اقتباس

ما بتعرفو من وين بتجي الأسئلة

 

إي والله معك حق وخاصة إنو د.هند كانت كل محاضرة تفكر حالها عاطيتنا المعلومة  بعدين لحتى كانت تتذكر إنو نحنا شعبتين وهيي عطت هالمعلومات للشعبة1 .... :((

  الله يمضي هالفحص على خير ,,,,
شكرا زيد ....
وبالتوفيق لكل طلاب الرابعة  بكرة  بالفحص ... 

السلام عليكم

شوسنة ثالثة
كيف طلعتو؟؟؟؟؟؟؟

بالنسبة إلي على الأغلب رح احملها
لإني ما لحقت ادرس التانية بروتينات

قام إجت نص الأسئلة منها 

والله راح يجننوني هالدكاترة
طب ياأخي بدك تجيب الأسئلة مباشرة أكتر جيب

بس مو 90%مننن من محاضرة وحدة

وكمان شو هالسؤال اللي إلو أجوبة مكررة
يعني أنا جاوبتو صح بس عن جد حرام في طلاب هيك راح عليهن 5 علامات عالفاضي




يعني هي عملوها فينا بالأدوية والتكنو
ولنشوف آخرتها

       



والله يمكن شي يوم ارتكبلي جريمة بهالكلية

السلام عليكم..........

ما بعرف بس إذا منقول الأسئلة اليوم صعبة منكون ما عم نحكي الحق الأسئلة حلوة و ما شي حالها..............

و مشان البروتينات أنا ركزتهون منيح متل ما قلنا ZAID الله يجزي الخير.......

ومشان السؤال المكرر  معك حق........

ان شاء الله بتكوني متوهمة و ما بيصير شي و بتكوني مجاوبة منيح و بمعدل كمان......

و لا تذكريني بالأدوية رح جن منها و الله........

الله يسامحكم مو قلنا لم ركزوا على البروتينات

نحن أتانا 25 سؤال بروتينات و10 اسئلة تحاميل (وكان عنا علم بذلك مسبقاً)

بس في ناس لم يعرفوا فوقعوا في هذا الفخ

يالله بسيطة

إن شاء الله بتترفعوا كلكم.........

السلام عليكم

اقتباس

ما بعرف بس إذا منقول الأسئلة اليوم صعبة منكون ما عم نحكي الحق الأسئلة حلوة و ما شي حالها..............

هلأ أنا ما عم قول الأسئلة صعبة
بالعكس أسئلة ال د.هند كتير سهلة وحلوة
وكمان أسئلة ال د. محمد أمين يعني ما شي حالن
بس حبيت أسئلتو بالفصل الأول أكترلإنو عالأقل اللي كان فهمان قدر يجاوب
والحمدلله جبت فيها معدل مع إنو ماقدرت ادرس غير نصها تقريبا


بس أنا عم بحكي إنو يعني والله حرام بيركزبالأسئلة على آخر محاضرة


يعني الواحد بتكون أحياناً الظروف أقوى منو
لذلك مالحقت ادرس  آخر محاضرة

ولساتني عند رأيي إنو عن جد مو عدل إنو بيركزو بالأسئلة على محاضرة وحدة
الأسئلة لازم تكون موزعة وشاملة
مهما كانت أهمية الموضوع لإنو لو ما المواضيع الباقية مهمة لشو عطونا إياها


بالتوفيق للجميع وإن شاء الله بترفعوها بعلامات عالية
ادعولي إنو احملها ،مابدي اضرب معدلي

شايفة تحولت هالساحة لساحة فشة خلق السنة الثالثة
عم أمزح
أهلأ و سهلاً فيكم و بكل طلاب الصيدلة

F.A.N

طولي بالك

أنا وقت قدمت هالمادة طلعت عم أبكي لأني مالي عرفانة شو حالة و مفكرة إني مخبصة بالحل بس بعدين طلعت غلطانة و الحمد لله جبت 78
يعني هي مادة التكنو هيك دائماً بطلع الطالب مو عرفان شو كان عم يحل
و بإذن الله بتجي علاماتكم عالية

بس الله يسامحك معقول ما تدرسي البروتينات منيح!!!
يعني هي معروفة إنو بحبها الدكتور كتير...
يلا خلص حصل خير....

اقتباس

والله يمكن شي يوم ارتكبلي جريمة بهالكلية

لا مو محرزة ترتكبي جريمة مشان هالكلية

بس تعرفي شغلة
أحياناً بجي لجن من هالكلية و العلل اللي فيها بقوم بتذكر إنو نص بنات البلد بتتمنى تكون آعدة مكاني بهاللكلية و بتذكر نعمة الله علي فيها بقوم برتاح شوي
يعني معلش شوفوا الجانب الإيجابي و لا تركزوا عالجانب السلبي

يلا موفقين و هلأ ركزوا عالجراثيم

             

شو يا جماعة السنة التالتة انبحتو بفرد بحتة    

دايسين بساطي (لأنو أنا صاحبة الموضوع)

وقاعدين عم تحكو عن مادتي اللي بحبا وعن أكتر أستاذ رائع عنا بالكلية

وعندي شخصياً أحسن وأفهم دكتور

أنا عندي وجهة نظر خاصة !!!!

الدكتور يلي بيعطي من قلبو بهي الطريقة وبيتعب وبيشرح أكتر من أي حدا

ووقتو كلو للطلاب بالمحاضرة وبالمكتب وعالإيميل وبكل رحابة صدر

يحق له مالايحق لغيره

وبيمون وبيطلعلو يصعب  لأنو عطا كتييييييييييييييييييييييييييييرررر

الله يجزيه الخير

والدكتورة هند كمان مافي منا

مو متل بعض دكاترة بينقلو تنقيل وبيتفننو بالمفاتيح والصعوبة

بعدين مبينة أنو البروتينا حيجي منها كتير والدكتور كان يقلنا عالفقرات المهمة

أحلى شي بهالمادة أنو حتى لو فوتت المحاضرات معك  ما بتعرف تحل

السلام عليكم

يلا حصل خير

وانتو جماعة السنة الثالثة شاطرين

نحنا كمان جاب أغلب الأسئلة من البروتينات وما كنت عرفان

بس فرضاً لا سمح الله حدا حملها فعالاغلب بجيب أغلب الأسئلة من البروتينات

هلأ هو يمكن الدكتور بجيب أغلب الأسئلة من قسم واحد مشان ما يضطر يجيب دورات

بس شو ما عمل بتضل أسئلة د.أمين رائعة وبتشغل المخ منيح

بتطلع من الفحص وبتتناقش مع الطلاب حول الأسئلة وكل واحد بيطلع بجواب منطقي

وعموماً أي دكتور حاولو تعرفو بشو مختص أو شو كانت رسالة الدكتوراة تبعو

لأن عالأغلب رح يجيب من هالموضوع كتير

د.محمد كنا نحسو كتير مبسوط وهو وعم يشرح البروتينات

أما التحاميل فعطاها منيح وبشكل رائع (ما بننكر)

بس بتحسو مشأرئ هو وعم يعطي البروتينات

موفقين جميعاً

يللا إن شاء الله تخيب توقعاتكن وتطلع علاماتكن منيحة.......هي التكنو مادة غير كل المواد... ما حدا عندو الجواب الأكيد للأسئلة....


-------------------------------------------------


سؤال خطرلي ولو أنو لسا بكير على وجع الراس:

بس آخر شي شو صار؟؟

داخلة النوطة العجيبة يللي نزلتها الدكتورة للمناعيات؟!! أو لأ؟؟