مبارح طلعلي د.خليل بالمنام

وكان بدو يقوصني

اي والله هيك بتذكر

وأنا عبهدي للدكتور وكمان كان معه كم دكتور

شدو الهمة

بدي أعمل مقارنة بين علامات المشاركين بالترجمة وعلامات العشرة الأوائل

...........

لا تخجلونا

د.شادن ما كانت تركز عالأرقام بس حسيت أنو ركزت على نص الأعشاب

=========================
شو هالمنام.....مالو professional بنوب....

لأنو د.خليل لو بدو يقضي عليك.....فالأسلحة الجرثومية أسهل وأكثر نجاعة من "التقويص"......



بعدين يعني لأنك فرنسي بدك تقارن علاماتنا مع العشرة الأوائل؟؟!!

نحنا بدنا نقارنك وقت علامات "الصحة" !!!! هيك بيكون الوضع عادل.....


===========

يا حسرتي عالفرنسي.....بسبب الفحوصة راح عليّ تحديد المستوى....يعني هالصيفية كمان راح عليّ التسجيل


بدي أسألك: عندك سيدي صوتي للكتاب G Mauger 2 

لأنو قال حق السيدي عند الشاشاتي بيطلع شي 600 ليرة






موفقين
au revoir

لا ولي شو مقارنة
                                                                         
أنا مخبص هالفصل
                                                                         
ما خليت شي من ويكي وترجمة ومؤتمرات إلا الدراسة أثناء السنة
                                                                 
وبعدين أنا حلمي أفظع من حلمك

طلعلي د. زمريق بالمنام عم يوزع الوراق ويراقب عليي لحالي

والأسئلة للدكتور عيسى

والأسئلة دستة كاملة محطوطة بملف بني

لا وملزقة الوراق ببعضها وكل ما قلب ورقة تنشق

فبعتي د.خليل هو وفردو أحسنلي من هالعزاب

تذكرت شغلة حول الجامعات بالخليج
                                                                             
في عندهم مادة بالسنة التمهيدية من ضمنها بعلموك كيف تدرس من الكتب (المراجع الكبيرة)
                                                                               
يعني مثلا بقلك بأقل من دقيقة بدك تعطيني عنوان للفقرة وكلمات مفتاحية ومدري شو
                                                                                         
هالشغلة بتساعد على سرعة الدراسة

(((((((((((((000بعدين يعني لأنك فرنسي بدك تقارن علاماتنا مع العشرة الأوائل؟؟!!

نحنا بدنا نقارنك وقت علامات "الصحة" !!!! هيك بيكون الوضع عادل.....)))))))))))

لا ما دخل هي بهي

الله يرضى عليكم

بعدين أنا ما برضى بفرق أقل من 20%  ....فشدو الهمة من هلأ

((((((((((00بدي أسألك: عندك سيدي صوتي للكتاب G Mauger 2 ))))))))

ما أنا طلقت الفرنسي من زمان

قال كريس براينت وزير الدولة البريطاني السابق للشؤون الخارجية بأن اللغة الفرنسية لم تعد مجدية ونافعة مقارنة باللغة العربية مضيفا ً "نقلت هذا الرأي للفرنسيين ، واعتقد بأنهم يدركون بأن هناك مشاكل ، وان الأمور تغيرت على مدى العقود الثلاثة أو الأربعة الماضية ، وان الفرنسية لم تعد لغة الدبلوماسية كما كانت من قبل" معتبرا اللغة العربية الأكثر أهمية على حد قوله .
وأضاف براينت " أن استخدام لغة حديثة مثل الفرنسية سيكون عديم الفائدة ، ما لم يكن لدينا العدد الكافي من الناس الذين يتكلمون لغات أجنبية حديثة "
واعتبر براينت أن لغات أخرى إلى جانب اللغة العربية مثل المادرين والاسبانية والبرتغالية الأكثر أهمية من اللغة الفرنسية ، فيما تصاعدت ردود الفعل الفرنسية والاحتجاجات على تصريحات الوزير السابق واعتبروها إهانة للفرنسيين.
ومن الجدير بالذكر أن نحو 136 مليون شخص يتحدثون اللغة الفرنسية حول العالم، بالمقارنة مع أكثر من 220 مليون شخص يتحدثون العربية.







هلأ بيجوز أتعلم ألماني بالصيف

وكنت بلشت أتعلم ياباني من شي شهر بس للاسف ما رح أحسن كمل إذا درست ألماني

فشو رأيكم نتعلم ياباني سوا وعندي كذا موقع حلو لتعليم الياباني

بعدين نيالكم على القليلة أنت متعودين عاالانكليزي

أنا مقطوع على الفرنسي من شي سنة

وكل شوي بيطلعلي ADN قال يعني دنا

وبضل ساعة بالجملة لحتى أعرف الفاعل من المفعول به

والمشكلة فقر القواميس الفرنسية عن المصطلحات الطبية أو ما شابهها

مين جاب سيرة المقارنة
               

                   

زيد

((((سلامتكم كلياتكم

كل ما بحاكي حدا بقلي أنو ارتفعت حرارتو ومرض بعد الدمويات

لتكون وراق الفحص مجرثمة))))

ما تستبعد شي والله يمكن

محمد منامك بشع

بس منام زيد كااااااااااابووووس نمرة أولى

وأنا من فترة شفتو بمنامي وقلي أنو حيجيب دورات

ملاحظة على الهامش

أنا الدكتور عامر شخصياً بحسو حباب وكان ينكت كتير بالمحاضرة
وشعاره : أنا مع الطلاب أنا مع الطلاب


بس على صعيد الأسئلة          بتقولي قاتلين أبوه موهيك 

رغم الإحصائيات تبعك ، بعشق اللغة الفرنسية حتى أكتر من الانكليزي...


ولو كان في شخص واحد بيحكيها....فبحب أتعلمها.....ع فكرة ما صحلي سجل غير 3 دورات بالسنة التانية بس تعلمت كتير لحالي (جهد ذاتي) وطول ما أنا بالجامعة شكلي ما رح يصحلي كمل دورات ظريفة.....



والمحطة التالية هي الإسباني.. وممكن بعدها إيطالي.... على هوا التيسير


أما الألماني والياباني فما بحبهم بنووب....لأنو لفظهم  كتير بشع ....

والانكيزي بحس حالياً ما بيهمنا غير المحادثة والانكليزي الطبية الاختصاصية أما تسجيل دورات وقواعد ووجع راس فيـــمل يعني....



بس بشكل عام  تعلم اللغات شي كتير حلو ومفيد........

iron_man

       

ليش اسمك ما عم يطلع تحت

لا تكون عدوى التصفح الخفي وصلت لعندك   

هي زيد تراجع عنها

أكيد انت حابب تجربها ما ؟؟

يللا رجاع انت مرئي مشان أنا أعمل تصفح خفي

صار دوري     

اقتباس

والمحطة التالية هي الإسباني.. وممكن بعدها إيطالي.... على هوا التيسير

شو قصتك.....عم تنقي أغرب لغات

يعني الاسباني شو بيستفيد منها الواحد.......والإيطالي شرحو

حتى الفرنسي ما بينحكا بهاللغة غير بفرنسا وأجزاء من كندا وبأفريقيا

وما بعرف بحسها لغة بناتية.......تخيل رجال مفتول العضلات بيحكي فرنسي

أنا بلشت اتعلم ألماني لحالي وجمعت شوية مواقع واشتريت سي دي

بعرف أنو الألمانية كتير نادرة (يمكن بس بألمانيا بينحكا ألماني) بس شو بدي ساوي

كل الاختصاصات الطبية بروحي عألمانيا

وما بطيق تعلم اللغات (ما كنت حب لا درس العربي ولا الإنكليزي بالمدرسة)

((((((((00يللا رجاع انت مرئي مشان أنا أعمل تصفح خفي))))))))))

لا لا

لسا ما خلص دوري     

((((((رغم الإحصائيات تبعك ، بعشق اللغة الفرنسية حتى أكتر من الانكليزي

أما الألماني والياباني فما بحبهم بنووب....لأنو لفظهم  كتير بشع

)))))))

لا هيك بدي أزعل منك كتير

أنا كنت عادي مع الفرنسي

بس على قد ما قرأت بتاريخ فرنسا وحضارتها

كرهتها كلها من لغتها لحضارتها لكل شي

هلأ بيجوز الألماني سئيل لفظه

لكن الياباني ظريف