجد حاكيني كل هاد وانا ما بعرف اسمها قام مرة قلتلها شو اسمك؟؟فقالتلي اسمها وهو اسم شوي غريب ومو متداول قام من ذكائي الخارق فكرتها عم تمزح رحت تصنعتلكون هديك الضحكة القوية وقلتلها ههههه لا عنجد شو اسمك؟؟
قام قالتلي والله هيك اسمي واناااااااااا دبت بأواعيي
مرة تانية راكبة باص اخضر تبع النقل الداخلي ورايحة عالجامعة وزحمة كتيييييير بالباص وكمان بكل غباء بدي أنزل من كرسيي وكان الباص كلو أجانب فطاخ نزلت ووقعت بأحضان واحد أجنبي هلأ الباص كلو ضحك عليي بس أنا بصراحة تجمعت دموعي عنجد كان إحراج بإحراج
يلا خبرونا يا جماعة مواقفكون

مرحبا أموررررررررررة  : كيفك ؟

أنا رح أحكي بأسمي وبأسم أخي أمير حمص
طبعاً أكيد إذا بيسمحلي
تسلميلي يا رب أنت المنتدى بدونك مو حلو
أنت يا أمورة صرتي أخت وصديقة وأعز

بس شو هالمواقف اللي صارت معك ولو
مو حلوين     
عم أمزح أكيد ها لا تاخديا جد

اقتباس

هلأ ابراهيم من جد ضحكتني بس الله يصلحك معقول راحت عليك الفرصة؟؟هالمراقبة شكلها كتير صاحبة خير

الحمد لله أني قدرت ضحكك
بس شو ساوي فكرتا عم تعيط عليي
كان بكل بساطة تقلي شو بدك 
حدا بدو ينقل حدى بقلو ليش عم تنقل

اقتباس

أما أنت أمير المنتدى أمير حمص فشو هالشطارة؟؟حدا بينقل غلط وما بيحس كليا؟؟

بعدين مقلك الزلمة :

اقتباس

الجزء التاني لا دارسو ولا حضران محاضراتو

أي كيف بدو يعرف شو عم ينقل

ميرسي كتير حبيبتي أموورة

هاد موقفي يلي بيعطي على جدبة

في مرة السنة الماضية _بالعاشر يعني_  كانت آخر حصة فراغ
و كنت بالباحة أنا ورفقاتي
متجهزين مشان نروح عالبيت
قاعدين عم نحكي   ولما رن
الجرس  فتت عالصف آخد شنتايتي  وإذ بلاقي المقعد
فاضي _اسودت الدنيا بوشي_ فتلت ملات الصف
ما خليت بنت ما سألتها والمصيبة يقولولي ما منعرف
وبعد جهد جهيد
وإذ بستند عالحيط وبلاقيها مركنة على ضهري

آآآآآآه كل ما أتذكر حالي بفرط ضحك


طبعاً رفقاتي ما سلمو مني وأكلو يلي في النصيب

السلام عليكم
كيفكم شباب أنا بدي أحكيلكون على موقف مو مضحك على أد ما هو محرج جدا بالنسبة ألي
مرة كنت معزوم لقضي كم يوم عند بيت خالتي يلي عايشة بلبنان وكنت وقتها خالص فحص البكى لو رأى  ( البكالوريا )...
وكان صرلي زمان مو شايف ولاد وبنات خالتي من وقت ما كنا صغار ويلي صارو صبايا وشباب
وبما إني كنت وقتها بحب الضحك والمزح وكنت على طول فجر دعابات لحتى أنسى مرارة سنة  البكالوريا
وكان الكل يحب يحكي معي لحد ما اجى هداك اليوم المشئوم .......
عملت خالتي غداء بيتقدم لملوك شي سبعين صنف و الطاولة اكبر من طاولة البلياردو معباية أشكال ألوان و اجتمعوا بيت خالتي مع والدتي على الطاولة وكانت خالتي ما خلصت لسه جيب الأكل ونحنا عم نستنا
وفجاة حبيت اتهاضم وصرت امزح مع بنات خالتي على اساس أنا شي زلمة موجب وارستقراطي مسكت طرف المدة المحطوطة على الطاولة يلي معباية صحون وكاسات وحطيتها بقبة كنزتي على أساس المنديل يلي بيحطو الممثلين بالأفلام وقت بياكلو و صرنا نمزح ونضحك وما في دقيقتين تلاتة نسيت أنا شو حاطط بقبة الكنزة واجت خالتي حاملة صينية سخنه فيها الطبق الرئيسي وبما أني صاحب واجب وكتير غلبة فزيت مثل النمر لحتى أخد منها و ما سمعتلكم من ورايي الا صوت شهقة جماعية و صوت تكسير شي مية صحن وكاسة ما ضل ولا ملعقة تعتب عليي كلو صار بالأرض وصار الأكل كلو سلطة مو معروف على الأرض نوع من نوع  وأنا حسيت حالي وقتها غليــــــــــــــظ  و تمنيت انو الأرض تنشق وتبلعني و من هداك اليوم وأنا اسمي على البلاك ليست على الحدود اللبنانية .....
القصة صرلها كذا سنة بس من وقتها لهلق كل ما بتذكر هالقصة  بيأشعر بدني ....

مرحبا شباب وصبايا
رح احكيلكون عن موقف صار معي منشي خمس سنين يعني بالاعدادي
فقت من هلصبح ولبست تيابي وضبيت برنامج بس دورت علشنتايه ما لقيتا
وبكل صوت جعاري : ماما وين شنتايتي 
قالتلي مغسوله لانو كان فاير هليها القلم 
قمت حطيت غراضي بكيس من بين لغراض بجامه لرياضة لانو يوميتا كان عنا حصة رياضه
حملت هلكيس وانا طالع من الباب حملت كيس لزباله معي بالايد التانيه ولما وصلت علحاويه كبيتو
بس الصدمه كانت على باب المدرسه  لما اكتشفت اني كابب كيس المدرسه وحامل كيس لزباله   
وبلالكن لكماله لانو فيها شوية بهدلة 

نشالله ما كنت غليز عليكن
وموضوع كتير حلو امير  بس مو لابقتلك الدموع لانو شكلو دمك خفيف

مرحبااااااااااا يا حلوين......